¹ Zay hatramin'ny fiandohagna- zay efa regninay, zay efa hitanay tamin'iré masonay, zay efa nozahavanay, ké zay efa nokasihan'ny tagnanay- izègny de momba ny Koragnan'ny fiaignagna. ² Karaha izégny foagna koà, ny fiaignagna de nampahafantarigna, ké efa hitanay izégny, ké mijôro vavôlombelogno amin'izégny zahay. Zahay de magnambara aminaré ny fiaignagna mandrakizay, zay takô amin'ny Ray, ké zay efa nampahafantarigna anay. ³ Zay efa hitanay sy regninay de ambaranay aminaré foagna koà, mbô hanagnanaré fifandraisagna aminay foagna koà. Ny fifandraisagna misy aké aminay de amin'ny Ray sy amin'ny Zanany, Jesosy Kristy. ⁴ Karaha izégny foagna koà, manôratra iré raha iré ho anaré zahay mbô ho tanteraka ny fifaliantsika. [Fagnamarihagna: Iré dika-vôlagna talôha sanany de mivaky karanjô: ''Ké manôratra iré raha iré zahay mbô ho tanteraka ny fifalianaré.''] ⁵ Zao no hafatra zay efa regninay avy taminanjy ké ambaranay aminaré: Andriamanitra de fahazavagna, ké akô Aminanjy de tsisy haizigna mihitsy. ⁶ Kôfa mivôlagna atsika fô managna fifandraisagna aminanjy ké mandeha akô agnatin'ny haizigna, de mandainga atsika ké tsy magnano ny marigna. ⁷ Kanefa kôfa mandeha akô amin'ny hazavagna atsika karaha Ananjy akô amin'ny fahazavagna, de managna fifandraisagna amin'ny tsiraikaraiky avy atsika, ké ny ràn'i Jesosy Zanany no magnadio antsika amin'ny fahotagna jiaby. ⁸ Kôfa mivôlagna atsika fô tsy manam-pahotagna, de mamitaka ny tegnantsika atsika, ké ny fahamarignana de tsy akô amintsika. ⁹ Nefa raha manaiky iré fahontantsika atsika, zay de mahatoky sy marigna amin'ny famelagna iré fahotantsika kè magnadio antsika amin'ny tsy fahamarignana jiaby. ¹⁰ Kôfa mivôlagna atsika fô tsy mbôla nanota, de managna Ananjy ho mpandainga, ké tsi akô amintsika ny teniny.