¹ Harim, God Yawe na bekim mi, long wanem mi rabis na bagarap. ² Lukautim mi, long wanem mi aninit long yu, God Yawe bilong mi, helpim wokman husat i bilip long yu. ³ Bikpela, marimari long mi, long wanem mi save krai long yu olgeta dei. ⁴ Bikpela mekim wokman bilong yu i amamas na bai spirit bilong mi i kirap. ⁵ Bikpela, yu gutpela, yu save redi long lusim sin na soim bikpela marimari bilong yu long olgeta manmeri husat i singaut na krai i go long yu. ⁶ God Yawe, harim beten bilong mi na krai bilong mi. ⁷ Long taim nogut bilong mi, mi singaut na mi save bai yu i bekim mi. ⁸ I no gat wanpela God Yawe i olsem yu Bikpela. I no gat wanpela samting yu mekim bai narapela man inap mekim. ⁹ Olgeta kantri yu i bin mekim bai i brukim skru long yu, Bikpela. Ol bai i litimapim nem bilong yu. ¹⁰ Yu bikpela na yu save mekim ol gutpela samting, yu wanpela God Yawe tasol. ¹¹ Lainim mi long ol pasin bilong yu, God Yawe. Olsem na mi bai bihainim strepela pasin bilong yu, larim bel bilong mi i mas litimapim nem bilong yu. ¹² Bikpela God Yawe bilong mi, bai mi litimapim nem bilong yu wantaim olgeta bel bilong mi na bai mi litimapim nem bilong yu oltaim. ¹³ Bikpela yu save tingim kontrak yu bin mekim wantaim mi na yu rausim mi long ples ol man i dai pinis. ¹⁴ God Yawe, ol man bilong mekim bikhet pasin i laik bagarapim mi na ol man bilong kirapim trabel i laik bagarapim laip bilong mi.Ol i no save long pasin bilong yu. ¹⁵ Tasol yu, Bikpela, yu save marimari long mipela na God Yawe yu no save belhat hariap na yu save bihainim olgeta kontrak yu bin mekim, bilip bilong mi long yu bai kamapim ol gutpela samting. ¹⁶ Lukluk long mi na marimari long mi, givim stron long wokman bilong yu na helpim pikinini man bilong wokmeri bilong yu. ¹⁷ Soim mi olsem yu stap wantaim mi. Orait husat ol man i givim baksait long mi bai ol i lukim na sem, long wanem God Yawe i helpim mi na stap wantaim mi.