¹ Enyuma lyeyi myazi Paulo arheng'e Atene aj'e Korinto. ² Abona Omuyahudi muguma ezino lyage ye Akila, muburhwa w'e Ponto; achizindaga kurheng'e Italiya yewe na mukage Prisila, bulala Kalaudia alirhegekere okw'Abayahudi boshi barheng'e Roma; na Paulo ahikir'ahamwabola. ³ Na bulal'aliri wa bulenga buguma nabo, aber'ahamwabo, bakazi kolera haguma: Obulenga bwabo bwaliri bwakuluka amahema. ⁴ Paulo alemaja buhaka omu Sinagogi buli lw'esabato, achihangan' oku yemeza Abayahudi n'Abagriki . ⁵ Sila na Timoteo babere bayinja kurheng'e Makadoniya, Paulo achishweker'oku mwazi ayigiriz'Abayuda oku Yesu ye Kristu. ⁶ Babere balahira n'oku jachira Nyamuzinda, akungurha emishangi yage, ababwira: eshagama yenyu eb'enyanya ly'amarhwe genyu. Nyono ndi mweru kweru, kurhenga buno nkalija emwa banyamahanga. ⁷ Arhengereho aj'e mw'omuntu muguma mpu ye Tito Yusto. Oyo muntu akazaga kukuza Nyamuzinda; N'enju yage yalilungene n'esinagogi. ⁸ Omukulu w'esinagogi ye Krispo ayemera Nyakasani haguma n'abo mumwage boshi. N'abakozi banene balemaga bayunviriz'enyigirizo za Paulo bayemera bana batizwa. ⁹ Nahano abwira Paulo omibilorho budufu: orhayubahaga, derha, chir'orhasiraga, ¹⁰ Bulala nyono ndi haguma nawe nta muntu nji wakurhera mpu akujiririze bulala mperhe bantu banene mwechi chishagala. ¹¹ Abereyo mwaka muguma na myezi ndarhu abayigiriz'emyazi Nyamuzinda. ¹² Amango Gayo aliri Murhambo w'e Kaya, Abayahudi barhera Paulo n'omurhima muguma, Balerha Paulo e karubanda , ¹³ mp'oyu muntu ya yigiriz'abantu baharamye Nyamuzinda kw'erhegeko lilahire. ¹⁴ Paulo alonzeze kuderha Gayo abwira Abayahudi nka haliri omwazi gubi gw'obulyalya chang'obugomi mwe Bayahudi singa nalungene nenyu. ¹⁵ Nantyo okubona biyerekere amazino n'emyazi ya marhegeko genyu, mulole mwenine, bulala nyono ntalonzeze okuba muchamanja w'ebirintyo. ¹⁶ Abahulusa,bagenda barhenga omu karubanda. ¹⁷ Nabo boshi bafarha Susiteni omukulu w'e Sinagogi, bamushurha embere y'akarumbanda. chiro Gayo arhabonag'ebyo nkachintu. ¹⁸ Enyuma ly'ebyo Paulo akomez'okuberayo siku zinene, buzinda alag' abemezi ayereker'e Suriya, Prisila na Akila bagenda naye. aber'agemba erhwe lyage Ekenkuria bulal' aligwerh'omuhigo. ¹⁹ Abager'Efeso, abalek'eyo. yewe yenine aj'omu Sinagogi aj'obuhaka n'Abayahudi. ²⁰ Balonz'abere yosiku zinene bwenene arhayemerega. ²¹ S'aliko abalaga aderha: Nji nashubi galuka Nyamuzinda akangwasa, agend'arheng'Efeso. ²² Abere ayandagal'e Kayisariya,azamuka enyanya alamus' eshengero, enyuma ayandagalir'e Antiyokiya. ²³ Ahandire yo siku zirhali zigeke, arhengayo, agera omu chihugo ch'e Galatia n'e Frigia chishagala oku chishagala okukomeza abemezi. ²⁴ Intyo, Muyahudi muguma ezino lyage ye Apolo muburhwa w'Iskanderia, muntu wa yigire, ager'Efeso naye eyali ntwali omu mandiko. ²⁵ Oyu muntu ali ayigirizwe enjira ya Nahano, n'okubon'omurhima gwage gwalikolerere;arhonder'oku derha n'oku yigiriza oku mulongo emyazi ya Yesu aliyinj'obubatizo bwa Yohana hoshaho. ²⁶ Arhonder'aderha n'oburhwali omu sinagogi prisila na akila babere bamuyunva bamuhek'emwabo. Bamuyigiriz'enjira ya Nahano kulushiriza. ²⁷ N'amango alonzaga kushabuk'enyanja aj'e Akaya. Abemezi bamugwasa bayandikira abo begirizwa nabo bamuyegereza bamurhabala bwenene abaliherh'obonjo bwa Nyamuzinda. ²⁸ bulala bayaz'Abayahudi bwinja bwinja embere z'abantu bayerekan'emyazi y'amandiko oku Yesu ye Kristu.