¹ Ahika e Derbe, n'e Listra. Haliri eyomunda mugirizwamuguma, ezino lyageTimoteyo mwana w'omu kazi Myahudi waliri mwemezi, aliko eshe aliri Mugreki. ² Na Timoteyo aliherhe akuzwa na benebabo baliri e'Listra n'e Ikoniya. ³ Paulo ashonda oyola amukulikire omu lugenzi lwage. Amurola, amukembulwa enyanya zabala Bayahudi baliri mwechola chihugo, bulala boshi balimenyere okw'eshe ali mugiriki. ⁴ Babere bahika aha kagarhi k'ebyo bihugo, baheran bene babo, galala malaganyo garhengaga oku ntumwa n'oku bahanuzi b'e Yerusalema, nyi benebabo bagakulikira. ⁵ Amashengero nago gakomezwa omu buyemere, n'okuyushuka bwenene kw'abemezi ngasi lusiku. ⁶ Paulo na Sila bahika omu chihugo ch'e Frijiya n'e ch'Egalatiya, bunola muka ochere alibahanzize oku yalagaz'omwazi mw'echo chihugo ch'e Aziya ⁷ Eri bahika hofi n'olubibi lw'e Misiya, balonza kuja e Betaniya, aliko Muka gwa Yesu arha bayemereraga. ⁸ Bachihikira e Misiya, bayandagala kuhika omu chihugo ch'e Torowa. ⁹ Ahola Paulo amanyiswa omu bilorho budufu: muntu muguma w'e Makedoniya ayimagire embere zage, amuhema bwenene, aderha: shabuka, oje e Makedoniya orhurhabale. ¹⁰ Amaliri bona ebyo bilorho, rhwalonza honaho oku rhwahika e Makedoniya, bulala oku binali oku Nyamuzinda arhuhamagere rhujiyigiriza yo emyazi y'obuholo. ¹¹ Rwabalama omu nkuge kurhenga e Trowa, kuja e Samotrake, omu njira ngeke, bucha esezi rhwaja e Neapoli. ¹² Na kurhenga eyo rhwahika e Filipi, chochali chihugo chaburhanzi omu Makedoniya, ah'abaroma balilamire bwenene rhwaberayo siku zigeke. ¹³ Olu siku lw'eSabato lwabere lwahika rhwaja eburhambi lw'enyinchi, mpu hohantu hoku hunira, rhwayikala rhwaderhesa abakazi balichilundireho. ¹⁴ Mukazi muguma, ezino lyage Lidya, muchuruzi w'emishangi midukula, muburhwa w'e Tiyatira wakazagi kuza Nyamuzinda, arhuyunviriza naye Nahano amufungula omu rhima, natyo ayemera ebi Paulo aligwerhe aderha. ¹⁵ Eri aba amadubikwa nabw'omu mwage, arhushigirira eri: "akaba muyemerere okundi mwemezi wa Nyamuzinda, mujibera omu mwani" ¹⁶ Lero haba lusiku luguma eri rhwajaga huna rhwashimana mujanyere muguma waligwerhwe na lyangombe w'obulaguzi, amalebi gage galigwerhe galerhera bintu binene. ¹⁷ Aba arhukulikire, alema ayama anaderha eri: abantu bali bambali eri balozi baNyamuzinda w'enyanya bwenene, bagwerhe bamuyigiriza enjira y'obuchire. ¹⁸ Ajira ntyo siku zirhali zigeke, lero eri Paulo abona amarhama, ahindamuka abwira oyo lyangombe eri: okuzino lya Yesu Kristu, nkurhegekere orhenge mw'oyumukazi honaho oyo lyangombe amurhengamwo. ¹⁹ Eri banawabo babona obunguke balilangalire babushugunula, bagwarha Paulo na Sila, babaheka e Kagombe aha bashamuka. ²⁰ Babaha abach'emanja mpu: ababantu bagwere balerha akavulindi omu chishagala cherhu; bali bayahudi. ²¹ Baherhe bayigiriza engeso rhurhayemera, noku rhushimba rhwe Baroma. ²² Olubaga lwabayandukako, nabacha b'emanja eri baba bamabahogola emishangi, babarhegeka mpu babashurhe emikoba. ²³ Eri baba bamabanoza n'enfimbo, babakweba omu mpamiko, bababwira omulanzi abalange bwinja. ²⁴ Eri mulanzi ayunva ntyo, abaheka omu busika bw'empamikwa, n'amagulu gabo agashwekera oku mirhi. ²⁵ Aha kagarhi k'obudufu, Paulo na Sila baliherhe bayimpa erenge lya Nyamuzinda, n'abashwekwa balema babayunviriza. ²⁶ Chaligumiza, hazuka omusisi gunene, empamikwa yoshi ya ndunga. Honaho enyunvi zoshi zachinguka n'enkoba zabashwekwe zoshi zashwekuka. ²⁷ Eri omulanzi w'empamikwa asisimuka, n'eri amabona enyunvi zachingukire, ayomola engorho yage, ali akola mpu achinige, bulala alimanyire abashwekwe bamufumire. ²⁸ Chi Paulo amuyakuza n'omulenge gunene eri omanye wakachiyirha: murhweshi rhulimuno. ²⁹ Oyo mulanzi ajihema olwenge agenda duba, aligerere mw'omusisi, achikweba omu magulu ga Paulo na Sila. ³⁰ Okuhandi abahulusa, ababaza, eri" waliha, gurhe njirage lyo nchunguka? " ³¹ Bamushubiza, mpu: " oyemere Nyamuzinda Yesu na ntyo wachunguka, w'oyo na bomumwawe boshi." ³² Baba bamuyigiriza omwazi gwa Nyamuzinda, yewe na gasi yeshi bali omu mwage. ³³ Oyo mulanzi abarhola honaho eri buchili budufu bukulu, ashuka ebintambara byabo adubikwa honaho boshi na bomumwage. ³⁴ Aba yegereza omu mwage, abarheganyiza ebiryo, asima enyumpa yage yoshi, bulala bayemerere Nyamuzinda. ³⁵ Eri bucha, abatwa emanja barhuma omu ganda mpu ajibwir'omulanzi, mpu: " lika balala Bantu. ³⁶ " Naye ajibwira Paulo eri: "abacha emanja barhumire mpu mulikwe. Muhulukage, muchigendere n'omurhula." ³⁷ Paulo abwira balala baganda eri: " barhushurhire emikoba embere z'olubaga buzira kurhuchira olubanja, n'abo rhuli baRoma, barhuhira omu mpamikwa. Bakala balonza oku rhulika omu bwibisho! Nanga! bonine bayinje barhulike!" ³⁸ Abaganda bagenda kubwira abacha b'emanja eyo myazi, bayunva oku bali baRoma. ³⁹ Bayinja, babarhebereza mpu mani babarhengere omu lugo. ⁴⁰ Eri barhenga omu mpamikwa, Paulo na Sila baja e mwa Lidiya bajibona abemezi babakomeze omu rhima, oku bundi bachigendera.