¹ God Yawe i tokim mi, "Kisim bikpela ston na raitim antap long em olsem, Ma-Sala-As-Bas.' ² Mi bai tokim ol bilip man i save strongim tok long givim tok long mi, Uria wok man bilong God na Sekaraia pikinini man bilong Jeberekaia." ³ Mi igo long profet meri na em i gat bel na karim wanpela pikinini man. Na bihain God Yawe i tokim mi, "kolim nem bilong em Ma-Sala-As-Bas. ⁴ Long taim pikinini i save long krai , 'Papa bilong mi na 'Mama bilong mi', King bilong Asaria bai i kisim, ol planti gutpela samting bilong Damaskas na ol bagarap samting bilong Samaria i go." ⁵ God Yawe i tokim mi gen, ⁶ "Bilong wanem dispela ol manmeri i lusim gutpela ol wara bilong Siloa na amamas long Resin na ol pikinini man bilong Remalia, ⁷ Olsem na God Bikpela bai i givim ol wara i save ron long bikpela wara igat strong na planti, King bilong Asiria wantaim biknem bilong en. Em bai i ron long olgeta rot bilong en na bai i pulap na kapsait na abrusim mak bilong en. ⁸ Wara bai ron igo insait long Juda, bai pulap na ron igo, inap em i kamap long nek bilong yu. Bikpela han bilong en bai i pulapim olgeta hap graun bilong yu, Imanuel." ⁹ Yupela ol dispela manmeri bai i bruk igo liklik. Harim, yupela ol arapela kantri, redim yupela yet long bikpela pait na bruk i go liklik. ¹⁰ Kamapim tingting tasol em bai i no inap kamap, givim toktok tasol ol bai ino inap long bihainim, long wanem God i stap wantaim mipela. ¹¹ God Yawe i tokim mi, wantaim strongpela han bilong en long mi na givim tok lukaut long mi long noken wokabaut long rot bilong dispela ol manmeri. ¹² Noken pasim tok long wanpela samting olsem dispela manmeri i save mekim olsem tok hait, yu bai i no inap pret long wanem samting ol i save pret long en na noken surik. ¹³ Em God Yawe antap tru husait yu ba i tokaut long en olsem stretpela, Em wanpela tasol yu mas pret long en na em wanpela tasol yu mas surik long en. ¹⁴ Em bai i kamap long ples hait tasol em bai i kamap olsem ston bilong paitim na ston bilong seksek, wantaim lain bilong Israel, em bai i holim na kamap nupela long ol manmeri bilong Jerusalem. ¹⁵ Planti bai i pundaun antap long en na bai i bruk na ol bai i kisim ol na kalabusim ol. ¹⁶ Pasim dispela tok bilong mi, putim stretpela tok istap long en na givim igo long wokman bilong mi. ¹⁷ Mi bai weit long God Yawe husait i haitim pes bilong en long ol lain bilong Jekop na bai i bilip long en. ¹⁸ Lukim, mi wantaim ol pikinini husait God Yawe i givim mi long en olsem mak na ol samting i mekim man i pilim narakain long Israel i kam long God Yawe antap tru, husait istap long Maunten Saion. ¹⁹ Ol bai i tok long yupela, "kisim tingting long ol samting i stap klostu long yu na ol spirit," husait ol i mekim bikpela nois na liklik nois bilong kamapim samting. Tasol inap ol manmeri i no inap lukim God bilong ol? Inap ol bai i kisim tingting long ol manmeri i dai pinis long makim maus bilong ol manmeri istap laip? ²⁰ Long lo na long ol tok! Sapos ol i no tok long dispela samting, em i olsem ol i nogat lait i save kam antap paslain. ²¹ Ol bai i abrusim graun wantaim bikpela pen na hangre. Taim ol i hangre ol bai i belhat na tok baksait long King bilong ol na God bilong ol, taim ol i tanim pes bilong ol i go antap. ²² Ol bai lukim dispela graun na lukim pen, tudak na narapela kain tudak. Em bai i kisim ol i go long graun bilong tudak.