¹ God Yawe. God bilong mi, mi stap insait long yu olsem ples hait bilong mi. Kisim mi bek long ol lain husat i ronim mi na yu helpim mi. ² Nogut bai ol i bagarapim mi olsem laion i kaikai man na brukim em i go liklik tru we bai i nogat man i kisim bek em. ³ God Yawe bilong mi, sapos mi mekim dispela mi gat asua long han bilong mi? ⁴ sapos mi mekim pasin nogut long man husat i stap wanbel wantaim mi, o mi no save na mi bagarapim ol birua bilong mi, orait harim tok bilong mi. ⁵ Orait larim ol birua bilong mi i bihainim mi na holimpas mi, larim em i krungutim laip bilong mi long graun na putim nem bilong mi i go long graun.sela ⁶ Kirap, God Yawe, insait long belhat, sanap na pait strong long ol birua bilong mi, kirap long slip bilong yu long gutpela bilong mi na bringim ol stretpela lo bilong mi i go olsem yu bin tokim ol. ⁷ Ol kantri i bung na raunim yu olsem na yu mas kisim ples tru bilong yu antap long ol. ⁸ God Yawe i skelim olgeta manmeri, givim mi wanem em bilong mi, God Yawe, long wanem mi stretpela na nogat asua. Mi God Antap tru. ⁹ Larim ol pasin nogut bilong ol manmeri nogut i kam pinis olsem, tasol kirapim ol stretpela manmeri, yu stretpela God tru, yu save skelim ol bel na tingting bilong mipela. ¹⁰ Hap plang bilong mi i kam long God, man husat i lukautim ol man bel bilong ol i stap stret . ¹¹ God em i stretpela jas em God husat i save belhat long ol pasin nogut bilong wanwan dei. ¹² Sapos wanpela man i no tanim bel, God bai sapim bainat bilong em na bai em i redim bunara bilong em long pait wantaim em. ¹³ God i redi long yusim ol samting bilong pait wantaim em na God i mekim paia long nus bilong spia long sutim em. ¹⁴ Tingting long wanpela man o meri i gat bel wantaim ol pasin nogut, husat i kamapim tingting long mekim ol kainkain trabel, husat i save kamapim ol giaman tingting bilong bagarapim ol narapela. ¹⁵ Em i dikim hul na rausim ol graun bilong insait i kam autsait na bihain em i pundaun i go insait long dispela hul em yet i bin dikim. ¹⁶ Dispela bagarap tingting bilong em yet i kam bek long het bilong em na pasin nogut bilong em yet i tanim na bagarapim laip bilong em. ¹⁷ Bai mi tok tenkyu i go long God Yawe long stretpela pasin bilong em na bai mi singim song bilong givim biknem i go long God Yawe em i God Antap tru.