¹ Fô anà ndraiky, mivôlàgna zay mifagnaraka amin'ny fampianaragna marigna. ² Iré lalahy efa nahazo taogna de tsy maintsy mahay mitôndra tegna, maotigna, mahonon-tegna, matanjaka amin'ny finoagna, amin'ny fitiavagna, ké amin'ny faharetagna. ³ Karaha izégny koà iré viavy efa nahazo taogna de tôkony hampiseho hatragny ny tegnanjaré ré ho tsara fitondran-tegna, fô tsy mpifôsa. Tsy Tôkony ho andevozin'ny divay loàtra zaré ré ⁴ mbô hampiofagnana iré viavy tanora ho tegna tia ny vady aman-janany manôkagna. ⁵ Tôkony hampianatra ananjy iré hahonon-tegna, hadio, hikarakara tôkantragno tsara, ké hagneky ny vadiny zaré ré. Tôkony hagnano izégny raha jiaby izégny zaré ré mbô tsy ho voaheso ny Koragnan'Andriamanitra. ⁶ Karaha izégny, ampaherezo iré lalahy mbôla tanora mbô hahonon-tegna. ⁷ Amin'ny fômba jiaby de atoroy ny tegnanà ho modelin'iré asa tsara; kè rehefa mampianatra anà, de manehoa fahitsiagna sy fahamendrehagna. ⁸ Mivolàgna hafatra salama sy tsy misy tsigny, mbô ho megnatra zay manohitra na zôvy na zôvy, satrià ny managna na ino na ino ratsy ho volagnina momba antsika izy. ⁹ Iré mpanômpo de tôkony hagneky ny tompony amin'ny raha-jiaby. Hagnano zay sitrapôny fô tsy hifamaly aminanjy. ¹⁰ Tsy tôkony hangalangalatra zaré ré. Fô ndraiky, tôkony haneho ny finoagna tsara jiaby zaré ré, mbô hampahamendrika ny fampianarantsika momba an'Andriamanitra mpamonjy antsika amin'ny lafiny jiaby. ¹¹ Fô efa niseho tamin'ny ôlo-jiaby ny fahasoavan'Andriamanitra. ¹² Mampianatra antsika handà ny toetra tsy araka an'Andriamanitra sy ny filàn'izô tontôlo izô izégny. Mampianatra antsika hiaigna am-pihononagna, am-pahamarinagna, ké araka ny lalan'Andriamanitra amin'izô vanim-potoagna izô izégny ¹³ aké am-piandrasantsika fatratra zay handraisantsika ny fanantenagna mahafinaritra, ny fisehoan'ny voninahitry ny Andriamanitra maventy sy Mpamonjy Jesosy Kristy. ¹⁴ Jesosy de nanolotra ny tegnany ho antsika mbô hagnavotra antsika hiala amin'ny tsy fagnarahan-dalàgna jiaby sy hagnadiovagna, ho an'ny tegnany, ôlogna araiky manôkagna zay tegna mazoto hagnano asa tsara. ¹⁵ Ambarà ké indôsy ampaherezigna iré raha iré. Magnomeva fagnitsiagna amin'ny fahefagna jiaby. Aza avela hisy ôlogna hagnano tsinontsinogna anà.