¹ Pigoh kagevah, wayah wamih vimeginah Anutu kamana egariyoh. ² Kagevah karenah vimoh e-ivoh wanih anoh. Igevih pukiven danagah ogih napi-enah egarah iyoh. Igevah Anutun-dah taga tagah kamana avimah egariyoh, tovinagah kavuh vakenah, esegih asimah ayaemah kundaenah esegah vikenah. ³ Pigoh kagevah endah waimoh Anutu avisambah kepah nasiyoh. Igevah kambah asah wanih omavah kavitanoh. Igevah toginah ivavuh kivepah ogih kamana umiyoh, ⁴ kasah we-eyamivah ivekavah ivuganoh yagarah vikavah ivuganoh. ⁵ Kasah wayami-vah napi-enavah vitapah ogimah kaviyoh, igevah Anutu orihvah ogimah mi-iyoh. Igevah navitah kavimah mikenavah ogimah mi-iyoh,ogi-enah ivahe potakenah yagaravih potakenah, pigoh wayanami-vah Anutu kavah ka-ogih kamanapah kahukiveh. ⁶ Piyambah hasah punda kiven kinapa asitoh, igege-vah imavitapah ogimah kaviyoh. ⁷ Ayaemah enah pukuvomben danah, kagekapah ogi-enah manah pukivene, kageh pukuvembeh danavah kagateh kaegarakive. Eriyah kapah wayah wah vimikenah, kambaripah avimoh, anagih kamanapah ahutanasoh.Kamba-e. Ayaemah yagavah taga-enah manakah mohagoh tagah kamana iyoh. ⁸ Pigoh tagah kamana ikivembepah, pigoh wasana mivah kaogi-enavah kahagah kiveh. Tagamah kinambi-vah kaogih kamanapah kahukive. Kamba-e, Inipukive ka-aragah napi-enagah inipukive. ⁹ Kagevah eriya kinah kavah piyah vimoh, igevah evah kinambih amendah pindih mi-iyoh, igevah ogi-enah vi-iyoh evah kinambi-vah ivisiyaena piyoh. Igevah kaogih kamanapah iyorivah kambah iyoh, ¹⁰ evah kinambih danavah kundana-vah kambah viyoh, evah kinambi-vah igekavah amu-enavah po-itakiye. Piyavekinih ayaemanah pukive danavah, eriyah kinambi-vah ayaemah kinah asi-itakiveye yombe kamana tasah asita kiveye, Anutun-dah taga kamana, tavavurite ikenah yagara-e. ¹¹ Agakune tagevah, andara-enavah Anutun-dah agoh avoravatae, ayaema wah wayah tavavurite ikiye, pigoh ayaemah wah wayapah ivavukiye. ¹² Anutun-dah andara-enah puriyah kiyeh Anutu takah amikenavah ka-aragah enavah mamavisah vah kasiyoh, agevah ogimah napi-iyoh uramiye ogimah nasi-iyoh. Tagane, tagevah mamavisah kinambih ikapih mindune, pigoh Anutun-dah andara enamah uramiye Anutun-dah ahuma-vah egariyoh ¹³ esegimah timatitih pigoh ogi-enagah kaviyoh tagevah tamu-enamah agakuneh. Isu-kah kavikune, Esegih yagara-e Anutu-vah tumbah tavavurite ikenah yagara-e, agevah ambah avorakiye ogih kukenah yagah esegih kaneyagah Anutun-dah esegih enayagah kanakiye. ¹⁴ Isu aumavah kaitae, tavavi kenah agundaenah utakaitae, tagevah lave lave mandah mikune tagevah agendah wayah wah mikune, esegimah ogi-enah puguneh. ¹⁵ Ayaemah yagah waya wamih vihimoh. Ipagepeh kanah ogimah aviyoh, esegih kamana vimoh wayah wamih kamana akayusah nagah, igeh mikenanah ogiviyoh. A-itakinih kageh kamanapah asoreh piyoh.