¹ Te Jutikave, Ihukaraisira vaintive qaiqa ti atavaka vairero Jemisirave. Te maqarara duvataurava virero, ne eka vainti nahenti Kotiva tiqauta ova vitavarero voqamake ni anduqarirave. Naivavono raqikirero ni Ihu Karaisira qive. ² Umboqira vata qauha ihaqira Kotira anduqariva vata vaireva biqavi niqa variarire. ³ Ne tiqaraqove, tekaiqa kembukaiqake qaranduvataurava niqa vairero, Kotiva qokara qautira tiqauta vitainara. Te qavuto quturava, te arandurava ni tivvnimirero kembukaiqake kaiqa qautiha irirahika kembukaiqa Kotiva nimira, vairero eka quave tia vianti nahentiakkave. ⁴ Ne kia kankoqiavo vonavu vianti vaireka kia irirahaika Kotira quqaveti tivariara, quveqavi ratuqi vaiha, avuato nimireka quna uva tivariara, vika quva taqanda Kotira qumboqira vairero oraqokara hampi nua okarave. Vika kiaho irirahaika quqavetiava voha qiata vainti, viva tiqauta nora Ihukaraitirave. Avuniqakero Kotiva mintiake vataira. Eka mintia vaintika vaireka Kotira koqa himbi aiqa vika vaireka kakaqivarave. ⁵ Ne avuniqake kankoqiavo ekavihaikara, mintivaro avuato himbimake qaiqa tivanimirera. Viravoqara noravano eka Isirairi vitaveva Isipi qihaira. Mintivaro nantiara viva qoraiqirero eka vivainti nahentika kia virara quqaiqake variara. ⁶ Mintivaro, qairi Ensori vika kia avuqavu naikaiqa kuvaitara viraqa vai, Kotiva kembuka vika nimira kia viraqa vai, mintimanta vika vi vatukara variara qaqiniqamavuara.Mitivaro Kotiva vika heroqa rumbataira ekaqenda ekaqenda vaivarave. Viva vika numbataira vika vaireka vatuka voqavata konkira ariraqi vaivarave. Vika veka vaireka nora enda Kotira ko rahaiqendara. ⁷ Vohaqarimake Sodomuqi vata Gomoraqi eka nora tauni vaireka vika aumanto vaiha, vika vata vohaqari variavo, vi ensorika voqarave. Vika avatareka oraqokara qivai vika hampi nua okarara nai vata anduqa avatevariara. Mintira vika orakoqa qihavano kia taiqaira qi varevarave. Eka vihaikava naru ovaramavivo, mintiqe teqauta aturike vika avatare. ⁸ Vohaqari ara vi vaintika avate voqari voqari taira tave variara vivavata vika oraiqivaira. Vika kia uva qiri Kotira quva qandue ora uva ensori naruvaini variakaravata tiara. ⁹ Mintivaro viqendara avuhaina ensori Maikoriva vananoruqara kandiro uva iqoka raqirero Mosesira vataqa. Maikoriva kia uva anduero kia vananoruqara atira. Viva mitiake tira,"Noravano nai ari atiarive. ¹⁰ Mintivaro viqendara vivaintika ora uva tireka ekahaika kaituqa randake tivariara. Vika vaireka andauvahi kia avuato vaika voqara variara. Vika vaireka vata anduqa avatarekaqi variara. Vi okarara qautuava vaireva nai qoraiqivariara. ¹¹ Vika vaireka raurihama variate,vika avatareka qokara Keniva qautira. Vika avuato quti monu vare,Baramuva qautindemake vika vata vohaqari kumi qautuarave. Vika vaireka Kotira quvaraqe vaireka kora voqara, vi okarara kakaqivariara. ¹² Vi antuka vaireka qori vaihava hore namariqi vaiharo sipi oraaiqivaira. Vi vaintika vaiha qani qoraiqireka vi koqe kara qautuneha variaraqive. Vika kia kauri variarave, viqendara vika karaneha, vika nariaraqi qirivariara. vika vaireka tonavu kia namari vaira quvaivano vitavare vika vivavaira voqarave.Vika vaireka katarivano kia karatava qirarero naikuariqavuqa qiraimanta, vika rarukavaro viva tara qenda aharuqaira. ¹³ Vika vaireka hore namari noraiqake raiqrainde vika oraqokara vaira. Vika kauriravano qaqiraqa ovariro,vairevahore namari tara voqarira, vika vaireka viqopura voqara kia naiqara avatevaira. Kotiva vaka qeramataivo konkirataruva vairero vi antuka ekaqenda ekaqenda variqi vaivarave. ¹⁴ Inokuva vaira 7 antuqa vairero Adamura nantiarave viva porofeti quva vikara mintiake tira, "tetavauro noravano qahuva ensori kambata tuvirave. ¹⁵ Viva tuvirero vika avuqavu makero ko vainti rahanaro. Viva qautirero vainti kia virara quqavetika naiqora qokara tavarire hiniki kumi vaintika qaihavira hika varara, vika vaireka qora quva viraratiara". ¹⁶ Eka vi vaintika qauha marande qairi quva ekaqenda tivariara. Vika avatareka oraiqi anduqara vikaqi vaira.Vika hampi akarande qoraqokara hampi qauti vika naiqautu viriniqi variara. Vika vahavera quva ti vainti qauha qata raira vika anduqa avatate. ¹⁷ Mintima ne atavaka aturireka eka quva aposeri quva tiqautanora Ihukaraitira quvatiarave. ¹⁸ Vika ni mintitivake tivanimiarave, vika Kotira tauvaqa qami nai qoraiqi anduqara avate variarave. ¹⁹ Vi vaintika vaireka, Kotira vainti nahenti raire variara. Vika avatareka vainti avuato vatamaqa hainaka voqara. Takuqi qaihova kia vikaqi vairave. ²⁰ Mintima ne atavaka qekaqenda nekembukai qake Kotira avatate, takuqi qaihoraqi vaiha, nunamu tivaivaro viva ni kahoqiarive. ²¹ Ne vaireka voqavata qaumanto Kotira qanduqaqi qekaqenda variate. Qekaqenda veka vaiha voqamake qauha qumboqira nora Ihukaraitiva nimirero, ni maraqura koqira ekaqenda ekaqenda vaira. ²² Ne qumboqireka vainti vika qirirahaika kia kembukaiqiakave. ²³ Vainti ihaqihairo baqi aqini aqu kaindemake ne vi vainti nahenitka kahaqama nimitaqi vimanta qora araqa kia vuate. Ne vo vainti nahenti kahaqireka iha, vika ora kaiqavano nintavata hampiqama kandorave ti, ne akomake tavamaqi viha vika kahaqama nimitata. Vika ora kaiqa vano qainamaqi utavaqara voqara vainara ne utuvarevora. ²⁴ Kotiva homa kembukaqohairo niqa maimaarara raqikiqiro vivairamanta ne kia ma hiqintivi qora kaiqa varevara. Nantiara voquvavano kia niqa vairaro viva ni ditavarero vuru nai kembukavano takuqivainanaini kairamata ne voqamake quaheha vaivara. ²⁵ Viva Variqa vohaiqavano vaiharo tinavu Nora Vainti Ihukaraitira kaiqara iriharo tinavu kuvandu timiteharo tivitaarirava vairara ti, kaiqe teqauta vira qautu tuaherakaare. Viva nai uritara kero avuhaina vaivaro virakempukavano vata uritarakero vaivaro, viva ekahaikaqaa raqiro vi vaivama vairave.Haaru viva mintiaqiro vi vairave .Vate maa endaravata viva mintiaqiro vi vairave. Naantiara viva eka endavata mintiaqiro vuanarove. Quqaave.