¹ Helpim mipela, God Yawe, ol gutpela man i go pinis na stretpela pasin i lusim mipela. ² Olgeta lain i mekim ol tok giaman long ol yet na ol i mekim ol tok gris na i gat tupela bel. ³ God Yawe, rausim olgeta tok gris long maus bilong ol, bai olgeta maus i tokaut long ol bikpela samting. ⁴ Dispela em ol lain husat i bin tok, "Long toktok bilong mipela bai ol samting i kamap. Long taim maus bilong mipela i toktok, husat bai stopim mipela?" ⁵ "God Yawe i tok, Mi bai kam na helpim ol, long wanem, ol i bagarapim ol rabisman na ol man i karim pen na hevi." ⁶ Ol tok bilong God Yawe i tru olgeta, em i olsem silva ol i kukim long paia 7-pela taim antap long graun. ⁷ Yu God Yawe! Yu save lukautim ol. Oltaim yu save lukautim gut ol gutpela man long ol man nogut bai i no inap long bagarapim ol oltaim. ⁸ Man nogut i wokabaut long olgeta hap taim pasin nogut i kamap bikpela namel long ol pikinini bilong man.