1
Tok bilong God Yawe kam long Jona long namba tu taim, na tok.
2
" Kirap, na go long Ninive, dispela bikpela taun na autim tok long ol olsem mi tokim yu long givim ".
3
Olsem na Jona i kirap na igo long Ninive bihainim tok bilong God Yawe, Nau Ninive em i bikpela taun na sapos em i wokabaut igo long hapsait long taun,em inap long kisim long 3-pela dei.
4
Jona em i stat long go insait long biktaun na bihain long wanpela dei em i singaut strong na tok, "Insait long 40-pela dei Ninive bai bagarap".
5
Olgeta manmeri bilong Ninive i bilip long God na ol i tokim olgeta manmeri long bikpela igo daun long liklik long tambuim kaikai na putim ol bruk bruk klos.
6
Bihain king bilong Ninive i harim dispela tok. Em i kirap long sia king bilong em na rausim klos bilong em na putim ol brukbruk klos na sindaun wantaim rabis bilong paia.
7
Em i salim strongpela tok igo long olgeta manmeri bilong Ninive antap long pawa bilong em wantaim ol wokman bilong em. Na em i tok noken larim ol man o animol ino gen kaikai na noken dring wara tu.
8
Tasol larim ol manmeri wantaim ol animol bilong ol i ken putim bruk bruk klos na larim ol i krai bikpela igo long God. Larim olgeta lain mas givim baksait long ol pasin nogut bilong ol istap antap long han bilong ol.
9
Husait i save? Nogut God i wanbel na senisim tingting na givim baksait long belhat bilong em, wei bai yumi ino inap bagarap.
10
God i lukim wanem samting ol i mekim na ol i givim baksait long ol pasin nogut bilong ol. Olsem na God i senisim tingting bilong em long bagarapim ol wei em i tok em bai mekim tasol em i no mekim.