¹ Bene berhu na badarha, munyunvirize ebi nababwira buno n'ebinaderha linchilanga! ² Babere bayunva Paulo aherhe aderha nabo omu lulimi lw'echihebraniya, bagenderera okusira. Aderha: ³ Nyono ndi Muyahudi, naburhagwa e Tarso e Silisiya; aliko nalembagwa mw'echi chizungu, nayigirizwa na Gamaliyeli amarhegeko ga badarha oku bishinganene, anaba muntu w'obushiru emwa Nyamuzinda kuguma nenyu nkoku muli mu zino siku; ⁴ Nalibuzaga kuhik'okufa ezi nyigirizo, omu kushweka n'okuhira omu mpamiko abalume n'abakazi. ⁵ Omudahwa mukulu n'echigusho cha bashamuka bampamiriza. Bampereza amaruba ga bene berhu be Damasiki, emunda najaga mpu mbalerhere abashwekerwe e Yerusalema n'okubahana. ⁶ Nabere ndi omu lugendo hofu n'e Damaski, amango ga gahuzo, honaho omwengezi gunene gwarhega empingu, gwakoleza enyunda zoshi. ⁷ Nakumbagala ahashi, nayunva omulenge guli gwambwira: Sauli, Sauli, gurhe oherhe wandibuza? ⁸ Nani nashubiza: w'oyo wende Nahano? Naye ambwira: nyono Yesu we Nazareti, eyoli walibuza. ⁹ Nabaliri haguma nani balibwene k'ogo mwengezi, aliko barhayunvaga omulenge gw'owalemag'aderha nani. Nantyo naderha: kurhe njirage, Nahano? ¹⁰ Na Nahano ambwira: yumanga, oje e Damasiki,n'eyo munda wa bwirwa ngasi hyoshi orhegekerwe okukola. Nabere naba ntaherhe nabona chintu, enyanya z'omwengezi, abaliri haguma nani banfarha okuboko, bamperekeza e Damasiki. ¹² Muntu muguma oyirikwa Ananiya, oyubaha Nyamuzinda omu kukulikira amarhegeko, eyi Abayahudi boshi b'e Damaski bakenga bwenene, ¹³ ayinja emunda ndi, ambwira: Saulo, mwene werhu obone. Hanaho nabona namulola. ¹⁴ Aderha: Nyamuzinda wa badarha amalire kukulondola okw'omenye obulonza bwage, n'okubona omushinganyanya n'okuyunva emyazi y'omulenge gwage; ¹⁵ bulala nji wamuhamiriza oku bantu boshi, bw'ebyo byoshi wabwene n'okuyunva. ¹⁶ Chirumire lero walegama? Yimanga, obatizwe n'okubabalirwa ebyaha omu kuhamagala ezino lya Nahano. ¹⁷ Omu kugaluka eYeruselema eri ndi nahuna omu shengero, nahola, ¹⁸ nabona Nahano alyambwira: rhenga dubaduba eYerusalama bulala barhankayunva obuhamirizi bwaw'enyanya zani. ¹⁹ Naderha: Nahano bamenyere bonine oku nalishwekere abali kuyemera n'okubashurha omu bishagala abali kuyemera. ²⁰ N'amango basheshag'eshagama ya Stefano, muhamiriza wawe, nyenine naliri ho, nali yemerere n'okufa kwage, nalanga n'emishangi ya bamuyirhaga. ²¹ Lero ambwira: Genda, njina kurhuma hale n'omulala... ²² Bamuyunviriza kugera k'ogo mwazi. Aliko lero bamuzamul'emilenge, baderha: Mukule oyo mupagani okw'igulu! Arhashinganen'okulama. ²³ Baband'akalulu, bakabul'emyambalo yabo ahashi, n'oku balaza akachulo omu chanya. ²⁴ Omukulu w'enfola miherho arhegeka okubahire Paulo omu ngombe, n'oku mudos'amadoso n'enkoni; kuhik'obuzinda b'okumenya bichi birhumire baband'akalulu k'okumulahira. ²⁵ Babere bamala mushweka n'olukoba, Paulo abwir'omukulu w'enfolamiherho, waliriho: Mugwerh'obulenganjira b'okushurha omurhuturage w'omu Roma arhanalizi hanwa? ²⁶ Kw'eyo myazi, omukulu w'enfolamihirho agenda emo mukulu wage enyanya w'okumubwira; aderha: Gurhe wajira oyu mu Roma? ²⁷ N'omukulu, ayinj'abwira Paulo: Ombwire, oli Muroma? Paulo ayemera: Nechi. ²⁸ Omukulu ashubiriza: Okufaranga zinene kunabonag'obushinganyanya (murhula). Paulo baderha: Nani ndi yewe kurheng'okuburhwa kwani. ²⁹ Honaho abali shinganen'oku mudos'amadoso bachirhengera ho, n'omukulu aber'abon'oku Paulo ali mu Roma ayubah'okubona okw'alimushwekere. ³⁰ Buch'esezi alonza okumenya bwinja bichi byarhumaga Abayahudi bamusidaka, omukulu amushwekula, akula erhegeko okubandi bakulu babadahwa n'oku bashamuka okubabuganane; okubuzinda, Ayandagaza Paulo bamuhira ahagarhi Kabo.