¹ God Yawe, yu noken stap isi tru, noken givim baksait long mipela na tokim mipela long go bek, God Yawe. ² Lukim, ol birua bilong yu i mekim planti nois na husat ol manmeri i les long yu ol bai apim het bilong ol. ³ Ol i mekim hait wok wantaim ol manmeri bilong yu na pasim tok long go pait bek wantaim ol lain man i save was long ol. ⁴ Ol i tok olsem, "Kam, yumi go bagarapim olgeta manmeri. Bai ol manmeri i no tingim nem bilong ol Israel moa." ⁵ Ol i bum wantaim na pasim tok long go pait wantaim yu. ⁶ Ol lain i bum wantaim, em ol lain Idom na Ismael, na ol manmeri long Moab na ol Hagrit ol i pasim tok wantaim ⁷ Ol Gelbal, Amon, Amalek na ol Pilistia na ol manmeri bilong Taia. ⁸ Asria tu i bum wantaim ol na ol i helpim ol lain bilong Lot. Sela ⁹ Yu mas mekim wankain olsem yu mekim long ol Midia, olsem yu mekim long Sisaria na Jabin long wara Kison. ¹⁰ Ol i dai long Endo na ol i kamap olsem pekpek bilong ol animol long graun. ¹¹ Mekim ol i kamap gutpela olsem ol Oreb na Seb na olgeta pikinini man bilong king bilong ol, olsem Seba na Salmuna. ¹² Ol i tok, "Larim yumi yet kisim gutpela gras na wara bilong God Yawe." ¹³ God Yawe bilong mi, mekim ol i olsem stik yu raunim long han wantaim dast, olsem skin bilong wit i pas long win ¹⁴ na olsem paia i kukim bus na olsem paia i lait antap long maunten. ¹⁵ Rausim ol wantaim stronpela win na poretim ol wantaim gutpela tingting bilong yu. ¹⁶ God Yawe, karamapim pes bilong ol wantaim sem na bai ol inap painim nem bilong yu. ¹⁷ Larim ol i stap wantaim sem na poret long olgeta taim na larim ol i pinis olgeta wantaim sem pasin. ¹⁸ Na ol i ken save olsem, God Yawe, yu bikpela na yu tasol i stap antap tru long olgeta hap ples graun.