¹ Nagevah Poli naeh, Isun-dah kagoveh yagarana-e. Nagevah tinando rimbage mindah Filemon katih isah kaeweh, nagayando ogih eriyah yagovah tigendae, ² apia tiyakapah kaewe agevah yagara reneh Anutu agenda-nah vindi-vah. Mono namah pindisah imatitih kinah kagegeh akive. ³ Anutu tavarembah avuwakenah kagoyah enah Isu tavarembah tigegeh wikiye. ⁴ Ayaemah yagah Anutu tah nunamu-mah amupuwe, ⁵ nage avopah Anutun-dah wayah wavah kavah kavuva kinah Isu tavaremba-tah kamatitih enavah peneh. ⁶ Nunamuwah piyambah uweh pih aginare-pah kakenda-geh nagendageh ogih tamatitih enah avorano-mah ogih napi-enah Isu pindisah. ⁷ Nagandoh, taveh namunda-nah pumah nandah paruviyeh, nanaviemah, Anutun-dah wayah wawah gavah kavuwake-nah enavasah indah esegiveneh. ⁸ Piyambah, nagevah Isu pindih esegi-enanepah windiye kamana timigeh navah anavayah piyoma-vah. ⁹ Nanavi-emah wasanagah avuvakenah tayaguvae, piyavegih pasemando kagekah ugamuveh___,Nagevah Poli naeh, anasan donaeh puvuwe. Piyambahnagevah Isu mesiyan-dah kagoya yagara mi-uwe. ¹⁰ Yagara-neka avikave Onesimus, Pasendaenah poyakitoneh Meseyan-dah kago kayah mindah. ¹¹ Paipah kambah ogih eriyah potuneh kagenda-vah, piyavika-nah ivavah ogi-enayah kagegeh nagegeh. ¹² Nagevah kagisagakuve ageti-vah, agevah namokovindi mindiye. ¹³ Nagevah namupuh kuweh ageh ayakureh kanah nagegeh mikivih kavah, piyaveh kina-vah agevah kageh eriyah pikiven dana-vah pikana-tah mono kamana omanandah kagoveh yagara mitoh danah. ¹⁴ Kageh kambah kamavih kivindana-vah nagevah avenoh. Nagevah kanaviye ogi-enah punah tasanah kavah nageh, ohagi enayambah daga-vah. ¹⁵ Pi-agonah kagah Onesimas-vah okaenayah gavah katata-e. Piyavih kanah piyanda-gah uwenayagando katate watae. ¹⁶ Agevah ugah eriyah kina-pah kambae, agevah ugah eriyah kinapah againtiye, age-pah piyamah ogih agandoh wambae. Agekah nawuwa-e nagevah agoh napuwe agekah kavuwah kivene-mah, kageh kapindi-geh Taverambatih keh. ¹⁷ Piyavi kanah kagevah, navavoh kavagih kanda-mahkagendah avawoh nagevah bembasah pumah. ¹⁸ Kagitih kasah kambari-enah pukasagih napah o kasah isaenah kage pugasagi napah, ageva-pah ukasimah nageh kaitoh. ¹⁹ Nagevah Pol naeh, makamana-pah nageh nayapisah kaitauwe. nageh aisaga-pah amigaikuwe. Nagevah piyaeh ugamukuwe, kage katih nagendah aisaiga-pah witye. pipah kageh kanda aisagah kaumagah pandagah aisa-enavah peneh. Piyavikah nagevah kamba piya-evah kambah ukuweh. ²⁰ Takah takayene nanatah varah nageta-pah kasae navapikiveye Taverambah agevapah. Tasigevah Isu pindih atokai pekenah pinah agokanah omapah amundanah potao. ²¹ Kamana-pah ogimah egarakive nemah napitegi-mah isapah kaiwe. kaviganda-vah navah agasimah mevatah pumah pikivekah. ²² Kah kamana toroh ikinava-pah, nagendah kamaru yokepunatoh nagepindih navivigenah. Namatitih puwe Anutu-tah nunamuh ripah avitegih kana kuwe. ²³ Epaprasi-vah, Agevah nageh nagayando-e ageveh napeh Isu pindih iganah kinanda namah puwatae. Kaginae utatae. ²⁴ Pavitah Maki-geh, Aritakusi-geh, Demasi-geh, Luki-geh kivah igevah kapih eriyah kinatae. Igeyaga-pah kagineh ugatatae. ²⁵ Isun-dah andara-vah kagendah kamatith enah kagegeh vikiye. Tagane.