Sapta 2
1
Paitah ganeh, kambarih nambarih kinapah Anutu kinambih akapisah avorandineh. Piyambah kambarih posendah kinapah tagetih kanakiye kambarih kamana tasah umbah uraegah kiveh. Kambarih kamana Anutu tikah amikisi yomah uraegah kiveye.
2
Okaenah kinambi-vah ka-aragah enavih egarah kive-e.
3
Ikandakah enagae, igevah kamana umah tigendah miyeh paivu kenah. Agaroh yagando Anutu-vah kamana azigi-atkini mamavih pagivuva kiveye.
4
Anutu-vah angeroh kinapah agundaena-vah kaputaene. Kambae. Irakumah tunundana pindih iganah uku-itandineh mavindih rakayah kamana azikikenah itandiye.
5
Paito-vah, wayah wamih Anutu ikai-imigaindepah kambah itandiye. Kambae. Taveh wanih ataugonah iyeguwandiye. Pigoh Novah kavih tandiye, agevah taga tagah yagara seveni-vah kinayagah.
6
Anutu-vah Sodomike Gomorake asoreh puvakivese tave yakupindi ayaemah kavavih kaendiyeigevah takandah puvandae. Pindama-vah wayah wagah titah kaviyoh puriyah kindiye Anutu kakah amikivene.
7
Loti-vah tagah yagarae, agtipah wayah wamih kiyo-enah pumah mitae agevah tave kundu-enah uritae.
8
Tagah yagara-vah akapih mitae igateh ka-aragaenah putae-pah avitae ayaemah yagah avite tave kundu-enah uritae andavindih ukiwatae.
9
Taveremba-vah agandiye ageh egarakive kinah ivavukena-vah agandiye kundae-navah agandiye ka-aragah ikah urikivepah igandiye ei-agogoh yagavah kamana anbah azigikiye.
10
Piyavih kinah igevih imah egara kive kinah ka-aragah ikah urikiveye. Igevah kambah iyeguruh pundah Anutun-dah angeroh kinah kavah.
11
Angeroh kinambi-vah esegih kinane mamavisah kinambi tebah asumag asuragasimah mindae. Piyavepah ka-ogih kamanapah ka-eh kinane igevah Anutu tah asuh azigimah omitae.
12
Pyah ginapah kavuh ginah napi-enah kavindah kinaneh wasanmih marah mindih kinavah irakumah iyeguh kikenah kinaneh. Igevah asoreh puvakiveye, nanavi-emah, igevah ka-avindae kekevayah ka-ogih kamanapah unemah.
13
Igevih kaogih ikah urikiveye igevih kaogi-enah putah kanavetagah urikiveye. Igevah nanindah nateh wanih nateh enavah ogi-enah heyeh kagih. Igevih kaogi-enah petakah asorepuvae.
14
Igevah wayamih Oyepumah igegeh kiyo-enah pukenae. Piyambaneh igevah akundaenah pusanaga-vah ka-iviye. Igevah kamabah imatitih kinah ivamah kinah akundaena vindih mo-itakive. Igevah agoh posendaena urindae agundaena pikenah tovindanagah kaukah vikenah, Piyavipah Anutu-vah iyegu kiye.
15
Piyaginambi-vah Anutu egarah kenah kepah kasae igevah Anutu orih ogimah mikenavah kamba peyeh piyamba-vah Anutu avindana-vah. Igevah Balamih napi-enah egarakenah peyeh, Beoh yagara, paipundisa enah. Igevah piya-enah ikah urikenah ka-aragah napi-enah pitakae.
16
Pigo-vah Anutu-vah esegih kamana iyeh ogiputakuve ka-aragah napi-enah kamana wasanah wi-mih kamana tagak. Donkih omakah kamana iyogah utae piyambah wasana mah usumah kasoh utaeh ka-aragah enah puvikah piyaenah napienah puvikah.
17
Piyah ginapah wanih kotuh asavih sambaneh iguguyaomah ivunah uriteh wagasi sambaneh pigoh kavah kah e-iyeh. Anutu-vah tunusu-vandah kah yokepoi tandiye pipindih tumbih kiveye.
18
Igevih igeh asakau iyeh kambarih kamana vitasah, pigoh kamana vipah naninda-vapah kambae. Igevah wasanah paivuriteh iwando kanaeh kinah kaogih napi-enah kaiteh kanae kinah kiyo-enah piyomah.
19
Pih kinambi-vah piyahe; pigoh tageh ambah taikarah kivepah pigoh agomah mikiveye. Igevih kaogi-ena mandah puvakenah yagoh kinah miyeh. Pigoh kah yagaramah kavita kivipah; pigoh agendah yagoh yagara mitakiye.
20
Pigoh taverembah tisah Isu mesiya tisah ogih napi-enah urikivepah mamavisah kaogi-enah ogaiteh puakenanah. Pigoh avaemah wakivepah iganavindih wakiveye mamavisah kaogi-enah pindih; pigoh kaogimah rakah mikiveye.
21
Kanaraneh, pigoh ogimah mikenah ke-andoh agakive kavah Anutu orih, ivavah agoh agagasae Anutu vimih kamanapah ikah imigisae.
22
Paveh kavah kah kamana-pah piyah iyeh, "Karaomah mukasih towamah muwah naeh yagamah wani paikaiteh tomah awaemah wamah auh pasiyeh."