¹ God Yawe bai marimari long Jekop, em bai makim ol lain Israel i kam na kisim ol i go long graun bilong ol yet. Ol lain bilong narapela hap bai kam bung na i stap pas wantaim lain bilong Jekop. ² Ol kantri bai kisim ol i go long ples bilong ol yet. Ol lain manmeri bilong Israel bai kisim ol olsem wokboi na wokmeri i go long graun bilong God Yawe. Ol bai kalabusim ol lain, pastaim ol yet bin i stap aninit long strong bilong ol na bai ol i mekim ol lain i bin givim hevi long ol, i kam aninit long strong bilong ol gen. ³ Long dispela dei God Yawe bai givim yupela malolo long wanem, ol pen na bagarap yupela i bin kisim na wanem ol hatwok yupela i bin mekim, ⁴ bai yupela singim song bilong tok pilai na sutim bel bilong king bilong Babilon, "Olsem wanem dipela lain i save givim hevi long pinis bilong ol, man i save belhat na apim em yet i bungim pinis bilong em! ⁵ God Yawe i brukim strong bilong man nogut na strong bilong ol dispela king, ⁶ ol i paitim ol manmeri nogut tru wantaim belhat na ol i no malolo na insait long belhat man i lukautim olgeta kantri, em wantaim kalabus ol i no inap long stap fri. ⁷ Olgeta hap graun i malolo na i no mekim nois, ol i stat long amamasim dispela dei wantaim singsing. ⁸ Na tu ol diwai sipres i amamas long yu wantaim diwai sida bilong Lebanon na ol i tok, "Taim yumi i stap daun bilo tru, nogat wanpela sap samting bilong katim diwai i kam antap long katim yumi i go daun." ⁹ Ples Tudak daun bilo i gat bikpela laik long bungim yu taim yu go long hap. Em i kirapim ol man i dai pinis i kam beken long yu, em i mekim olgeta king bilong graun i lusim sia king na kirap na olgeta king bilong olgeta hap kantri. ¹⁰ Olgeta bai toktok long yu na tok, "Strong bilong yu i go daun pinis olsem mipela. Yu kamap wankain olsem mipela . ¹¹ Biknem bilong yu wantaim nois bilong string gita i go daun pinis long ples Tudak. Ol liklik waitpela binatan olsem snek bai i go antap long yu na ol snek i stap insait long graun i karamapim yu pinis." ¹² Yu pudaun olsem wanem long heven, sta bilong dei taim na pikinini man bilong monin! Olsem wanem na yu kam daun olgeta long graun na yu daunim olgeta kantri i kam aninit long yu! ¹³ Yu tok insait long bel bilong yu na yu tok, "Bai mi go antap long heven, bai mi litimapim sia king bilong mi i go antap long ol sta bilong God Yawe na bai mi sidaun antap long maunten bilong ol manmeri long hap i go olsem long not. ¹⁴ Bai mi abrusim ol klaut i go antap moa yet na bai mi stap wankain olsem God em i antap Tru." ¹⁵ Tasol bai yu i go daun long ples tudak, long hul i go daun tru. ¹⁶ Ol man bai lukluk strong long yu na bai ol i tingim yu. Ol bai i tok, "Em dispela man i save mekim graun i guria na mekim ol kantri i seksek, ¹⁷ man husait i save mekim graun i kamap ples nating, man husait i save bagarapim na daunim olgeta biktaun na i no larim ol kalabus manmeri bilong em i go long haus?" ¹⁸ Olgeta king bilong olgeta hap kantri i kam brukim skru long givim biknem long em na wanwan bilong ol long matmat bilong ol yet. ¹⁹ "Ol i rausim yu long matmat na tromoi yu i go longwe olsem wanpela han bilong diwai. Dai i karamapim yu olsem klos, ol lain bainat i sutim ol, ol i go daun long hul i pulap long ol ston. ²⁰ Yu i no inap i stap wantaim ol man bai ol i planim ol long graun, bilong wanem yu bagarapim graun bilong yu na kilim i dai ol manmeri bilong yu. Nem bilong ol pikinini lain bilong ol man husait i save mekim pasin nogut bai i no inap i stap." ²¹ Yu redi long kilim i dai ol pikinini lain bilong yu, long sin bilong ol tumbuna papa lain i bin mekim, long ol i no ken kirap na kisim graun na pulapim dispela olgeta hap graun wantaim ol biktaun. ²² God Yawe bilong olgeta samting i tok, "Bai mi kirap na mekim birua wantaim ol" . "Bai mi rausim nem bilong ol long Babilon na God Yawe i tok, ol lain tumbuna pikinini i kamap nau na ol lain pikinini bai kam bihain tu" ²³ God Yawe bilong olgeta samting i tok, "Bai mi mekim ples bilong dispela meri kamap ples bilong pisin aul bilong nait na tu mekim em i kamap raun wara na bai mi rausim dispela meri wantaim bikpela bagarap." ²⁴ God Yawe bilong olgeta samting i mekim tok promis olsem, "Em tru olsem wanem as tingting mi gat em bai i stap olsem. ²⁵ Bai mi bagarapim Asiria long graun bilong mi yet na bai mi krukutim em i go daun long lek bilong mi long ol maunten bilong mi. Bai mi rausim hap plang i stap antap long ol na rausim hevi i stap antap long solda bilong ol." ²⁶ Dispela em i tingting i stap olsem long wanem ol samting bai kamap long olgeta hap bilong graun, dispela han bai mi apim i go i kam long olgeta hap kantri. ²⁷ God Yawe bilong olgeta samting i mekim dispela tingting, husait bai inap long pasim em? Taim em i apim han bilong em, husait bai inap long rausim han bilong em? ²⁸ Long dispela yia king Ahas i dai pinis, dispela toktok i kamap. ²⁹ Noken tru amamas, yupela ol Pilistia, olsem stik i bin paitim yupela i bruk pinis. Bilong wanem posin snek bai kam aut long narapela snek, dispela pikinini em i karim bai kamap snek nogut bilong flai olsem paia i lait. ³⁰ Namba wan pikinini bilong ol trangu man bai mekim ol sipsip i kaikai gutpela gras, ol lain i sot long samting bai i stap gut na i no inap painim hevi. Bai mi kilim yu i dai long hap yu stap long en wantaim bikpela hangre na kilim i dai olgeta manmeri bilong yu i stap laip. ³¹ Pilistia bai yu pilim pen na singaut, dua, krai bikpela, biktaun, olgeta bai kamap olsem wara na lus. Hap long sait not, klaut bilong smuk, bai i kam na bai nogat man bai lusim lain bilong em na i go lus. ³² Olsem wanem bai ol inap long harim tok bilong man bilong karim toksave bilong dispela kantri? "God Yawe i painim Saion pinis, insait long dispela meri tasol ol manmeri bilong em i bagarap pinis bai ol i painim gutpela sidaun."