¹ Nyadi pasal penatae Yesus Kristus Tuhan kitae nggau pasal kitae ke deka detembong ke begulae nggau Iya, kami minta kita, menyadi, ² Anang mudah irau ati tauka bingung ketegal urang bise ngumbae Hari Tuhan udah datae. Sida nyangka madahka dire udah ninga utae nya ari Roh Kudus, tauka ari urang bukae, tauka ari surat te dituleh kami. ³ Tang anang sekake-kale ngawak ke urang nipu kita; laban Hari Tuhan empai datae, sebedau Pengawa Ti Ngelaban nyadi, alu urang siko te nda beradat nya dipandang ka, ke diletak deka dirusak. ⁴ Iya ngelaban sereta ngeninggika dire ari atas semua utai te de kumbae petara tauka utai te disembah, alu nuduk ka dire dalam Rumah Semayang Allah Taal, alu madahka dire Allah Taala. ⁵ Kati kita nda ingatka semua nya? Aku udah madah ke semua utae nya age kita leboh aku agi begulae nggau kita. ⁶ Alu kita nemu utae te nagang iya ti nda berada nya diato, ngambi ke iya dipandangka ba maya te patut. ⁷ Laban diato kedurhakaan nya udah berengkah bekereja, tang semina nyentok age maya iya ke nagang iya ke durhaka nya dibai ke tisi. ⁸ Udah nya baru iya ke durhaka nya dipandangka, alu dibuai Tuhan Yesus ngena kesoh nyawa Iya, alu ngambehka iya lengeh ngena mulia Iya leboh Iya datae. ⁹ Penatai pendurhaka nya ayan alam semua pengawa Sitan ke ngena semua kuasa, tanda, kereja ajih ti pelesu, ¹⁰ enggau semua macham tipu ti jai, ba orang ke deka mati, laban sida enggai rinduka pemendar ti ulih nyelamatka sida. ¹¹ Nya kebuah Allah Taala ngirumka siti kuasa penipu ti besai ngambika sida arapka utai ti pelesu, ¹² ngambika semua orang ke enda arapka pemendar tang rinduka dosa, diukum. ¹³ Tang kami enda tau enda seruran meri terima kasih ngagai Allah Taala ke kita, menyadi ke dikerinduka Tuhan, laban Allah Taala udah milih kita ngambika kita diselamatka ulih Roh Kudus ti nguduska kita, enggau ulih pengarap kita ke pemendar. ¹⁴ Nya meh kebuah Allah Taala udah ngangauka kita ulih Berita Manah ti ditusui kami, ngambika kita tau bulih mulia Jesus Kristus Tuhan kitai. ¹⁵ Nya alai, menyadi, bediri tegap lalu bepegai teguh ba ajar ti diberi kami ngagai kita, nemuka ngena mulut tauka ngena surat kami. ¹⁶ Awakka Jesus Kristus Tuhan kitai, enggau Allah Taala ti Apai kitai, ke rinduka kitai, lalu udah meri kitai peransang ti meruan belama iya, enggau pengadang, ¹⁷ ulih pengasih Iya, meransang sereta ngeringka ati kita ngereja enggau nyebut semua utai ti manah.