¹ Mu ntangu bafilangana ye Yelusalemi kumbela Betafasi kuna mbela mongo wa olivi, Yesu afila longoki miani miodi. ² Muku batela: luenda ku gata diena kuntualenu; nde lukumini kaka, benu nsilu munu muana mpunda wukangama, yu wena kani muntu mosi kame ntieti yoku; lunkutula, ye lunata. ³ Vo muntu wu luyulufuedi: kinluta sadila mana? Luntela: mfumu vuidi yo mfunu. Ye muna ntangu yina siba yambula yo yisa kuku. ⁶ Balongi, buba yenda, bamona muana mpunda wukangama ku nzila gana ndambu muelo, mumbela nzila, yebawu bakutula yo. ⁵ Ndambu bantu ku bana bakala gana babatela: kinluta sala? Mu diambu dinki lutakutudila muana mpunda yoyo? ⁴ Bawu bavutula bonsu butela Yesu. Ye ba bayambula benda. ⁷ Bawu banata muana mpunda kua Yesu, mu yawu bakesi getanga binkutu biawu, ye Yesu wa vuanda gana ntandu. ⁸ Bantu bambindi bakesi yalanga binkutu biawu mu nzila, ye ba nkaka binta binti bazenge dingi muna masodi. ⁹ Ba batekila ye ba bakesi landanga Yesu bakesi kayanga: Ozana bika kasakumunua yu wisidi mu nkumbu mfumu. ¹⁰ Kizangulua ki mfumu ki kita kuisa, ki mfumu ki Davidi, se dietu. Ozana mu bifulu biakulu bizanguka. ¹¹ Yesu wu kota mu Yelusalemi mu nzo Nzambi. Ntangu yani kamanisa muku zaya makulu, bukina nde ntangu yikilutila yani wa yenda ku Betani, ye bakumi ye zodi. ¹² Lumbu kilanda, kunima bu bakitukila kuna Betani, Yesu wu mona nsatu. ¹³ Buka mona nti figi kuna nkutaa yi yikala ye makala, yani wu yenda mukutala keti lenda mona kima; ye buka kuma gana lueka, yani wu mona kaka makaya, kadi kayekala nsungi bibunduku. ¹⁴ Bukabaka ndinga, yani wuteledi: ndeka muntu diakaku siwudi buntu kiaku! Ye balongi bayi bawa. ¹⁵ Bawu bayenda kuna Yelusalemi ye Yesu bakota mu nzo Nzambi. Yani wu yantika mu kukula ba bakesi tekanga ye ba bakesi sumba nga muna nzo Nzambi; yani wu buisa mesa ma ba bakesi siensanga, ye kubifulu bi bakesi tekanga mayembi; ¹⁶ ye yani ka yambula muntu ku kanata kani kima muna nzo Nzambi. ¹⁷ Ye yani wa yantika longa ye wu wutedingi: kaba sonika ku: nzo amu si batelanga yo nzo yi lusambulu mu diambu dinsi zakulu? Kansi benu, lukituediyo kifulu kimiyibi. ¹⁸ Ba mbuta zi nganga ye misoniki, bu bawa, bansosila nzila muku gonda; kadi bawu bakesi ti tanga, kadi ndonga ya kulu yi yangalala mu malongi mani. ¹⁹ Ntangu mpimpa yi kuma, Yesu wutuka u mbansa. ²⁰ Mu suka, gubalotilingi, balongi ba mona nti figi wuyuma na te ye kuna miansi. ²¹ Petelo, wa bambuka ma maluta, tedi ku Yesu: Longi, tala, nti figi wu wuloko wuyumini. ²² Yesu wubaka ndinga ye yewuba teledi: lukala ye lu kuikilu mu Nzambi. ²³ Monoyi luteledi mu kiedika vo muntu tedi ku mongo wuwu: katuka kuaku gana ye wukituba mu mbu, ye vo kasidi keti keti ku mu ntima ani, kansi kuikidi nde makata goga malueki, sika monamo ma ganga meni. ²⁴ Mu diambu dina munu yiluteledi: biakulu bisilulomba benu mu lusambulu, lu kuikilia nde benu lubakidiki bio, ye benu silu mona nde malungeni. ²⁵ Ye u ntangu benu lukalanga batelama mu kusambila, vo benu luena ye diambu ku muntu, lulemfu kila, mu sande Sedieno wena muma zulu kalulemfu kila diaka masumu meno. ²⁶ Kansi vo benu kalulefu kediko; Sedienu wona ku ma zulu kalendi kulu lemfukila ku kani masumu menu. ²⁷ Bawu bayenda diaka ku Yelusalemi, ye, mu ntangu Yesu kakesi kue lenganga mu nzo Nzambi ba mbuta zi nganga yemi soniki yebisielo, bayisa kua yani. ²⁸ Ye bantela: mu nki kimfumu tasadila bima bibio, ye nani waku gana ki mfumu mu kusala bio? ²⁹ Yesu wabavutudila: monu zolele kulu gana diaka kiofo; lungana vutu. Ye si yilutela keti mu nki kimfumu yi sadilanga bima bina mono. ³⁰ Mbotokolo yi Yowani kuzulu yi keti tukanga kani vo ku bantu? Lungana nvutu. ³¹ Kansi bayindula bawu ye bawu: gotuzayisi: kuzulu, sikata: mu diambu dinki benu kalukuidikika ku yani? ³² Ye vo betu tugeni nvutu ku bantu...bawu bakesi tinanga ndonga kadi bakulu bakesi monanga Yowani bonsu mbikudi. ³³ Buna bawu bavutula kua Yesu: betu katuzeyiku. Ye Yesu wubatela: Munu diaka, kilendi ta ku ku benu keti mu nki kimfumu yisadilanga munu bima bina.