¹ Kitab tusut Yesus Kristus,keturun Daud, keturun Abraham. ² Abraham apai Ishak, Ishak apai Yakub. Yakub apai Yehuda enggau sida menyadi iya. ³ Yehuda apai Peres enggau Zerah, indai sida Tamar. Peres apai Hezron. Hezron apai Ram. ⁴ Ram apai Aminadab. Aminadab apai Nahason. Nahason apai Salmon. ⁵ Salmon apai Boas, indai iya Rahab. Boas apai Obed, indai iya Rut. Obed apai Isai. ⁶ Isai apai ari Raja Daud. Daud apai Salomo, indai iya udah kala nyadi bini Uria. ⁷ Salomo apai Rehabeam. Rehabeam apai Abia. Abia apai Asa. ⁸ Asa apai Yosafat. Yosafat apai Yoram. Yoram apai Uzia. ⁹ Uzia apai Yotam. Yotam apai Ahas. Ahas apai Hizkia. ¹⁰ Hizkia apai Manasye. Manasye apai Amon. Amon apai Yosia. ¹¹ Yosia apai Yekhonya enggau sida menyadi iya, lebuh maya sida dibuai ngagai menua Babel. ¹² Pengudah sida dibuai ngagai menua Babel, Yekhonya apai Sealtiel. Sealtiel apai Zerubabel. ¹³ Zerubabel apai Abihud. Abihud apai Elyakim. Elyakim apai Azor. ¹⁴ Azor apai Zadok. Zadok apai Akhim. Akhim apai Eliud. ¹⁵ Eliud apai Eleazar. Eleazar apai Matan. Matan apai Yakud. ¹⁶ Yakud apai Yusuf, kejadi enggau Maria. ari Maria adai meh Yesus ke dikumbai Kristus. ¹⁷ Nya alai, ari Abraham nyentuk ngagai Daud empat belas serak, ari Daud ngagai maya urang Israel dibuai ngagai menua Babel empat belas serak alu ari maya nya ngagai pengadai Kristus empat belas serak. ¹⁸ Baka tu ko gaya pengadai Yesus Kristus. Indai Iya Maria udah betunang enggau Yusuf, tang sebedau seduai iya jadi melaki-bini, iya betubuh-bisi uleh kuasa Roh Kudus. ¹⁹ Laban tunang iya, Yusuf, endang urang ke lurus, lalu enggai ngemalu ka Maria di mua urang mayoh, nya alai iya berunding deka muai Maria ngena cara belalai. ²⁰ Tang lebuh Yusuf benung berunding ka nya, siko malaikat Tuhan pansut di mua iya alam mimpi, lalu bejako, “Yusuf, anak Daud, anang takut ngambi Maria nyadika bini nuan, laban iya betubuh-bisi uleh kuasa Roh Kudus. ²¹ Iya deka ngadai ka anak lelaki siko, alu nuan deka mere Iya nama Yesus, laban Iya deka nyelamat ka nembiak Iya ari dosa sida.” ²² Semua utai tu nyadi kena ngamat ka jako ti udah disebut Tuhan beseruan ka siko nabi, ²³ “Siko dara bungas deka betubuh-bisi, lalu ngadai ka anak lelaki siko, lalu iya deka dikumbai Imanuel” (reti nya, “Allah Taala enggau kitai”). ²⁴ Leboh Yusuf dani, iya lalu nitihka jako malaikat Tuhan. Iya jadi enggau Maria, ²⁵ tang iya enda beleman enggau Maria sebedau Maria ngadai ka anak laki iya. Yusuf alu meri anak mit nya nama Yesus.