¹ Tokaut klia long Isip. Lukim, God Yawe i sindaun antap long klaut na i kam long Isip, ol giaman god bilong ol Isip i guria pinis long em na bikpela pret i kisim ol Isip insait long bel bilong ol. ² Mi bai tanim tingting bilong ol Isip na bai ol i paul na pait namel long ol yet. Man bai pait wantaim brata bilong em na wantaim narapela man i stap klostu long ol na biktaun bai pait wantaim narapela biktaun na kindom bai pait wantaim kindom. ³ Strong bilong spirit bilong ol Isip bai i go daun. M bai mekim gutpela tingting bilong ol i kamap samting nating, ol bai singaut long ol giaman god bilong ol na long ol spirit bilong man i dai pinis na toktok long spirit bilong graun na ol man bilong toktok wantaim ol spirit. ⁴ Mi bai givim ol Isip i go long han bilong ol hatpela bosman na ol bai stap aninit long strongpela king na ol bai i no inap i stap gut. Dispela tok em God Yawe i gat olgeta strong i tokaut klia." ⁵ Ol wara bilong solwara bai i drai na bikpela wara i save ron tu bai i drai olgeta na kamap ples nating. ⁶ Bikpela wara i save ron bai i bagarap nogut tru, wara bilong Isip i save kamap long graun bai i go liklik na drai na ol pitpit gras bilong wara wantaim gras i gat lip bilong en i sap olsem naif bai kamaut i go. ⁷ Ol pitpit gras i stap long wara Nail, long maus bilong em na olgeta gaden bilong kisim kaikai baksait long wara Nail, bai i drai na kamap olsem san i draim na ol bai rausim i go na em bai no moa i stap. ⁸ Ol man bilong painim pis bai bikmaus na krai na husait ol i save tromoi huk long wara Nail bai krai, ol lain i save tromoi net antap long wara bai wari na sori. ⁹ Ol wok manmeri bilong kapok plaua na ol lain i save tanim waitpela rop na wokim klos bai i kamap wait olgeta. ¹⁰ Ol wokman bilong wokim klos bilong ol Isip, ol bai i krungutim ol na ol man i save kam wok long ol bai wari na sori long ol yet. ¹¹ Ol pikinini man bilong king bilong Soan i longlong olgeta na i nogat gutpela tingting bilong ol. Ol saveman bilong givim gutpela tingting long king long wanem as bai Fero i kamap wantaim longlong tingting. Long wanem as na yu bai tok olsem long Fero, "Mi pikinini bilong gutpela saveman na pikinini bilong king bipo?" ¹² We i stap ol gutpela saveman bilong yupela? Larim ol i tokim yupela na yupela bai save wanem samting God Yawe i gat olgeta strong i tingting long mekim long ol Isip. ¹³ Ol pikinini man bilong king Soan i kamap olsem man i nogat gutpela tingting, ol pikinini man bilong king bilong Memfis i bilip long giaman tok pinis, ol i mekim ol Isip i lusim gutpela tingting na ol go olsem man i nogat gutpela tingting, em ol lain husat i bin stap olsem kona ston bilong ol tumbuna lain bilong ol long bipo tru. ¹⁴ God Yawe i bungim spirit bilong senis namel long em na kisim Isip i go pas long ol samting em i mekim i go long narapela rot olgeta, olsem spak man i go kam na krungutim traut bilong em. ¹⁵ Inogat wanpela man bai mekim wanpela samting long Isip, maski em i stap long het bilong em o teil bilong em, o han bilong pam diwai o pitpit gras bilong wara. ¹⁶ Long dispela taim ol Isip bai i stap olsem ol meri. Ol bai guria na pret long wanem belhat bilong God Yawe i gat olgeta strong bai i kam antap long ol na karamapim ol. ¹⁷ Graun bilong ol Juda bai i olsem stat bilong wokabaut krangi i go long Isip. Taim ol man i tingim i go bek long ol Isip, ol bai pret, long wanem em i gat tingting long bagarapim ol. ¹⁸ Long dispela taim bai i gat 5-pela biktaun long graun bilong ol Isip na ol bai i mekim tokples Kenan na ol bai mekim tok long ol yet long kam pas na stap wantaim God Yawe i gat strong. Wanpela bilong ol dispela biktaun, ol bai i kolim olsem biktaun bilong San. ¹⁹ Long dispela taim bai i gat alta bilong kukim olgeta long God Yawe i sanap namel long graun bilong ol Isip na longpela ston pos bai sanap em yet long mak bilong God Yawe. ²⁰ Em bai i sanap olsem sain mak bilong luksave long God Yawe bilong olgeta strong long graun bilong ol Isip. Taim ol i krai long God Yawe long husat ol man i laik mekim nogut long ol, em bai salim man bilong helpim na pait long ol na em bai kisim ol bek. ²¹ God Yawe bai mekim olgeta Isip i luksave long em na long dispela taim olgeta manmeri bilong Isip bai tokaut long God Yawe. Ol bai brukim skru na lotu long em wantaim ol ofa bilong sekrifais na ol ofa bilong ofarin. Na ol bai mekim ol tok promis long bihainim God Yawe na inapim tok promis bilong ol yet. ²² God Yawe bai mekim ol Isip i no hamamas long ol samting em i mekim, em bai mekim ol i no hamamas na em i no inap oraitim ol. Ol bai i kam bek long God Yawe na em bai harim prea bilong ol na oraitim ol. ²³ Long dispela taim bai i gat bikpela rot i kamap long Isip na i go long Asiria na ol Asiria bai i kam long Isip na ol Isip bai i go long Asiria na ol Isip bai lotu wantaim ol Asiria. ²⁴ Long dispela taim, Israel bai kamap namba 3 long ol Isip na Asiria na blesin bai i stap namel long grau, ²⁵ God Yawe i gat olgeta strong bai blesim ol na i tok, "Blesin bai i stap long yupela ol Isip, ol lain manmeri bilong mi. Yupela ol Asiria, mi wokim yupela long han bilong mi na yupela ol Israel mi makim yupela bilong mi yet."