¹ Apolo aber'ali e Korinto Paulo amaligera omu chihugo ch'e lugulu, omu Efeso abona abandi begirizwa, ² abadosa: kamwahabirwe Muka Ochere mumali yemera? nabo bamushuza mpu, chiro rhurhasagi yunva oku Muka Ocher'abaho. ³ Paulo abadosa: bubatizo buchi mwabatizwagako? bamushuza: bubatizo bwa Yohana. ⁴ Paulo aderha, Yohana ababatizaga obubatizo b'okuchihana, abwir'abantu bayemer'owayinjire enyuma zage ye Kristu Yesu. ⁵ Babere bayunv'eyo myazi babatizwa omuzino lya nahano Yesu. ⁶ Emango Paulo amalaga heb'amaboko enyanya zabo, Muka Ochere ayinja enyanya zabo, barhondera okuderha okundimi zihyahya n'okuleba. ⁷ Boshi haguma bali nkabalume ekumi nababiri. ⁸ Aj’omuchishagala aderha n’oburhwali, basakuzanya myezi esharhu, n’okuyamba/kukulula abemezi emyazi y’obwami bwa Nyamuzinda. ⁹ Aliko abandi baba n’emirhima ekomere, balahira kuyemera baduk’eyo njira, emalangambere g’echigusho arhengayo abaleka, akul’abigizwa ashambala n’abantu gasi lusiku omuchambu ch’e Tiro. ¹⁰ Eyo myazi ya gendekera kugera myak’ebiri, kugera boshi bali lamire e Azia bayunv’emyazi ya Nahano Abayuda n’Abayunani. ¹¹ Nyamuzinda akola omu maboko ga paulo abisomerenwe binene oku bunene, ¹² kuger'okwabantu barhol'ebitambara n'emyambaro ye humire okumubiri gwage n'okubilerher'abalwala, n'amalwala gabo gabarhenga n'emyuka mibi yabarhenga. ¹³ Aliko abandi bayuda b'enzungulizi nabo basheke b'ebishwasi bageregez'oku derh'ezino lya Nahano Yesu enyanya z'abaligwerh'emyuka mibi, balema baderha: rhubakagire omu Zino lya Yesu ola Paulo yayigiriza. ¹⁴ Abakozi b'ebyo bali bana mushanvu ba Sikewa mudahwa mukulu w'abayuda. ¹⁵ Ebyobishwasi byabashuza; Yesu rhumuyinji, Paulo rhumuyinji lero mwabo mwebande? ¹⁶ N'oyo muntu ogwerh'ebishwasi ababalalirako, abagala abahima, kugerer'okubalibisa kurhenga mw'eyonju butambara bagwerhe n'ebihulu. ¹⁷ Eyo ngani yamenyikana n'abayuda n'abayunani bali lamire e'Efeso, n'obuba bwagwarha boshi, alik'ezino lya Nahano Yesu lyakuzwa. ¹⁸ Banene baba bemezi bayinja baja haguma bayalagaz'ebijiro byabo. ¹⁹ N'abantu banene nabo balemaga bajir'ebijiro by'okuhamula balerh'ebitabu byabo babiyos'emalangambere g'abantu boshi, banganj'echichiro chabyo haguma, gali maguta bihumbi makumi marhano. ²⁰ Entyo, Omwazi gwa Nahano gwagendekera n'okuhima oku misi. ²¹ N'amanga eyo myazi yahwaga Paulo alilonzeze oku murhima gwage okwabalame aj'e Makedonia n'e Akaya kuja n'e Yerusalema aderha: "enyuma y'okuyikala bimpunire okubon'e Roma". ²² Arhuma bantu babiri mubalala balemaga bamukolera e Makedonia, Timoteyo na Erasto, aliko yewe yenyine abera e Asia bichanjio bigeke. ²³ Chiro mw'ebyo bichanji ebyago binene byabonekana mweyo njira. ²⁴ Okubona muntu muguma ezino lyage ye Demetriyo ochul'amaguta emikolo yage kwali kukola empimba zigeke za Diane, aliherhe abalerher'obunguke bunene. ²⁵ Abaheba haguma n'abandi balemaga bakola eyo mikolo, aderha: balume, mumenyere okw'ebikulo byerhu bibonekana mw'eyi mikolo? ²⁶ Kandi mubwene n'okuyunva okw'arhali hano Efeso honyine, alikop n'e Azia yoshi, aliko oyumuntu Paulo amalire kuyemez'abantu banene n'oku bahindamula n'okuderha: bamungu bajiragwa n'amaboko gabantu barhali bamungu. ²⁷ Entyo hali obuhanya, arhali enyanya w'eyi mikolo yonyine okukengulwa, aliko n'oruhimba lwa Diane mungu w'echikazi lwaganjwa nka ntacho, n'obukuze bwage bwabiha, yewe n'e Azia yoshi n'egulu lyoshi bachikumbaye. ²⁸ Babere bayunv'eyo myazi, babumba burhe, baband'akalulu, baderha: Diane waba Efeso ali mukulu. ²⁹ N'echishagala choshi chabumba kalulu bagenda jubajuba na murhima muguma, baj'omunju y'amazina, bafarha Gayo na Aristarko, bantu b'e Makedonia babalilamire haguma na Paulo. ³⁰ Paulo alilonzeze kuja omubantu, aliko abigirizwa bamulahiza. ³¹ N'abandi b'e Aziya baliri bera bage barhuma abantu emwage, kumushigirira mpw'amenye chiro akaj'omunju y'amazina. ³² Abandi baligwerhe balaka mwazi muguma n'anadi ogwindi mwazi okweng'echigusho chaliri mw'akavulindi, n'enyanya w'ebyo, barhamenya bichi birhumire babuganana. ³³ Barhola Alezanduru omuchigusho abayunda bamuheb'emalangambere g'abantu. Alezanduru abalambulir'okuboko, alonz'okushuza abo bantu. ³⁴ Aliko babere bamenya oku ali muyuda, boshi haguma oku mulenge muguma, baband'endulu okulugero lwa sa ebiri bali balaka: Diane wa ba Efeso ali mukulu. ³⁵ Ahanyuma omukulu w'echishagala arhuliriz'echigusho aderha: balume b'e Efeso, muntu muchi orhamenyere oku echi chishagala ch'e Efeso chili mulanzi w'eshengero lya Diane, oli mukulu w'enshushanyo ya rhiogag'empingu? ³⁶ Lero okubona okw'eyo myazi erhankahakanwa bibahunire okusira, murhakolaga omwazi omujubajuba. ³⁷ Kubon'oku mwamalire kulerh'ababantu barhali bishambo by'eshengero, chiro barhali baduka Nyamuzinda werhu, ³⁸ lero akaba Demetriyo nabantu bali haguma naye bagwerh'omwazi enyanya w'omuntu, hali akagombe hali n'abachi b'emanja, basidakane. ³⁹ Aliko mukalonz'omwazi omubindi bintu, byakwizwa n'abakulukulu b'akagombe. ⁴⁰ Kubona okurhuli omubuhanya b'okusidakwa enyanya w'ebibyago byazene; kubona oku nta kamaro kaguma, akarhwakashambala enyanya w'aka kavulindi. ⁴¹ Amalire kuderh'ebyo ashandaz'echigusho.