¹ Ngieti siamisa zi mbuta za dibundu zozo zena yeno, mono ngiena mpe mbuta, nkundi a kisaluye mbangi kotamu nzungu za Yisu; ye wena mpe wumosi mu nkembo wena monika. ² Mu diodo, ngieti kunu siamisa, a mbuta, nu vunga kamba dia Nzambi diena va kati kua beno. Nutoma landila Nzambi. Nu lunda dio ka mu mfuta wa kondua kua wunsongi ko, kansi mu luzolo. ³ Ku vangilani ko wonso mfumu mu nkangu wena mu mbebe ako, kansi kala kifuani mu kamba. ⁴ Ntangua mvungi wa biza kena minika, si nua tambula olua kio mpu ya kintinu yilezimanga mu nkembo. ⁵ Mpila mosi, yeno, zintuenia, nu lemvuka kua mbuta zeno za vita wutuka. Ye yeno awo, nuvuata luyinunu ye nusala sana yeno ye yeno; kadi Nzambi wu kakidila a nkua luyanu, kansi wu silanga nlemvo kua a wumpombo. ⁶ Lu kikulula kunsi a koko kua ngolo za Nzambi, kidi kaluzangula mu ntangua ya fuana. ⁷ Nu yekula kua yani mayindu meno mamonsono, kadi yani wu kunu kipanga eno, ⁸ Lukiyala, lukaya meso, kadi ntantu Satana wuzungananga ngo vo nkosi yeti samba mu tomba nau kafiti tiazuna ye dia. ⁹ NU nkakidila na dede, nukala ngolo mu minu bieno. Luzeyi vo mpangi zeno zena nunga beti kuama mpila mosi ye yeno. ¹⁰ Landila mu mamo mpasi mu fintangu ntangu, Nzambi ya nlemvo wawo endu wanu bokila mu Klisto mu nkembo ani wa mvu ya mvu, si kakulu lungisa, kuluvana lufulu ye kunu vana mgolo. ¹¹ Kua yani kua kala kimfumu mu mvu ya mvu. Ameni! ¹² Mono ngi monanga Silivanu wonso mpangi ya kuikama. Yi munzila ya yani nginu sonekene buku ya mambu. Ngieti kunu siamisa ye kunu tela kimbangi vo nginu sonekene yi nkatika kedika kia nlemvo wa Nzambi. nu kangama mu momo. ¹³ Dibundu diena ku Babiloni, diodio dia solua wonso yeno, dinu fidisi mbote. Muana ame Malako wunu veni mbote. ¹⁴ Lu vana sana mbote yeno ye yeno mu mfibulu ya zola. Bika luvuvamu lua kala yeno awonsono nuena mu Klisto.