¹ Mu nstangu Yesu katuka mu nzo Nzambi, yu mosi mu balongoki bani wutela: mulongi, tala nki mpila matadi, ye nki tungulu! ² Yesu wugeni nvutu: keyi tungulu zozi neni tamona? kansi kasi gakala tadi ku di fueti kala gantandu tadi vo kadi katukidi ku. ³ Yani wu vonda gana zulu mongo wu olivi, ku kuntuala nzo Nzambi ye Petelo, Yakobi, Yowani ye Andedi bayisa ku yufula mu kingenga kuifu kiokio. ⁴ Wu tu tela, ma nki ntangu mambu mana sima kuma, ye bueyi tuzayila nde bima bina biakulu si bigangama? ⁵ Yesu wuyantika muna nstangu yina kuba tela: luki keba mpasi nde muntu kaluguna ku. ⁶ Kadi bambidi si besa mu nkumbu amu, ye goga: yi munu. Ye bawu si baguna bantu babingi. ⁷ Mu ntangu benu siluwa nzi mvita ye mazu ma vita, kaluyituka ku, kadi bima bina biakulu bifueti kuma. Kansi kasiyikala nsuka ku. ⁸ Nsi mosi siyitedimina nsi kaka, ye kimfumu kimosi ye kimfumu ki nkaka; si gakala nikunu ntoto mu gifulu bi mbidi, nsatu siyikala. Yina siyi kala kaka ngiantukulu mpasi. ⁹ Lukikeba mu benu kibene. Benu sibalufunda, ye benu si lua zubua mu fimbu mu zosa Nzambi; benu siba samba gantuala ba mfumu ye gantuala mi ntino, mu diambu di munu, mpasi nde mana makala kimbangi mu bawu. ¹⁰ Nteti nsangu zi mboti zi fueti longua mona nsi zakulu. ¹¹ Mu ntangu siba lunata benu mukulu yetula ka lukala ye kiadi mu ma silu goga ku, kansi lugoga nkaka mana siba kulugana muna ntanu yina; kadi ka benu silu goga ku, kansi mpefi ya longo. ¹² Mpangi sika yekula mpangi ani mulufwa, ye tata muana ani; bana siba tedimina ma se ye bangudi zawu, ye si baba gonda. ¹³ Benu kasi baluzola ku kubakulu, mudiambu di kumbu amu, kansi yuna si wutatimina tiye kuna nsuka sika vulusu. ¹⁴ Mu ntangu benu silu mona mambu mambi ye ma nsoni ma salemeni gana kama lendi salamana ku, yuna weti tala kakala ngangu, buna, basi bakala ku Yuda siba leuka kuna mongo. ¹⁵ Yuna siwu kala gana zulu ludi kasika kulumuka ku ye sika kota ku mu nzo nde kabaka kima ki mosi muna nzo ani. ¹⁶ Ye yuna siwu kala kuna sodi kasi kavutuka ku ku nima mpasi kabaka kiyunga kiani. ¹⁷ Kiadi kuba nketu sibakala ye mavumu ye bana siba yemi kanaga muna bilumbu bina. ¹⁸ Lusambila mpasi nde mambu mana kama kuna mu ntangu kiosi ku. ¹⁹ Kadi kiadi, muna bilumbu bina, kadi kiadi sikikala ka ki kesieti ku tuka giantikulu nsi yi yidika Nzambi na te ye bubu, ye kasi kikala diaka ku. ²⁰ Ye nde Mfumu kakufi ka bilumbu, bila ku, ngaka muntu wuka ni vulusua ku; kansi wukufika bio, mudiambu di bana kasola. ²¹ Vo muntu wuluteledi nde: Kritu gu gatena kani : kuna kena kalukuikila ku. ²² Kadi ba Kristu baluvunu siba telama ye mbikudimi luvunu; bawu siba sala mangitukulu ye ma sifi muku wuna babasolua, go bulendi lendakana. ²³ Lukala ngangu: Munu yaluzayisi makulu. ²⁴ Kansi muna bilumbu bina kunima kiadi, ntangu siyidimuka, ndonda kasi yi gana diaka temu ani ku. ²⁵ Miesi si mibwa mu zulu, ye ngulu zena mu mazulu si zi ningana. ²⁶ Buna situmuna muana muntu sikesa muma tuti ye lendu ki neni ye mu kembu. ²⁷ Buna yani sikafuidisa ba mbasi, ye yani sikakutikisa ba basolua lubi nkoko bia biya, tuka mu nsukulu ntotu na te ye kuna nsukulu zulu. ²⁸ Benu lulonguka mu ku suasisa ma mena mu nti. Go binta biani biyededi, ye makaya mayantikidi mena, benu yuzelyi nde nsungi tida yi kumini. ²⁹ Yi buna, ntangu benu si lumona bima bina bikumini luzya nde Muana Muntu kumini lukufi, gamuelo. ³⁰ Munu yiyuteledi mukiedika mbandu yiyi kayilendi lutaku, nde mambu mana kama kuminiku. ³¹ Zulu ya ntoto sibi luta, kansi gogu miamu kami lendi luta ku. ³² Ma mena ma kilumbu kani ntangu, ka muntu zeyi ku, kani nde mbasi muna zulu, kani Muana, kansi Tata yani mosi. ³³ Lukala ngangu, lukaya mesu, yelusambila; benu kaluzeyiku u nki ntangu sima kuma. ³⁴ Sima kala bonsu muntu mosi wena, wedi munzetelu, sisidi nzo ani, geni kimfumu kubisadi biani, geni gu konsu muntu kisalu kiani, yetu mini kua kengi muelu kakaya mesu. ³⁵ Lukeba, kadi kaluzeyi ku ndangu mfumu nzo sikesa, mu nkokila, ga kati ki mpimpa, mu ntangu yi kokila langa nsusu kani nde mu siuka; ³⁶ Lutina mpasi yani kesi kulubuana ku toluku bosi kesi mu nkitulu mukina. ³⁷ Mayilu teledi benu, ntedi mu kubakulu: Lukaya mesu.