¹ Mu mpila yoyo, yeno mu akazi, nu timama kua mayakala meno. Nuvanga wo kidi vo, kani nkutu vo vena ye mayakala mankaka kama tumamananga mu masonukua manlongo ko, mu mavanga ma akazi awu. ² Kadi se amona fu yeno yambote ye ya luzitu. ³ Nu sadila dio kondua kua ntoko za vambazi: Nsukiza kangua, me ya mata ya ala evo mimvuatu miantalu mia lumbu yayi. ⁴ Kansi tu bika diavangama mu kimuntu kieno kia kati kia ntima, ye ntoko izingilanga mu mpeve yam lembami ye ya vuvama, diodio diena dia ntalu va ntadisi a Nzambi. ⁵ Kadi akazi anlongo vakiakala akitomesanga mpila yayo. Akala ye vuvu mu nzambi ye atumamenanga kua mayakala mau. ⁶ Mu mpila yoyo Sala watumamana kua Abalahami ye wam bokidila mfumu ani. Yeno nuena wau ana ani, vo nueti vanga mena ma mbote ye vo ka nueti muena zimpasi wonga ko. ⁸ Kidi vo yeno awonsono nukala ye ngindu zimosi, nufuilanga antu nkenda, nukala ye zola kua kimpangi, nukalanzodi a mambote ye nlembami. ⁹ Kanuvutulani mbi muna mbi ko evo kifingu muna kifingu ko. Kansi tu, nutatamana mu sakumuna kadi i mu diodio nua bakudulua mpasi nuna tombula lusakumunu. ¹⁰ Ndioyo wuzolele zinga ye mona lumbu yambote kafueti yambula mu vova mambi ye yambula luvunu lualo. ¹¹ Kayambula mu vanga momo mena mambi ye vanga mena mambote. Kasosa luvuvamu ye kadiata mu luawu. ¹² Meso ma Nzambi mamonanga balunungu ye matu mani mawanga ndombolo zau. Kansi zizi kia mfumu kifueminanga wowo avanganga mambi". ¹³ Nani ndiena una kunuvangila mambi vo nueti vangila ma lunungue? ¹⁴ Kansi vo nueti mona mpasi mu diambu dia lunungu, buna nuna nua sakumunua. Kanu monani wonga ko mu ma eti muana wonga. Kanu monani nsisi ko. ¹⁵ Kansi nu sanisina mfumu, Klisto mu mintima mieno. Nukalanga kaka akubama kunu yuvula vo bila nki nutudilanga vuvu mu Nzambi? Nuwanga wo mu nlembami ye luzitu. ¹⁶ Nukala ye kansansa kia mbote kidi vo antu eti finga zingu yeno yambote nu Klisto amona nsoni kadi eti kunu vovila wambi. ¹⁷ Diena dia mbote, vo Nzambi zolele, nuamona mpasi mu diambu dia nueti vanga mambote kansi ka mu vanga mabi ko. ¹⁸ Klisto mpe wamona mpasi nkumbu mosi mu diambu dia masumu . Yani wena walunungu wamona mpasi mu yeto tuakala tua kondua lunungu kidivo kakutu nata kua Nzambi. Yani wavondua muna kinsuni kansi yani wanatua ku moyo mu mpeve. ¹⁹ Mu mpeve, yani wayenda ye walongila zimpeve zena wawu muna boloko. ²⁰ Yau akala minlongoki mu ntangu mvibudulu a Nzambi yavingidingi mu i lumbu ya nowa, muna lumbu ya ntungulu a nzaza ye Nzambi wa vuluza ankaka ( miela nana) mu nzila ya maza. ²¹ Kiaki idimbu kia mbotokolo yi kunu vuluzanga wawu (Ka konso nsukudulu a mvindu za nitu, kansi konso lusiamunu mu kansansa kimbote vantadisi a Nzambi), muna lufulukulu lua Yisu Klisto. ²² Klisto wena va lubakala lua Nzambi. Yani wayenda ku zulu. Zimbasi, tuyalu ye tulendo tufueti ku ntumamana.