¹ Surat ari Paulus, ke nyadi urang penjara laban Yesus Kristus, nggau ari menyadi kitai Timotius, age kaban seiman kami Filemon, ke sama bekereja nggau kami, ² Nggau ngagai menyadi indu kami Apfia, nggau ngagai Arkhipus, ke sama nyadi soldadu nggau kami, nggau age raban jemaat ke betembong alam rumah nuan. ³ Awak ka Allah Taala te Apai kitai nggau Tuhan Yesus Kristus meri kita berekat nggau pemaik. ⁴ Leboh aku ngingatka nuan alam sampi aku, aku seruran meri terima kaseh ngagai Allah Taala aku, ⁵ laban aku ninga pasal pengerindu nuan ke semua nembiak Tuhan, nggau pasal pengarap nuan ke Tuhan Yesus. ⁶ Aku besampi ngambe ka nuan ceregas becerita ka pengarap, ngambe ka nuan meretika semua utai te badas te dikembuan kitai alam Kristus. ⁷ Pengerindu nuan udah ngasoh ati aku balat gaga, alu aku berasai diperansang, laban nuan, menyadi, udah ngelantangka ati bala nembiak Tuhan. ⁸ Nya kebuah, taja pen alam Kristus aku berani sereta tau ngasoh nuan ngereja utai te patut dikereja nuan, ⁹ tang aku semina minta aja, ketegal pengerindu. Nya kebuah, aku, Paulus -- urang tuai alu diato nyadi urang penjara Kristus, ¹⁰ aku minta utai ari nuan age anak aku, laban aku udah nyadi apai iya sekumbang aku ke alam rumah penjara to. ¹¹ Dulu suba iya nadai guna ba nuan, tang diato iya besai amat guna ba nuan nggau ba aku. ¹² Aku diato ngirumka iya pulai baru age nuan, taja pen aku amat sayauka iya. Aku bise amat ati deka ngetanka iya dito, ¹³ ngambeka iya nyadika penganti nuan nulung aku, leboh aku ditan alam rumah penjara to ketegal Injil. ¹⁴ Tang aku enggai ngereja utae enti nuan nda dulu ngemendarka nya, ngambe ka sebarang utai te dikereja nuan, semina dikereja nuan niteh ka ati nuan mpu, ukae ari paksa. ¹⁵ Nyangka nya kebuah Onesimus beserara nda lama ari nuan, ngambe ka nuan tau bempu iya baru belama iya, ¹⁶ ukae nyadi Hamba, tang lebeh agi ari nya, nyadi menyadi ke dikesayau,ukae semina age aku, tang kelebeh age, dikesayauka nuan, alam batang tuboh nggau alam Tuhan. ¹⁷ Nya kebuah, enti nuan ngira aku to tawing nuan ngereja pengawa, sambut meh iya, baka nuan ke nyambut aku. ¹⁸ Enti iya bise udah ngereja utae te salah ngagai nuan, tauka berutang ba nuan, simpan utang nya alam rekening aku. ¹⁹ Aku, Paulus, nuleh to ngena jari aku mpu: Aku, deka mayar utang nya -- nda ngira nuan mpu ke berutang nyawa ba aku. ²⁰ Sige amat, menyadi, aku minta utae site to ari nuan alam Tuhan: Asoh ati aku lantang alam Kristus. ²¹ Aku enda ngarapka nuan deka ngereja utae te dipinta aku, nya kebuah aku nuleh age nuan, laban aku nemu nuan deka ngereja lebeh age ari te dipinta aku. ²² Site age utae, sediaka site kamar ke aku, laban aku ngarapka dire uleh nemuai baru age kita, ari sampi semua kita. ²³ Epafras, ke sama ditan alam rumah penjara nggau aku ketegal Yesus Kristus, ngiromka tabe basa age nuan, ²⁴ alu baka nya mega Markus, Aristarkhus, Demas nggau Lukas ke sama pelayanan nggau aku. ²⁵ Awakka pengasih Tuhan Yesus Kristus meruan nyeretai semengat nuan.