¹ Ary nanômboko nampianatra takeo amoron-dranomasina indraiky Izy, ary nisy fokonôlo fontro nivory nagnodidigna Azy. Nitsôfotro taka an-tsambohely izay take an-dranomasina Izy, ary nidôko taka amin-zegny. Ny fôkonôlo jiaby kôza de nidôko take amoron-dranomasina. ² Nampianatra azy ireo raha fontro tamin'ny alalàn'ny anoharagna Izy, ary takô amin'ny fampianarany, de izao no nivolagniny taminjare. ³ Tandrigneso, Nisy ampamafy handeha hamafy voa , ⁴ Ary raha namafy izy, dia nisy voa sanany nipariaka tandalagna, ka tônga ireo vôrogno ary nihinagna izeigny. ⁵ Ny voa sanany nipariaka tamin'ny tany feno vatovato, izey tsy nisy tany firy. Tônga de nitsimoka Avy hatrany izy iregny, satria tsy laligny ny tany nisy azy. ⁶ kôfa nibiagna gny masôva, de nalazo Izy ireo, ary satria tsy nisy vahiny Izy ireo. de maina. ⁷ Ny voa hafa niraraka tamin'ny tany feno fantsy. Ary nitrebogna.Ary nahè mavènty ireo fantsy ireo de nangeja ananjy, ke tsy namoa voa. ⁸ Ny voa sanany nipariaka tamin'ny tany tsara ke namokatra voa teo am-mpitomboana ary nihafontry, ary ny sanany nitombo Avo telopolo heny, ny sanany enimpolo, ary ny sanany zato. ⁹ Avitake de Ahozy hoe: izeigny managna sofigna, aoka Izy hitandregny!" ¹⁰ Kôfa Iziraika Jesosy, dia nagnontany Azy momba io anoharagna io ireo izey marivo Azy sy ireo mpianany roembifolo. ¹¹ Ahozy tamin-dre hoe: ho anare no nagnamezagna ny raha mivonin'ny fanjakan'Andriamanitra. Fa ho an' ire any ivelany de fanoharana avokoa, mba amin'ny fotôagna hijahava-jare, eny hijaha Izy ire, nefa tsy hahita, ary ¹² mbô amin'ny fotôagna hitandrignesan-jare, eny handre izire, nefa tsy hahafantatra izeigny, na koa hiodigna njare de hamindra fo amin-jare Andriamanitra." ¹³ Kôfa ahozy tamin-jare hoe: " Tsy azonare mé ny agnoharagna zeigny? Ahoana zeigny no ahazahoanare ire agnoharagna hafa jiaby? ¹⁴ Ilay mpamboly izay mamafy ny voa de Ilay araiky izay mamafy ny bakôra. ¹⁵ Ireto no ilay araika nipariàka tegny an-dalagna, izay namafazana ny Bakôra, kôfa regnin-jare zeigny, de tônga ndreky gny fahavalo ary hangalatra ny Bakôra izay voafafy tamin-jare. ¹⁶ Tô dreiky ilay voafafy tamin'ny tany feno vatovato, izay, kôfa nandre gny Bakôra, de nandray izeigny tampifaliagna. ¹⁷ Tsy misy vahañy ao aminjare, fa maharitra fotoagna hely fotsiny. De tônga gny fahoriagna na gny fanenjehagna nohon'ny Bakôra, kè tônga de lavo-njare. ¹⁸ Reigny hafa gno ilay voafafy tamin'ny tany feno fantsy. Notandrignesan-jare gny Bakôra. ¹⁹ Fa gny fagnahin' izao tontolo izao, gny famitahan'ny harena, sy gny filàna gny raha hafa de tafiditra ka mangeza gny Bakôra, ka tsy mamoa vokatra izeigny. ²⁰ Kôfa ire izeigny voafafy tegny amin'ny tany tsara de ire izay mitandregny gny Bakôra kôfa mandray izegny, ke namoa vokatra izy ire-_telopolo,enimpolo, na avy zato henin'izeigny nafafy ²¹ Jesosy nivôlagna taminj-jare hoe: " Indosina ao an-dràgno me gny jiro mbo ho atao ao ambany helitra, na ambanin'ny Kitrara? Indosinà miditra izeigny de hataonà ambodin'ny fitoeana jiro ²² . Fa tsy misy raha mivony izey tsy ho fantatra, ary tsy misy tsiambaratelo izey tsy iboaka. ²³ Raha managna tadigny hoentina mitandregny, aoka Izy hitandregny!" ²⁴ Ahozy Izy tamin-jare hoe; " Mitandrema amin'ny Bakôra izay regni-nare, fa arakaraky gny ohatra agnoharanare fô, gno agnoharagna anare, de ampiagna aminare izeigny. ²⁵ Satria na azôvy na azôvy managna, de homena fontro kokoa izy, ary na azôvy na azôvy tsy managna , na izay anagnagny aza alaigna aminajy" ²⁶ Kôfa hoy ihany koa Izy hoe; " Gny fanjakan'Andriamanitra de tahaka gny ôlo araiky mamafy gny voany amin'ny tany. ²⁷ Mandry izy amin'ny alina ary mifoha amin'ny mandraigna, ary gny voa de mitrebogna kè mitsiry, fa tsy fantany hoe ahoana. ²⁸ Ny tany de mamoa amin'ny tenany fô: voalohany gny rantsagny, aviake gny tahony, aviake gny voa matoy eo amin'ny tahony. ²⁹ Ary kôfa matoy gny voa de avy hatrany izy de handefa fitsangorana, fa efa tonga gny fotoagna fitsagoragna." ³⁰ Ahozy indraiky Izy hoe; " Ino no azontsika ampitahagna ny fanjakan' Andriamanitra, na Ino no agnoharagna hampiasantsika hagnazavana izeigny? ³¹ Izeigny de karaha voatsinapy izay, kôfa hafafy, de izy no voa hely indrindra amin'ny voa jiaby eto ambodin'ny tany. ³² Nefa, kôfa voafafy izeigny, de mitrebogna ary lasa maventy nohon'ny kakazo jiaby, ary mamoa rantsagna vaventy, kè azon'ny voromagnémbagna hagnanôvany ny tragnony eo amin'ny amboniny." ³³ Ary agnoharagna fontro karan'izeigny no nagnambarany ny Bakôra tamin-jare ire, arakaraky gny fahazahoan-jare azy, ³⁴ ary tsy nivôlagna tamin-jare ire afa- tsy tamin'ny agnoharagna Izy. Kôfa Rehefa araiky Izy, de nohazavainy tamin'ire mpianany manokana ny raha jiaby. ³⁵ Tamin-jegny andro zeigny, kôfa Tônga ny ariva, de ahozy tamin-jare hoe: " Andeha isika hita ery ampita. ³⁶ niala teo amin'ireo fokonôlo njare, nitondra an'i Jesosy niaraka njare. Raha igny Izy, tao agnaty sambohely igny. Nisy sambohely hafa nandehandeha diaraiky taminy. ³⁷ Avitakè Nanomboka nisy tafio-drivotra be ary ny onjan-nodrano nagnafotra ny sambohely kè efa saika feno rano ny sambohely. ³⁸ kôfa Jesosy araiky nandry takè ambodin'ny sambokely, tambonin'ny ondagna. nofohazi-njare Izy, nagnontany hoe: " mpampianatra ô, tsy mampagnino anà ve Raha ho faty aketo antsika.? ³⁹ Kôfa nifôha Izy, de nivôlagna mafy tamin'ny rivotra, ary nivôlagna tamin'ny ranomasina hoe: " Mitsahara! mitonia! Ary nitsahatra ny rivotra, kè nisy fitoniagna be. ⁴⁰ Kè Ahozy tamin-jare fô : magnino nare mavôzo? Mbôla tsy managna finoagna fogna me narè ô. ? ⁴¹ fontro avozo njare kè nifampivôlagna hoe: " azôvy me I aôlo Ty, fô ny rivotra sy ny ranomasina aza manaiky anànjy.?