¹ Dalam taun ti kelima belas Tiberius nyadi Raja Besai, lalu Pontius Pilatus nyadi gabenor menua Judea, lalu Herodes merintah di menua Galili, lalu menyadi Herodes ke benama Philip merintah di menua Iturea enggau Trikonitis, lalu Laisanias merintah di Abilene, ² lebuh Anas seduai Kaiapas nyadi imam besai, jaku Allah Taala datai ngagai Johanes anak Sekariah, di menua puang. ³ Iya lalu bejalai nengah semua menua ka ngimbai Sungai Jordan, ngajar pasal pemaptisa nesal ati ke pengampun dosa. ⁴ Allah Taala meda penampak nya manah; lalu Iya nyeraraka penampak nya ari pemetang. ⁵ Iya ngumbai penampak nya “Siang” lalu pemetang nya dikumbai Iya “Malam.” Lemai abis lalu pagi pen datai. Nya hari ka keterubah. ⁶ Lalu ku Allah Taala bejaku, “Awakka kebung pegari kena nyeraraka ai ka di atas ari ai ka di baruh. ⁷ Ku Johanes bejaku ngagai bala orang ke datai minta diri dibaptisa ulih iya, “Kita anak ular! Sapa ngasuh kita rari ari ukum ti deka datai? ⁸ Kereja utai kena nunjukka kita amat udah nesal ati, lalu anang belabuh nyebut ngagai diri empu, ‘Kami tu peturun Abraham’, laban, aku madah ngagai kita, Allah Taala ulih ngaga batu tu nyadi peturun Abraham! ⁹ Indah diatu deh kapak udah sedia deka mungga urat kayu. Semua kayu ti enda mansutka buah ti manah, deka ditebang, lalu dibuai ngagai api.” ¹⁰ Orang mayuh lalu nanya iya, “Enti pia, nama utai ti patut dikereja kami?” ¹¹ Ku iya nyaut sida, “Barang sapa bisi dua lambar baju, enda tau enda meri ngagai orang ke nadai, lalu orang ke bisi pemakai, enda tau enda ngereja baka nya mega.” ¹² Indah sida pengumpul cukai deh datai minta iya maptisa sida, lalu ku sida nanya iya, “Pengajar, nama utai ti patut dikereja kami?” ¹³ Ku iya nyaut sida, “Anang minta cukai lebih ari ti patut.” ¹⁴ Soldadu mega nanya iya, “Baka ni ku kami? Nama utai ka patut dikereja kami?” Ku iya bejaku ngagai sida, “Anang ngerampas duit orang, tauka besaksi bula ngelaban orang. Kita patut nemu puas ati ke gaji diri.” ¹⁵ Orang mayuh lalu belabuh andal ati, lalu betanya dalam ati diri pasal Johanes, ngumbai iya Kristus. ¹⁶ Johanes lalu nyaut semua sida, “Aku maptisa kita ngena ai, tang siku orang ke bekuasa agi ari aku deka datai. Indah muka tali selipar Iya deh aku enda tau. Iya deka maptisa kita ngena Roh Kudus enggau api. ¹⁷ Iya bisi utai ka deka dikena Iya nyapu endur alai nungku gandum, lalu Iya deka nyimpan gandum dalam setor Iya, tang Iya deka nunu ampa dalam api ka enda nemu padam.” ¹⁸ Johanes meransang orang mayuh ngena mayuh macam jaku lebuh iya nusui Berita Manah ngagai sida. ¹⁹ Tang Raja Herodes ke udah dirara Johanes ketegal Herodes, bini menyadi iya, enggau ketegal semua penyai ti udah dikereja iya, ²⁰ nambahka semua penyai nya lebuh iya nutup Johanes dalam rumah jil. ²¹ Lebuh semua orang udah dibaptisa magang, lalu Jesus udah mega dibaptis lalu besampi, langit lalu tebuka, ²² lalu Roh Kudus nurun atas Iya baka burung acang. Munyi nyawa lalu bejaku ari serega, “Nuan tu Anak ke dikesayauka Aku. Aku rinduka Nuan.” ²³ Umur Jesus tiga puluh taun lebuh Iya belabuh ngereja pengawa Iya. Nitihka penemu orang, Iya anak Jusup, anak Heli, ²⁴ anak Matat, anak Lewi, anak Melki, anak Janai, anak Jusup, ²⁵ anak Matatias, anak Amos, anak Nahum, anak Esli, anak Naggai, ²⁶ anak Mat, anak Matatias, anak Semein, anak Josik, anak Joda, ²⁷ anak Joanan, anak Resa, anak Serubabel, anak Sealtiel, anak Neri, ²⁸ anak Melki, anak Addi, anak Kosam, anak Elmadam, anak Er, ²⁹ anak Josua, anak Elieser, anak Jorim, anak Matat, anak Lewi, ³⁰ anak Simeon, anak Judah, anak Jusup, anak Jonam, anak Eliakim. ³¹ anak Melea, anak Menna, anak Matata, anak Natan, anak Daud, ³² anak Jesi, anak Obet, anak Boas, anak Salmon, anak Nason, ³³ Aminadap, anak Admin, anak Arni, anak Hesron, anak Peres, anak Judah, ³⁴ anak Jakop, anak Isak, anak Abraham, anak Terah, anak Nahor, ³⁵ anak Seruk, anak Reu, anak Pelek, anak Eber, anak Selah, ³⁶ anak Kainan, anak Apasat, anak Sem, anak Noah, anak Lamek, ³⁷ anak Metuselah, anak Enok, anak Jaret, anak Mahalalel, anak Kenan, ³⁸ anak Enos, anak Set, anak Adam, anak Allah Taala.