^{9 10} 9 Sida bepantun ngena lagu ti baru, ku sida: “Nuan endang patut ngambi gulung surat lalu muka chop tambit nya, laban Nuan udah dibunuh, lalu ulih darah Nuan, Nuan udah meli ke Allah Taala mensia ari semua raban bansa, jaku, menua enggau bansa, 10 lalu Nuan udah ngaga sida nyadi perintah imam ke bekereja ke Allah Taala kami lalu sida deka merintah di dunya.” ¹¹ 11 Aku lalu malik, lalu ninga ngelingi kerusi diraja nya enggau ngelingi utai ti idup enggau ngelingi bala tuai nya, munyi nyawa beribu-ribu, bejuta-juta iku melikat! ¹² 12Sida belagu enggau nyawa ti inggar: “Anak Domba ti udah dibunuh endang patut nerima kuasa, pengaya, penemu-dalam, enggau pengering, basa, mulia enggau puji!” ¹³ 13Aku lalu ninga munyi semua utai ti idup di serega, di dunya enggau di baruh dunya, enggau dalam tasik, iya nya semua utai ti idup dalam sida, belagu: “Beri meh puji enggau basa, mulia enggau kuasa ngagai Iya ke duduk ba kerusi diraja, enggau ngagai Anak Domba, belama-lama iya!” ¹⁴ 14Empat iku utai ti idup nya lalu nyaut, “Amin!” Bala tuai lalu nyungkurka diri nyembah Allah Taala sereta nyembah Anak Domba.