¹ Yesu gukota diaka mu nzo lusambulu gumona muntu gu kala ye koku kutanda. ² Bata tala Yesu keti si kabelusa mu kilumbu ki kuvunda muku sande ba mfunda. ³ Ye Yesu wa zayisa kua muntu yu gukala koku kutanda telama, kota ga kati. ⁴ Buna gu bateledi nde: luve luna mulumbu ki kuvunda musala mamboti vo musala mambi, mu gulusa muntu vo mu gonda? Kansi badingalala. ⁵ Yani gubatala mu ngansi ye muna ntangu yina gu kala diaka mu nkangulu yi ntima miagu, gugoga ku untu yoyu: lambula koku kuaku. Ye gulambula kuagu, koku kuani kubeluka. ⁶ Ba mfadisi batukidi mbala mosi bawiseni ye besi ki Elodi, mu kusosa nzila yi ku n'gondila. ⁷ Yesu guvutuka ye balongoki bani kuna mbu. Ndonga yi bidi yi balanda tuka kuna Ngalileya ye kuna Yuda ⁸ ye mu Yelusalemi, ye mu Idume, ye muna simu di Yodani, ye mu ndambu yi Tilo, ye mu Sidoni ndonga yi mbidi, bu ba longuka mambu ma kulu ma kakesi salanga ba yisa ku yani. ⁹ Yani gu goga ku banlongoki miani nde nlungu, gu kikubimina ku yani, mu diambu ndonga ka yi fietikisaku. ¹⁰ Kadi bu kena belusa bantu bambidi, bakulu bakala ye bimbefu bakigeta mu yani mpasi ba nsimba. ¹¹ Mpefi zimbi buzi ona zi fukama ga ntuala ani ye zi kaya: ngeyi yi muana Nzambi. ¹² Kansi guba tuma mulu lendu nde kaluba zayisaku. ¹³ Yani gutombuka kuna mongu, yani gu bokila mbila ku ba kazola ye ba yenda ku yani. ¹⁴ Yani gu gambula bakumi ye zodi, mpasi ba kala ye yani, ye kubafidisa mukuenda longila. ¹⁵ Ye kala lu lendu mukula mpeve zimbi. ¹⁶ Tala kumi ye zodi, dikagambula: Simoni, yu kagana nkumbu Petelu, ¹⁷ Yakobi muana Zebedi, ye Yowani mpangi Yakobi, baka gana nkumbu yi Boanerges ye disongedi nde: muana mbanunu. ¹⁸ Andele, Fiipo, Batolami, MAtayi, Toma, Yakobi muana Alafa, Tadayi, Simoni yu gu kana ¹⁹ ye Yuda Isikarioti, yu gu yekula Yesu. ²⁰ Bakulu bakota muna nzo, ye ndonga yi vutuka diaka mu kutakana buna balembeni nkutu mudia. ²¹ Ma sema Yesu, bubawa mama kesi lutanga, bayenda mukumbaka, kadi bagoga: yani guna zengele-zengele. ²² Ye minsoneki, mikulumuka tuka mu Yelusalemi, migoga: yu wu kala ye mpefi zi Belesibula, wu na mfumu ma tebu mu kula ma tebu. ²³ Yesu guba bokila, ye gu bagogila mu bingana: Bueyi Satana kulendi kudila Satana? ²⁴ Vo gata di gambeni diawu mosi ka di nanga diakaku. ²⁵ Vo nzo yi gambeni yawu mosi ka yi lendi nanga diakaku. ²⁶ Satana mpi guki nuanisanga yani kibeni, gu kigambesi, ka lendi nanga diakaku kansi yimeni ku yani. ²⁷ Kamuntu ku lenda kota mu nzo muntu wena ye ngolo ye yiba bima biani, buka kengi ku mkua ngolo, buna ka yiba bima biani bi nzo. ²⁸ Mu kedika munu yiluteledi: masumu menu makulu si mayambu dila ku bana ba bantu, ye mvuezolu zakulu si zi lolukua. ²⁹ Kansi yuna gu vuesanga mpefi ya nlongu ka lendi yambudiluaku: kadi neti nkamu yu ma sumu ma mvu ye mvu. ³⁰ Yesu wu ta buna kadi bawu ba zayisa nde yani wena ye mpefi mbi. ³¹ Ngudiani ye ba mpangi bani, batelama kuna nzila, batuma ku yani, bambokila. ³² Ndonga bantu yi vuanda mumbelani, batela ku yani: tala mama aku ye ba mpangi zaku kuna nzila ba ta ku yufuka. ³³ Ye guvutla ku bagu: nani wena ngudi ami, ye ba nani ba mpani bami? ³⁴ Buna gutala baba vaunda ga ndambu yani. Yani tedi nde: Tala ngudiamu ye ba mpangi zamu! ³⁵ Kadi yuna gu salanga buzolulu Nzambi, yani yi mpangi amu gu yakala, mpangi nkentu, ye ngudiamu.