¹ Nagevah Joni nah pih isapah kaiweh Gaiusitih ogieh nanandotih wayeh, kegavayah navugae. ² Ogieh nanandotih, nunamuh umah kaopo-pah ayaemah ena-vah ogi-emah vikiyeh kambah yonindana-vah kambah kavumah kaumando-vah ogi-mah waikiye. ³ Nagevah namundanah pugauwe, nagavara-mih ambah e-kamana kavah taverah namundanah puwe, piyamah ogih kih egarambeh kavah. ⁴ Namundanah pugopah togaisah namundanah puvosah pumah kamba-e, yagara nembagih ogih awametah wa-eh kavah. ⁵ Ogih nanandoh, kandah amimah ogih eriyah pempeh kavah nagah kavagih ivakah pikeh tovinabih ivakah pikeh, ⁶ Kegivayah ogih enah pikivembekah tokinah kah mono namapindih kavugah kivikah. Ogih avameh Anutu avih, ⁷ nanavi-emah, to-aukaihi Taverambah agerakah, piyah viyemah ka-enavah ka-uritae wawayah Judah kinapah kamba-e. ⁸ Piyah vikah kamasah enah pukune piyah wawayah, tagevah taga tagah eriyah kinavah mikune. ⁹ Nagevah mah isapah kaemah wawayah mono namapindih mindeh kinakah, piyavipah Diotrepasitih, piyavipah pih yagara ivakapih asukasi-mah mikena-e yagara-e, tagepah kambah tavawikena-e. ¹⁰ Piyavikah nagevah kanakuvo-pah, nagevah ayaemah awameh pindana-vah agakuwe, ka-ogih kamana tagekah ipah. Piyah awameh pipah kambah aga-epae, piyavikanah agavara-vah kambah ogih pu-itae. Piyaveginah kevayah ivavih kenah pipah, mono namapindisah igaruwae. ¹¹ Ogih nanandoh, kagrvah kaogih avamepah a-egaroh, piyavi-pah ogih awameh egaroh. kevayah wasanah ogi-enah po-itae, agevah Anutun daeh, wasanah kevayah ka-ogi-enah po-itah kivipah, Anutu pah ka-agandiye. ¹² Imatitih wa-amivah ogih kamana eyeh Demetriasitih, igevah piyah umah araeh, agevah ogih yagara-e taga tagah kamana pindih. Tagevah tagane-mah agau-neh kagevah agoh aganoh kamanapah tagane-mah. ¹³ Nagevah kagetih kaemah aisagah kenavah, piyavipah pih isapindih kambah kaekuwe. ¹⁴ Piyavipah napuwe arondagandoh kagakuve-mah, kovarah kagakuwe kagegeh kamana ukuweh. ¹⁵ Taveh yagara mandah andah paru-enavah kagege waikiyeh. Nagavarah giyoh ogih yaga-e uritauwe. Ogih yaga-e kakah nagana kikavah.