¹ Kam long mi, yupela olgeta husait nek i drai long wara na bai mi givim wara long yupela na husat yupela i no gat moni, kam, baim na kaikai. Kam na baim wain na milk husait yupela i nogat moni na i no inap long baim. ² Bilong wanem yupela i skelim silva long wanem i no bret na bilong wanem yupela mekim wok long kisim samting yupela i no inap pulap long en? Harim mi gut na kaikai wanem em i gutpela na bai yupela i stap amamas insait long mi. ³ Putim yau na harim na kam long mi, harim na yupela bai i stap laip. Bai mi mekim kontrak wantaim yupela oltaim, long laikim yupela olsem mi bin mekim long Devit. ⁴ Lukim, mi makim em olsem man bilong was na bringim toksave bilong narapela kantri i kam bek long mi,olsem lida na kepten bilong ami bilong ol manmeri . ⁵ Lukim, yupela bai singaut i go long kantri yupela i no save long en na kantri i no save long yupela bai ran i kam long yupela bilong wanem God Yawe em i God Holi bilong Israe i litimapim yu i go antap." ⁶ Panim God Yawe na bai yu painim em, singaut long em taim em i stap klostu long yu. ⁷ Ol man bilong mekim pasin nogut i mas lusim rot nogut bilong ol na ol man bilong tingting nogut i mas lusim tingting nogut bilong ol. Ol dispela man i mas go bek long God Yawe na em bai sori long ol na lusim olgeta sin bilong ol. ⁸ God Yawe i tok, "Ol tingting bilong mi i no wankain olsem tingting bilong yupela na ol pasin bilong mi i no wankain olsem pasin bilong yupela. ⁹ Pasin na tingting bilong mi i antap long yupela olsem skai i stap antap long graun. ¹⁰ Olsem ren na klaut i pundaun kamdaun long skai i no save i go bek nating inap graun i wet na pundaun long kamapim sid na wokman bilong gaden bai planim long kisim wit bilong kaikai, ¹¹ wankain olsem tasol, tok bilong mi kam aut long maus bilong mi, em bai i no inap kam bek nating, tasol em bai mekim stret wanem wok mi salim em long mekim. ¹² Long yupela bai go aut wantaim amamas na em bai kisim yupela i go wantaim bel isi, ol maunten na ol liklik maunten bai kirap amamas singaut na olgeta diwai long hap bilong graun bai paitim han long yu. ¹³ Long ples bilong nilgras i kamap long en bai diwai saipres i kamap na long ples diwai i gat rop kamap long en, bai mitel diwai bai kamap na ol dispela bai soim olsem ol i bilong God Yawe, long nem bilong Em mak bai i stap oltaim na i no inap long lusim ol."