Gutpela man bilong pilai musik. ¹ Olsem dia i painim liklik wara, olsem na mi nek drai long yu, God . ² Mi nek drai long God, long God i stap laip. Wanem taim bai mi kam na sanap long pes bilong God? ³ Ai wara bilong mi i olsem kaikai long dei na nait, oltaim ol birua i save tok long mi olsem, "God bilong yu i stap we?'' ⁴ Dispela samting mi tingim long tingting bilong mi taim mi bin autim olgeta samting i stap long bel. Mi bin kisim ol i go long planti man i stap long em na larim ol long haus bilong God wantaim singaut amamas na singsing. Planti manmeri i amamas long dispela bung. ⁵ Bilong wanem yu brukim skru, spirit bilong mi? Bilong wanem yu no amamas long mi? Bilip insait long God, long wan moa taim mi bai litimapim em husat i bin kisim bek mi. ⁶ God bilong mi, spirit bilong mi i brukim skru insait long mi, olsem na mi tingim yu long tingting, long graun bilong Joden, long tripela hap bilong Maunten Hemon i pinis na long liklik maunten bilong Misa. ⁷ Ples daunbilo i singaut i go long ples daunbilo long nois bilong wara kalap bilong yu, solwara i solap olsem maunten na i kam karamapim mi. Olsem tasol hevi yu putim long mi i karamapim mi. ⁸ Olsem tasol God Yawe bai i tokim em long mekim kontrak long wokabaut wantaim em oltaim long dei taim, long nait singsing bilong em bai i stap wantaim mi na em olsem beten long God long laip bilong mi. ⁹ Mi bai tokim God, em i ston bilong mi, " bilong wanem yu lus tingting long mi? Bilong wanem mi save i go krai, long wanem ol birua i mekim nogut long mi?" ¹⁰ Olsem bainat i sutim insait bun bilong mi, ol birua bilong mi i tok nogut long mi, oltaim ol i save tok long mi , "God bilong yu i stap we?" ¹¹ Bilong wanem yu brukim skru, spirit bilong mi? Bilong wanem yu no amamas long mi? Bilip insait long God Yawe, long wan moa taim mi bai litimapim em husat i bin kisim bek mi na em i God bilong mi.