¹ Ry rahalahy, mivavaha ho anay mba hiderana sy hagnomezana voninahitra ny zakan'ny Tompo, de karan'izany my koa aminareo. ² Mivavaha mba ho afaka amin'ny ratsy fagnahy mban'ny olona ratsy anay, tsy olona aby io de manana finoana. ³ Ny Tompo ndreka de mahatoky, zay magnamafy tsara sady miambonga anareo amin'ny ratsy. ⁴ anay de managna fahatokisana amin'ny Tompo mikasika anareo, mba hagnamboaranareo sady hanohizanareo ny raha nibekoanay anareo. ⁵ Mba hotaritin'ny Tompo anie ny fonareo ho amin'ny fitiavan'Andriamanitra mban'ny fiaretan'i kristy. ⁶ Amin'izao, de mandidy anareo amin'ny agnaran'ny Jesôsy Kristy Tompontsena izahay ry rahalahy mba hoenga amin'ny rahalahy zegny miaigna agnatin'ny faholena sady tsy magnaraka ny fomban-drazagna zegny nalainareo taminay. ⁷ Fa ndre anareo n ny tegnareo de mafantatra fa mety aminareo mihitsy ny mangala kara anay. Tsy niaigna tagnivonareo karan'ny zegny tsy nanagna fitsipika izahay. ⁸ Tsy nihinagna hanin'olona tsy naloha vola izahay. Fa, niasa na andro alina tamin'ny asa soratra koza mban'ny raha sarotra izahay, amin'izay tsy ho entagna mavesatra ho an'ny tsiraidraika aminareo. ⁹ Tsy hoe avy amin'ny tsy fanagnana fahefana no nagnamboaranaan'izany. Fa, nagnano an'izany koza mba no fitaratra ho anareo, ka mba hitovy aminay anareo. ¹⁰ ndreka niaraka taminareo izahay, de nibeko anareo hoe: "Na misy raika tsy te hiasa, de tsy tokony hihinagna izy." ¹¹ Fa maregny izahay fa miraviravy tagnana ny sanagny aminareo. Tsy miasa iary zareo fa mpitsabaka. ¹² Amin'izao ny olona karan'izany de bekoinay sy hanarinay amin'i Jesôsy Kristy Tompo, mba hiasa am-pahanginana sady hihinagna ny haninan'iary zareo manokana. ¹³ Fa anareo, ry rahalahy, de aza mamoy fo amin'ny fagnamboarana an'ny zegny marina. ¹⁴ Na misy magnaraka ny zakantsena amin'ity ratasy ity, de aseo marika amason'olona izy sady aza managna fifandraisana amin'azy, ka mety ho megnatra izy. ¹⁵ Aza resina ho fahavalo izy, fa hanaro karan'ny rahalahy. ¹⁶ Fa ny Tompon'ny fiadanana ane hagnome fiadanana anareo amin'ny fotoana mban'ny fomba maro be. Ho aminareo maro be ane ny Tompo. ¹⁷ Ity no fagnamboarako veloma,izaho Paoly, tamin'ny tagnako, zegny famantarana amin'ny taratasy maro be. Izao no soratrako. ¹⁸ Ny fahasoavan'i Jesôsy Kristy Tompontsena ane o aminareo maro be.