¹ Salim ol man sipsip igo long bosman bilong graun bilong Sela insait long ol ples nating, long maunten bilong pikinini meri bilong Saion. ² Olsem ol pisin i save plai nating nambaut, olsem haus pisin istap nambaut, wankain olsem ol meri bilong Moap istap long hap bilong Wara Anon ol i ken wokabaut long en. ³ ''Givim toksave na mekim stretpela pasin, kamapim sampela ples win wankain olsem nait long namel bilong dei, haitim ol man husait i ranawe nambaut na noken putim ol ples klia. ⁴ Larim ol istap namel long yupela, husait ol i lusim ples bilong ol long Moap. Kamap ples hait bilong ol man i save bagarapim ol. Man nogut bai i lusim pasin nogut bilong en na pasin bilong bagarap bai igo daun, husait ol lain i bikhet nogut tru bai igo autsait olgeta long dispela graun. ⁵ Sia King bai i kamap long mekim kontrak wantaim stretpela pasin na wanpela istap long haus sel bilong King Devit bai i sindaun antap. Em bai kamap jasman na mekim stretpela pasin. ⁶ Mipela i harim pinis long Moap em i apim nem bilong em yet na ino tingim narapela na belhat bilong em.Tasol ol dispela toktok bilong em i mekim bai i kamap nating tasol. ⁷ Moap i krai bikpela long em yet na olgeta bai krai bikpela tru na sori. Yupela husait i kisim bikpela bagarap, long ol naispela liklik bret bilong Kir Hareset. ⁸ Olgeta hap graun bilong ples Hesbon i drai pinis wantaim ol diwai wain bilong Sibma. Ol bosman bilong kantri i krungutim ol gutpela diwai wain igo kamap long Jasa na igo moa yet insait long ples drai nating. Ol nupela han i kamap na igo longwe na igo long solwara. ⁹ Tru tumas, bai mi krai wantaim Jasa long ol gaden wain bilong Sibma. Bai mi givim ai wara bilong mi long Esbon na Eleale. Long wanem ol graun wei ol diwai wain i save kamapim gutpela pikinini kaikai long gutpela san na long taim bilong kisim kaikai long gaden, mi pasim pinis ol singaut bilong amamas. ¹⁰ I no gat singsing istap na nogat amamas long pikinini kaikai bilong liklik diwai, ino gat man i singaut long gaden wain. Nogat wanpela i krungutim pikinini kaikai bilong wain insait, long wanem mi pasim pinis singaut bilong man husait i save wok bikpela. ¹¹ Olsem na bel bilong mi i pen olsem gita bilong Moap na insait tru long bel bilong mi long Ki Hareset. ¹² Taim Moap i putim em yet igo antap long ples bilong givim ofa na go insait long haus lotu bilong beten, ol beten bilong em bai ino inap karim kaikai. ¹³ Dispela em i tok, God Yawe i bin tokim Moap ino long taim igo pinis. ¹⁴ God Yawe i tok ken, insait long tripela yia, olgeta biknem bilong Moap bai igo pinis. Planti manmeri bilong em istap, tasol ol i liklik lain tasol bai ino inap mekim wanpela samting.