¹ Noho izégny, andeha havelantsika ny fiatombohan'ny hafatr'i Kristy ké handroso amin'ny fahamatoragna. Andeha atsika tsy hametraka ndraiky ny fôtotry ny fibebahagna nohon'ny asan'ny naty ndraiky finoagna an'Andriamanitra, ² na ny fôtotry ny fampianaragna momban'ny batisa, ny famitrahan-tanagna, ny fitsanganan'iré ôlogno naty, ké ny fitsaragna mandrakizay. ³ Hagnano izégny foagna koà atsika kôfa avelan'Andriamanitra. ⁴ Fô tsy hay atô ho an'iré zay efa nohazavaigna ndraiky mandeha izégny, zay nanandragna ny fanomezagna avy agny an-dagnitra, zay nandray ny Fagnahy Masigna, ⁵ ké zay nanandragna ny vôlagna tsaran'Andriamanitra sy iré herin'ny vanim-potoagna ho avy, ⁶ saingy avaké de lavo—tsy hay atô ny mamerigna ananjy iré amin'ny fibebahagna ndraiky. Izégny de satrià nomboanjaré ré ho an'ny tagnanjaré ré ndraiky ny Zanak'Andriamanitra, ké nalainy baraka ampahibemaso. ⁷ Fô ny tany zay mitroka ny ôragna mateti-piavy amin'izégny, sy zay mamokatra iré raha-maniry ilain'iré ôlogno zay niasagna ny tagny—itô no tany zay mandray fitahiagna avy amin'Andriamanitra. ⁸ Fô ndraiky mamokatra tsilo izégny, de tsisy ilàgna ananjy ké efa akaikin'ny fagnozonagna. Ny fiafaran'izégny de amin'ny firehetagna. ⁹ Fô zahay de resy lahatra ny amin'iré raha tsara kokoa momba anaré, ry malala, raha zay mahakasika ny famonjegna, na de mivôlagna karaha izégny aza zahay. ¹⁰ Fô Andriamanitra de tsy mbô tsy marigna ké hagnadino ny asanaré ndraiky fitiavagna zay nasehonaré nohon'ny agnarany, satrià anaré de nanompo iré mpino ké mbôla manompo ananjy iré hatragny. ¹¹ Magniry mafy zahay mbô haneho fahazotoagna karaha izégny hatramin'ny farany ny tsiraikaraiky aminaré ho an'ny antoky ny fahatokiagna feno. ¹² Izégny de mbô tsy ho lasa kamo anaré, fô ho mpaka-tahaka an'iré zay mandova iré fampanantinagna amin'ny finoagna sy faharetagna. ¹³ Fô tamin'Andriamanitra nagnano ny fampanantinagna tamin'iAbrahama, de nianiana tamin'ny Tegnany Izy, kôfa tsy afaka nianiana tamin'ny ôlogno maventy kokoà. ¹⁴ Ahozy Izy hoe: ''Zaho de hitahy anà tokoà, ké tegna hahamaro anà.'' ¹⁵ Tamin'izégny fômba izégny, de nahazo zay nampanantinaigna tafaran'ny niambesany tamim-paharetagna Abrahama. ¹⁶ Fô ny ôlogno de mianiana amin'ny ôlogno zay maventy kokoà noho ny tagnanjaré ré. Isakin'ny tapitra ny fifamalianjaré ré, de misy voady araiky natô ho fagnamasinagna. ¹⁷ Kôfa nanapa-kevitra ny hampiseho mazava kokoà tamin'iré mpandovan'ny fampanantinagna ny tsy fiovan'ny kalitaon'ny tanjony Andriamanitra, de namiany antoka tamin'ny voady izégny. ¹⁸ Natôny izégny mbô ho amin'ny alalan'ny raha tsy azo ovaigna aro — zay tsy hain'Andriamanitra ny mandainga amin'izégny—de hanagna fampahirezagna matanjaka mbô hihazogna mafy ny fahatokiagna zay napetraka také alôhantsika, atsika, zay nandositra mbô hanagna fialofagna. ¹⁹ Managna izégny toky izégny atsika ho aro sy vatofantsika azo hiankinagna ho an'ny fagnahintsika, fahatokiagna zay miditra akô amin'ny fitoeragna agnatiny akô ambadiky ny lamba. ²⁰ Jesosy niditra takô amin'izégny fitoeragna izégny karaha ny mpialôha lalagna ho antsika, ké tônga mpisôrognabé mandrakizay magnaraka ny fômban'i Melkizedeka.