¹ Tigevah evakinatae, amiyoh eriyah kinah nanah ayaemah enah ogi-enahe araketa-enah. Pigoh tigevah piyambah agahiyoh, tigendah evah kinati-pah mandah kumatih mindiye. Tigevah ayaemah yagavah nunamuh enah ikenah ah miyariyoh timuh kamana-pah Anutu kavah otaiyoh. ² Tigevah ayakumah upeveviyoh. Tigevah nunamuh ikivenda-navah upeveviyoh, upeveh pumagirih aisah otaiyoh Anutu kah. ³ Nunamu-mah taopiyoh, Anutu agevah kavewah aviratah kiyeh piyah vekitah kamana-pah Isu kamana ukuneh, paipah kakamah mitaeh. Pavih kamana omah, iganah vindih mitoganah. ⁴ Nunamuh Anutu-tih ukuvopah napi-enawaipah aravaikiye napi-enavah aravanoh. ⁵ Kegava-yah monoh kamanah kambah avindih kinapah ogimandoh avaemah eganah avimah aranoh. ⁶ Ayaemah yagavah kamana ikiveh kamana-pah ogih kamana amanah iyoh, kamana ikiveh kamana-pah avikive-pah aramah aviyoh. kamana ikivepah aramah avimagi-nih maroroh ikiveye. ⁷ Tikikus sivah kamana ikivipah avimah aranoh nagepindih waiyenoh. Ogih nagandoh o nanandoh kagevah Anutun-dah ogih eriyah kinakae Isu pindih eriyah kinakae. ⁸ Nagevah ageh isagauto-veh tigevah agakive-pah nanavayah tageh pindih pikivindah navah agakiveye piyavih kivindana-vah ege-enah timikiyeh. ⁹ Nagevah isisaugah tuweh Tikikus-geh Onesimusi-geh ogih eriyah yagara. Tigeh nanae-nah avoratainda-nah moh urimuneh. ¹⁰ Aristakusi-vah nakagine uritauweh, Maki-geh nagege-vah iganah vindih minduseh. Banabasih anogae, (Kega-emah urimuih tauweh, pigoh tigetih kanah kivipah awameteh kaniyoh), ¹¹ Isu kavah ageva-pah avaevu-mah Jastusih omitaeh. Pih kinapah igevah Judah kinaneh igegeh nagegeh kah eriyah pompeh kinatae Anutu kumah pindih wakenah kamana o-imombeh kinah taeh. Ogimah nopugasaeh tagah. ¹² Epatrasi-vah kagineh uritaeh. Tigevah katindoh Isun-dah eriyah kinaneh. Ageh nunamuh danavah esegi-mah nunamuh iyeh timatitih enarah asimah egeviyo-mah asimah Anutu auma-vah waiyomah. ¹³ Pigoh nagevah agatuh veyeh, agevah esegi-mah eriyah tigetah putaeyeh pih kina-pah igevah Laodisiyah kumatih geh Hierapolisih kumata-keh mitae-yeh. ¹⁴ Kuki-vah pih sotah yagara-kah tagevah tavuwatae, agegeh Demasi-geh kagineh uritataeh. ¹⁵ Tigeveh kagineh umah nataiyoh Laodisiyah kinakah Nimfah kavah ominah taiyoh, mono namapah ageh kumatah windiyeh. ¹⁶ Tigeh agoh avakapih usugaitah kiveh kamana-pah, pigoh tigege-veh ataeginah Laodisiyah kinambih mono namapindih isumah o-imiyoh tigekeh venapeh isu-iyoh pih kamana-pah Laodosiyah mindiri-peh. ¹⁷ Arkipusih omiyoh, "Taveh yagara-mah amih eriyapah ogimah evavoh iyeh agevah ogimah pih eriyah-pah penoh. Pih kagineh kamana-pah Poli-nah nayah pisah kaetauwe. Nagekah napimah nunamu-vah nageh kaiyoh, iganah vidih minduweh. Anutu andarah enawapah tigegeh wikiyeh." ¹⁸ Pih kagineh kamana-pah Poli-naeh nayah pisah kaetauwe. Nagekah napimah nunamu-vah iyoh, iganah vindih minduwe. Anutu andarah enawapah tigegeh wikiyeh.