¹ Olwamo lwabere luhwa Paulo ahamagala abigirizwa abasezera, arhenga achigender'e Makedonia. ² Enyuma w'okuger'eburhambi bw'e Makedoniya n'okurhulirizwa oku myazi minene agerer'e Yunani. ³ Aber'eyo myezi esharhu, aber'ajahofi kuj'e Suriya omukugera oku nyanja, abayuda bamurhega. Aha nyuma alonza kugalukir'omu njira y'e Makedoniya. ⁴ Aba bantu bagenda haguma naye kugera e Azia, Sopateri w'e Beroya na Aristarko na Sekondo bantu b'e Tesalonika, na Gayo muntu w'e Derbe, na Timoteyo ne Tikiko na Trofimo, bantu b'e Azia. ⁵ Ababantu barhurhanga baji rhulingir'e Torowa. ⁶ Rhwabo rhwenyine enyuma w'emigati buzira chibolo rhwali rhenger'e Filipo kugenda enjira y'enyanja kuger'e Torowa, lugenzi lwa siku erhano. rhwayikalaho siku mushanvu. ⁷ Olusiku lurhanzi lw'eboso, amango abigirizwa babugananaga, kugab'omugati, Paulo ashambala nabo abali hofi kubalama buch'esezi agendekez'emyazi yage kuger'ebudufu. ⁸ Haliri orhumole rhunene omubusika bw'elugulu ahabali buganene. ⁹ Musole muguma, ezino lyage Eutiko aliyikerhe oku mwengezi ahimwa n'ero, Paulo agendekera n'emyazi yage, Eutiko arhoga kurheng'oku busika bw'elugulu abarhulwa eyafire. ¹⁰ Paulo ayandagala akumbagala amulyamako, amuhobera, aderha: murhagaya buno omuka gwage guli mulimo. ¹¹ Ashubi zamuka enyanya, agab'omugati, alya, agendeker'okushambala nabo kuger'emiseke, oku buzinda achigendera. ¹² Bahek'oyo musole, elyali mugumaguma, barhulizwa bwenene. ¹³ Aliko rhwabo rhwaja omubwarho, rhwabalama kugera e Asosi; rhulonzeze okuyegereza Paulo akw'aderhaga yewe yenyine. Alilonzeze kugenda n'amagulu. ¹⁴ Abere arhubugana omu Asosi rhwa muyegereza rhwager'e Mitilene. ¹⁵ Rhwarhengayo omu bwarho, kuch'esenzi rhwager'emalangambere ga Kio n'olusiku lwakasharhu rhwager'e Samosi, rhwabera e Torogulio, n'olusiku lwakane rhwagend'Emileto. Buno Paulo alilonzeze okuger'e Efeso omu bwarho, arhalegamaga omu Azia, ¹⁶ bulala, agenda dubaduba ager'e Yerusalema olusiku lw'e Pentekote bikagalikana. ¹⁷ Kurheng'e Mileto Paulo arhum'abantu kuje e Efeso kuhamagala abashamuka b'eshengero. ¹⁸ Babere bager'emwage , ababwira: Mwabo mumenyere oku kurhenga olusiku lurhanzi amaliger'e Azia obulyo naligerere haguma n'enyu esiku zoshi. ¹⁹ Ndi nakolera amahano okubwirhonzi boshi, n'oku miziga n'omu malibuko kugerer'emirhego y'abayahudi. ²⁰ Ntabishaga chiro n'omwazi muguma gwakabaher'obunguke aliko nali bayerekere n'okubayigiriz'embere z'abantu na nju oku nju. ²¹ Nahamiriza abayuda n'abayunani bahungam'emwa Nyamuzinda n'obwemere bwa Nahano werhu Yeshu Kristu. ²² Lero kandi mulole, murhol'enjira kuja e Yerusalema, eshwekerwe na Muka Ochere, buzira kumenya ebyafarh'eyo. ²³ Aliko Muk'Ochere y'ampamiriziza chishagala oku chishagala, alyaderha, oku ebifundo n'amalibuko bindingire. ²⁴ Aliko ntaganjir'akalamo kani nkachintu chakachiro n'akamaro emwani kulush'okumal'olugenzi lwani n'emikolo nahabirwe na Nahano Yesu, kuyamagiz'omwazi g'olukogo lwa Nyamuzinda. ²⁵ Lero lola okumenyere oku mwabo mweshi nabayalagazizag'Obwami bwa Nyamuzinda murhakachimbonako n'amesho genyu. ²⁶ Ntyo mpamiriz'emalangambere genyu mweshi olusiku lwazene oku nyono ntagwerhe shembu okushagama y'abantu boshi. ²⁷ Kubon'oku ntali lahire kubayalagaziz'obulonza bwa Nyamuzinda. ²⁸ Muchilole mwenyine, n'echigusho choshi, Muka Ochere abahere, okumube bimanginzi muli yewe, muli shengero lya Nyamuzinda, elyagulaga okushagama yage yenyine. ²⁹ Amenyer'oku enyuma y'okurhenga kwani, ba nyambwe bakalihire babajamo buzira kubabalir'olubaga. ³⁰ Kandi kurheng'emwenyu, bantu banene bayumanga n'okuderh'emyazi erhali y'okuli, mpu yab'abigirizwa bayij'enyuma zabo. ³¹ Enyanya w'eyi myazi, mulole, munayibuk'oku lugero lwa myaka esharhu obudufu n'ezuba ntalekaga oku hanula okumiziga. ³² Kandi lero, beneberhu, mbahirire mwabo omu maboko ga Nyamuzinda n'oku mwazi gw'olukogo lwage, gwakagala kubayumbaka mwabo n'okubaha mwabo akashambala haguma n'abo boshi bachesezwe. ³³ Ntachifijag'amaguta chiro n'ehoro, chiro n'emyambalo y'omuntu. ³⁴ Mwabo mwenine mumenyere oku aga maboko gali kolere oku Nyifinjo zani n'ezabo baliri haguma nani. ³⁵ Namalire kubayereka mwabo olwiganyo omu myazi yoshi, oku birhuhunire okujira ntya n'okurhabala abazamba n'okuyibuk'emyazi ya Nahano Yesu, n'oku byayandikirwe: eragi ly'okuhan'entulo lilushir'eragi ly'okurhulirwa. ³⁶ Amalire derh'eyo myazi, afukama, ahuna haguma nabo boshi. ³⁷ Boshi balaka bwenene, bachikuba omu gosi lya Paulo, bamuhobera, ³⁸ bagaya bwenene enyanya w'ogo mwazi aderhaga, mpubarhachibon'amesho gage. Bamuherekeza kuger'oku bwarho.