1
Yidina momu yibakidi lukanu nde kilendi luisa diaka kuna kuena benu ku mu ntangu zi mpasi.
2
Go mambi yilusala, nani lenda kungiangidika, go kayuna wuluaka kumonuku.
3
Momu yi sonika bonsi ya sala mpasi nde buyisi vutuka diaka kuna kuena benu, kikala diaka wulualaku ku bawu bafueti kumbuesa kiesi. Ngienda ye kivuvu mu benu kulu nde kiesi kiamu kiena diaka buna bonsu kua benu.
4
Kadi yi mukiadi ki mbidi yi lusonekina, mu ntima mpasi ye mansanga mambidi. Momu kizoledi kulu muesa mpasi ku. Nkutu monu yizola nde benu luzaya luzolu lungolu lu luena yamu mu benu.
5
Go muntu wumbuesa kiadi, yani kasala mo kua munu kakaku, kansi kondu kulutisa kitesu, yi kua benu kulu.
6
Tumbu ki muntu yuna kua bakulu kiena kifuana.
7
Tuka wunu, musa nde lumuesa mbasi, benu lufueti kuyambudila ye ku siamisa. Lusala buna mu sa nde bakala ye mpasi zi zingi zi kiadi ku.
8
Yi buna, munu yi lusiamisi mu kusonga luzolu luenu kua yani.
9
Didi yi dina yi sonikina, mpasi nde yi lutonta ye yizaya keti benu lutumamanga mu mambu makulu.
10
Go benu lulemfukidi muntu, munu diaka si yi lulemfukila muntu yuna. Bina yilemfukila, kiawu bulemfukidi mu diambu di benu ga luse lu Klistu.
11
Mpasi nde benu kalukiyambulaku luabakama kua satana, kadi betu batuvilakeni ngangu zani ku.
12
Muelu mosi wunzibukila kua Mfumu mu ntangu yi yisa ku mbansa Toloya mu mukulongila nsangu zi Klistu.
13
Yi buna diaka, lukala diaka ye kimbuansa mu mpefi ku kadi munu ki kimuena mpangi amuku Tite. Buna, munu yi basisisdi ye yivutukisi ku Masedoni.
14
Kansi bika nlemfu wukala kua Nzambi, yu wena mu klistu wutu natanga ntangu zakulu mu lunungu. Ga kati kibetu, yani wumuangisanga nsangu zi mboti mu nzayilu ani kua bakulu.
15
Kadi, betu tuena mudiambu di Nzambi nsunga yimboti yi Klistu kubana bavulusua ye kunana bafuanga.
16
Mudiambu dibantu bafuanga, yena nsunga lufua kua bana bafua. Kubana si bavulusua, yena nsunga luzingu mudiambu di luzingu. Nani wena wafuana mu mambu momu?
17
Kadi betu katuenaku bonsu bantu ban'kaka batekanga mambu ma Nzambi mudiambu dikubaka ndandu. Bukatusalanga manaku, mu lusiamusu lu ngolu, betu tugoganga mu Mfumu bonsu bantu tuafiluakua Nzambi mu mesu ma Nzambi.