¹ Nageh navikah agayoh taveh kundu-enah esagavekah nageh pondana-vah tigeh tiyopuh kenah puweh, tigeyagah wawayah Laodisiyah wayah wawah norakah kanagakiveye. ² Nagevah indavindih yagopuweh igevah esegi-enah uriteh ambah asikiveye tovinakah kavuvah kenanah igevah piyaveh kinah Anutu pindih kakah dindana-vah agakiveye, agevah Isu Mesiyah. ³ Andah vipindih ogih napi-enah agepindih awagitan diyeh. ⁴ Nanavi-emah pih kamana urimuiwe pigoh kah yagara-mah kambaripah kaurumik kiyeh igah kamana windagah. ⁵ Pigoh nagevah tigetih yagapah kaminduwe, piyavopah tamakovindih awamusah pindih minduwe. Piyavegih taverah namu-enamah tigavuwe ogih mimah Isu tih timatitih piyoh. ⁶ Pigoh Isu tavegah avavuh kivembepah ageh pindih nasoh. ⁷ Tigerih aisaga-iyoh tigerih agepindih egevuriteh pavipindih mi-iyoh asimah egeviyoh timatitih enarah, kamasah pumah nageh puriyah kitoh sapumah pigoh tigevah timu-enamah awitanoh. ⁸ Ogimah kaviyoh, kambah kah yagarama-vah kambarih napi-enah yagah napi-enah yagah ugah kamana viyagah piyagah wasanah napi-enah yagah. Piyaveh kirih ka-aragah awameh enayagah mamavisah kamana-nah kambah Isun-daeh. ⁹ Nanavi-emah ayaemah awameh wapah Anutun daeh andah vipindih vindiye. ¹⁰ Tigevah ageh pindih avah gitandae, kevayah anoyambuh enavindih ayaemah esegi-enah. ¹¹ Ageh pindih aukasah kenanah, wasanah iyatasah kauh kasah kenanah, Isu ayaemah akunda-enavah agoh ukutae. Kamasah pundiye auh kasah kenana. ¹² Agoh tigeya-gah karitan deneh tigeh wanih uriteh daga-e, Isugeh asikiveye andah vindih Anutu esegih enavatah asiyoh wasanah aruwindisah asiyoh. ¹³ Pigoh tigevah agundah enaripindih puwandah kinakanandah kambah tipah kasandae, ageh puyavitipah ugah mi-iyomah agegeh agundaenah repah utagakiyeh. ¹⁴ Agevah ayaemah aisah puratande-pah utagaitaeh piyagah puwayah kamana yagah. Piyamah ayaemah ugundaena repah utagah gaitae takae yaverah egumah itagitae. ¹⁵ Agevah esegi-enah utagaitae piyamah asoreh pugitae piyah pumah avorah potatae tahae yaverah itaetamah asuk-gitae. ¹⁶ Piyaveginah toginampi-vah azigikiyohkamana-pah, tigevah kambah avaye-e wanih nateh nanindah nateh pikenah kamana-pah mono ukenah kamana-pah kambah egerae timu-enah pikenah kasa-uh kanah kivipah Sabatih kanah kiri-pah. ¹⁷ Pindanah agakivepah ama-enae pigoh e-indih kanah kivindanae, pigoh taga-enavah Isu yeh. ¹⁸ Pigoh tigevah kayagara atiginah kegavayah kavavu-mah meru-avah potamah mono umiyeganah angeroh kinambih azigikiveye tigeh ikah urukivendana-vah tigaruh wakive. Piyah yagaramah moh agamih waviyeh agevah au-omah napi-enarah asiyeh. ¹⁹ Agevah anota-pah kamabah atokaeyeh agevah au-omah naninda-vah amimamiyeh ayaemah auoma-vah umah arakumah upeveh vumah egeviyeh, ageva-pah anosaeh Anutu egi-enarah. ²⁰ Pigoh tigevah Isu geh puwatah kivepah ayaemanah mamavisah kaekive-pah, nanavi-emah igegavah timatitih peyeh igeh amendah pindih miyeh? ²¹ Piyambaneh, "Kagevah ahuroh, kambah naviganda-nah kambah igayavoh"? ²² Pindana-vah wayay wamih avorae pirayakeh egariyomah pigoh pagih pagivih puwakiveyeh. ²³ Piyah enavah mono omah agovaneh, wasana-mih pumaraneh, kambarih kamana tasah tigepah tivavu-mah miruavah pikive, tiandoh asoreh puwakiyeh kambah tiyoh pikiye ka-aragah enah ukukena-pah kambah tiyopikiye.