¹ Tamin'ny fotôn'izany, Herôda mpanjaka naregny vaovao mikasika an'i Jesôsy. ² Nizaka izy tamin'iregny mpiasany hoe: "I Jaona mpangano batisa zany; de nitsangana tamin'ny maty Izy. Nony zany de miasa amin'Azy io hery io." ³ Ka Herôda nanambotra an'i Jaona, nifatorany izy, sady nandefa an'Azy tagny am-ponja nony amin'i Herôdiasy, vadiny Filipo rahalahiny. ⁴ Ka nizaka Jaona tamin'Azy hoe: "Tsy mety aminao ny mangala an'azy ho vadinao." ⁵ Te-hamono an'azy Herôda, fa natahotra ny fokonolona izy, satria nataon'iary zareo mitovy amin'ny mpaminany izy. ⁶ Ndreka tonga ny fieregnany andro naterahan'i Herôda, de nandihy ta tegnategnan'iary zareo vahiny natsovana ny zanaka viavin'i Herôdiasy ka natsatsara an'i Herôda. ⁷ Ho valin'izany, de nampagnategna tamin'ny fifantana izy mba hangome izay angatahiny na ino na ino. ⁸ Ndreka avy nagnatoro hevitran'azy endriny, de nizaka izy hoe: "Omeo anaha aty, ambon'ny kopy, ny lohan'i Jaona mpagnano batisa." ⁹ Nalahelo be nony fangatahany ny mpanjaka, nefa nony voadiny sy ny olona marobe niaraka nihinagna tamin'Azy, de nagnome beko izy fa tsy mentsy ho vitaina zany. ¹⁰ De nagniraka olona nanapaka ny lohan'i Jaona tam-ponja izy. ¹¹ Aveo de nandosina tamina kopy ny lohany de nameny an'i zazavivy igny ka nandosin'ny tamin'ny endriny zany. ¹² Avy teo de tonga ny mpianatrany, nangala ny faty, ka nandeha ary zareo de nampandregny an'i Jesosy. ¹³ Ndreka naregny an'zany Jesosy, de nenga tamina lakana raika Izy ho agny amina toerana raika mitokana. Ndreka naregny an'zany ny fokonolona, de nagnaraka an'Azy nande tongotra avy tagny amin'iregny tanàn-dehibe. ¹⁴ Aveo Jesôsy nandea teo aloan'iary zareo ka nahita fokonolona marobe. Nalahelo an'iary zareo Izy sady nagnafaka ny aretin'iary zareo. ¹⁵ Ndreka tonga ny arivariva, de nandea tamin'Azy ny mpianatra ka nizaka hoe: "Ity de toerana sisy raha, sady efa alina ny andro. Alefaso ny fokonolona, mba hafahan'iary zareo mandea agny amin'ireo tanàna de hivanga raha hoanina ho an'azy iary zareo." ¹⁶ Ka Jesôsy nizaka an'iary zareo hoe: "Tsy tokony hampandianina iary zareo. Fa omenareo raha hoanina iary zareo." ¹⁷ Nizaka iary zareo tamin'Azy hoe: "Mofo dimy de laoka roy fotsiny no hanagnanay ato." ¹⁸ Nizaka Jesôsy hoe: "andosy aty aminaha zany." ¹⁹ Aveo Jesôsy nibeko ny fokonolona mba hitometra amin'ny ahitra. De nalainy ny mofo dimy sy laoka roy. Ka niandrandra tagny an-danitra, sady nisaotra Izy de nanapaka ny mofo ka nomeny ny mpianatra, de ny mpianatra nagnome an'zany an'iregny fokonolona. ²⁰ Nihinagna aby izy marobe ka voky. Avy teo de naotrik'iary zareo ny sisa tsy lany ka nahafeno roambinifolo tanty. ²¹ Teo amin'ny dimy arivo lahy teo ny nihinagna, ankôtra ny zaza sy ny viavy. ²² Tonga de nalefany tamin'ny lakana mba handeha hialoha an'Azy ho agnilany ny mpianatra, na mbola nandefa an'ireo fokonolona Izy. ²³ Tafaran' ny nandefasany an'ireo fokonolona de nandea niakatra tegny an-tendrombohitra Izy raika mba hivavaka. Ndreka tolaka ny andro, de Izy raika no teo. ²⁴ Fa ny lakana de efa dila lavitra ny tanàna, nafefekan'ny onja , satria nitsoka nanohitra an'iary zareo ny agnina. ²⁵ Fahefatra ny fiambenana tamin'ny alina de nagnatona an'iary zareo jesôsy,de nandeha tambony ranomasina. ²⁶ Ndreka nahita an'Azy nandeha tambony ranomasina ny mpianatra, de natahotra ka nizaka hoe: "Angatra io," ka de nihoaikoaika tamin'avakana iary zareo. ²⁷ Fa Jesôsy tonga de nizaka tamin'iary zareo hoe: " Mahereza! Izaho my itiky! Aza matahotra." ²⁸ Namaly an'Azy Petera de nagnano hoe: "Tompo nah anao io, de ampagnatogny Anao ambony rano io zaho." ²⁹ Nizaka Jesôsy hoe: "Magnatogna arika" Ka de nijotso tandakana Petera sady nandeha tambony rano mba hagnatogna an'i Jesôsy. ³⁰ Ka ndreka naharengy ny agnina Petera, de natahotra. Ndreka izy nanomboka niletigna igny, de nihoaika mafy izy sady nizaka hoe: "Tompo, vonjeo zaho!" ³¹ Tonga de naparin'i Jesôsy ny tànany, nitana an'i Petera, ka nizaka tamin'azy hoe: "Anao ry tsy ampy finoana, magnino anao no niahiahy?" ³² Aveo Jesôsy sy Petera de nandeha tegny amin'ny lakana, nijanona ny agnina. ³³ Ka ny mpianatra tagnaty lakana de nidera an'i Jesôsy sady nizaka hoe: "Anao tegnany no zanak'Andriamanitra." ³⁴ Ndreka avy nitsaka iary zareo, de tonga tegny an-tànana tao Genesareta. ³⁵ Ndreka nafantatra an'i Jesôsy ny lilahy tamin'ny toerana io, de nagnandefa hafatra tamin'ny faritra magnodidina marobe, de nandosin'iary zareo tamin'Azy zegny olona narary marobe. ³⁶ Niangavy tamin'Azy iary zareo mba ho afaka mikitika na de ny moron'akanjony my aza, ka maro ny nikitika an'izany de sitrana.