¹ Kadi ndzeyi, longasa bidi biwufuanan ghi malongeshi mawusaghamisa. ² Suengala balunga bawulutu bua beghaji ghi luidi luboyi, ghanemu, lubatshi, bagheji bakijila mu ditabuji, dinanga ghi disuminina. ³ Usuegadi besa baghetu bawulutu bua begheji ba kijila, ghi maghambu maboyi, batalanga moyi ghu kijila, bepuyi biambamba, kabanu malu, kadi batungunuyi ghi ghulongasa maghambu maboyi ⁴ bu wambuluisa baghetu bashigha bua bananangi bana babawu ghi badimi babawu, ⁵ bua beghejin ghi lugeni luzé ghi luboyi, bua biibi mu ghula mazu mabawu bua se ndagha ghi Ndzambi kayita bipishibu. ⁶ Uleshi basunda beghaji ghi lungeni, ⁷ Ndzeyi weghaji kulenjelu mu maghambu majimina,wilanga malongeshi madiamuena, ma mushinga, ndagha ghikijila ghinda ghalema. ⁸ Longasa madagha ma boyi bu ghufisa bashi ndandzu tsoni, bua se muluishi witsu katudimbidi. ⁹ Bashi mudimu balandudi madagha ma badi ghumutu ghu bawu mu maghambu majimina, binda ndandu. ¹⁰ Kababawati buimbu. Kadi, batungunuyi ghilulamatu lubawu bua se ndagha ghi Ndzambi yeti muaba. ¹¹ Luningu lu tata Ndzambi lumonaghela ghumisu ghu batsu bakina, ¹² lutulongasa m'ubila maghambu mabibi, luendu lu batu ba ghatshi'amanu, ghi mu wenda ghi budimu budiamuena, ghi budi. ¹³ Mua tujila dighalugha di luzumu lu tata Ndzambi, ghi lu musungidiwitu Yezu kilisto. ¹⁴ Yezu udighabiji bualu buitu, bu'ufuta kibawu ki bubi buakina, bua gheti diwufu di batu badi bu bandji, badi bawubingishibu ghaku ghadi, ghi bawudila mu disa di mudimu uboyi. ¹⁵ Nawambianga bikokeshi bu basuengela, ghi ulongolola maghambu makina amama, mutu nanshi umushi kawubipishi to.