¹ Long ol dispela taim, Hesekaia em i sik nogut tru na klostu i laik i dai. Olsem na profet Aisaia pikinini man bilong Amos i kam long em na i tokim em olsem, "God Yawe i tok, Stretim haus bilong yu, bai yu dai, yu inap i stap laip moa.'' ² Bihain Hesekaia i tanim pes i go long wol bilong haus na beten i go long God Yawe. ³ Em i beten na i tok, "God Yawe, yu tingim mi long gutpela pasin mi bin mekim long ai bilong yu wantaim olgeta gutpela bel bilong mi." Bihain Hesekaia i bikmaus na krai. ⁴ Bihain tok bilong God Yawe i kam long Aisaia na i tok, ⁵ "Go na tokim Hesekaia, lida bilong ol manmeri bilong mi. 'God Yawe i tok olsem, Mi God bilong tumbuna bilong yupela Devit i tok olsem, Mi harim pinis beten bilong yu na lukim ai wara bilong yu. Lukim, nau yet mi laik surukim narapela 15 yia moa i go antap long laip bilong yu. ⁶ Na bai mi helpim yu wantaim dispela biktaun long han bilong king bilong Asiria na mi bai banisim dispela biktaun. ⁷ Dispela em bai i kamap olsem mak bilong yu long mi God Yawe, bai mi mekim olsem mi tok. ⁸ Lukim, bai mi mekim tewel istap antap long leda long Ahas long i go bek 10-pela lek mak.'' Olsem na tewel i go bek long 10- pela lek mak long ples em i kam long en. ⁹ Dispela em i beten bilong king Hesekaia bilong Juda, em i raitim taim em i sik nogut tru na i kirap gen. ¹⁰ "Mi tok taim mi i stap namel long laip bilong mi, mi bai i go long bikpela dua bilong taun Silo, em nau ol i salim mi i go i stap long olgeta yia. ¹¹ Mi tok olsem mi i no inap long lukim gen God Yawe, long ples ol man i gat laip i stap yet. Mi no inap moa lukim ol manmeri na husat i stap long dispela graun. ¹² Laip bilong mi ol i rausim na karim i go olsem haus sel bilong man bilong lukautim sipsip, yu rausim mi olsem hap laplap na katim mi i go aut olgeta namel long dei na nait, laip bilong mi i laik pinis. ¹³ Mi bikmaus na krai i go inap tulait i bruk, olsem laion yu brukim olgeta bun bilong mi. Namel long dei na nait tasol yu laik pinisim laip bilong mi. ¹⁴ Mi singaut na krai olsem liklik pisin na pisin balus na ai bilong mi i no les long lukluk i go antap. Bikpela, mi bagarap na kisim taim, yu helpim mi. ¹⁵ Bai mi tok wanem? Em tok aut long mi na em i mekim pinis. Bai mi wokabaut isi tru long ol hap yia mi gat, long wanem mi pulap long sori. ¹⁶ Bikpela, ol hevi na bagarap yu salim i kam long mi, em i gutpela long mi, inap yu givim mi bek laip bilong mi, yu stretim pinis laip na gutpela pasin na sindaun bilong mi. ¹⁷ Em long gutpela bilong mi olsem mi i go insait long hevi. Yu helpim mi pinis long kam aut long hul bilong bagarap, long wanem, yu tromoi olgeta sin bilong mi long baksait bilong yu. ¹⁸ Ples bilong dai man i no inap long tok tenkyu long yu, dai i no inap amamas long yu ol lain i go insait long matmat bai i no inap bilip long yu. ¹⁹ Man i stap laip, man i no dai yet, em dispela man bai tok tenkyu long yu olsem nau mi mekim, wankain olsem papa i save putim tok bilong bilip i go long ol pikinini. ²⁰ God Yawe i laik helpim mi, bai yumi amamas wantaim musik olgeta taim insait long haus bilong God Yawe. ²¹ Olsem Aisaia i bin tok, "Larim ol i kisim ol hap fik na putim antap long sua na em bai i orait gen." ²² Hesekaia tu i tok olsem, "Wanem mak bai i soim olsem em i taim bilong mi long i go antap long haus bilong God Yawe?."