¹ Tige nanatavah ravah, kamana pagivikena-vah, tagevah tige memapumah esegimah, kamasa pumah tageti-sah agoh kaekenaema wambe-pa. Tigevah arakata kamba wakiwembe-pa Anutu eriya-pa putah wama vikiveye-e. ² Tigevah agoh posendaena-vah tagetisah ago u-urindae inatisah yagaramah pindi asimami kenavah. ³ Pindana-vah Anutu agevah aumarah ewasama mi-iyomae, piyavegiri tigevah pagasa-rah mi-iyomah kupiyona-vah agasima tonaronah kupiyona-ge. ⁴ Agevah piyamba napiye tige kakapa arakamba mi-iyoma wayatike arataka mikive pindi-vah agundaena-vah Anutu aovindi-vah kapiyo. ⁵ Tigevah pagasara mi-iyo matiuoman-da anakaka matiutah kanasana-ga (Piyavegiri tigevah kaogi-enavah piyoh watitapa wasana-mi kamba Anutu kamana avekinambi pesa puma-vah.) ⁶ Pindanah enama-vah davah piyambane, kayaga-vah ataganah kaogi-enah puma anandowamba kundaena-vah amenoh. Nanavi-emah, tagevah egemah piyae urimune. Tave yagara-mah agevah kaogi-enah pendana-vah urimindo kaogi-enah urikiven dana-vah urimikiveye-e. ⁷ Anutu agundaena piyoma-va kamba kegaevah atae, kambae, ageh kegae utaipa tage kavah aratakae-na piyoma utae. ⁸ Piyaveginah kevayah pih kamana-pa kamba akayutae, kambae, agevah kevayah Awamusa tamitai yagara-ma kamana tigevah akayutae. ⁹ Nagevah tige kavah piyae urimukena-ga puwe, esegima, tigeve kaisa imatitih kinaka-gah tivuwano kamba kaisa kinambi-va kaema-vah timikiwe wasanaga tivuwanoh kamana-pa, pipah nanavi-emah, Anutu agevah ago tayakigaitae wasana-gah tivuwano enavah. ¹⁰ Pipah nanavi-emah, tigevah ago pugandae aogi-enah imatitih kinah poitake naena-vah kegiva-yah ayaema aukai Mesedoniya mitae kinapah. Piyaveginah tagevah urimukena-gah pune pindana-vah aogima puma mevapiyo. ¹¹ Tage napiyombe-pa tigeka esegimah paruma mi-iyeyoma okenah kamana-pa a-iyo wasana-mih maruh mikive kaga-vah. Tigevah aogih eriya tiyapisah piye piyamba piyoma urimitaombe-sah puma. ¹² Piyavegirih tigevah kamba wakive wayah wawamih iyovindi-vah kegiva-ya Anutu-tah imatitih enah kamba pikive-pah, pipah kamba kasakive kaisaena gavah. ¹³ Tige nanatava-ra, tage napiyomben danavah tigevah aogimah agaiyoma kegiva-yah imatitih puwande kinambita-pa avorakiye-mah. ¹⁴ Pigo tagevah tamatiti piyene Isu-wah ago puwataepa to-asitaema, pigoh, kamada puma Anutu-vah asi-itae kive wasana-va kevayah agi-eta amatiti igevah ivavurite kanakiye. ¹⁵ Pinah agokaga tagevah urimune tigepa Anutu kamana wake, kegitavah tauma umah mindombe-pa Isu kanakivi yagara, kamba paetama-vah wamah katapukune. Kambae, kegiva-ya Anutu-ta imatiti pute puwae taepa, igevah asite paetama Isu-ge umah kata pikive. ¹⁶ Tave yagara agevah manda kumatisah tamikiye tave aga ikivinda nawambage pigoh amaruh akerowamba-vah pagurah Anutun-dah iyekinah pigoh kegiva-ya Anutu tah imatitipuma puritae kinapa amaruh asikive-ye. ¹⁷ E-indi kegitava-yah tauma uma mindombe-pa kinapa pikana tapah kagah akivukune wasana imatiti puma puritae kinapa. Pindana-ma agorakagah Anutu-ge mimah unda unda puwakune. ¹⁸ Piyavegiri tigevah umah kapeh tarawe kapih Anutu kamana.