¹ Toksave long Babilon olsem Aisaia pikinini man bilong Amos i kisim. ² Long maunten i nogat samting long en ol i sanapim flek bilong soim sain, em i krai bikpela long ol na tromoi han long ol long kam insait long dua bilong ol lida man. ³ Mi bin tokim ol gutpela man bilong mi, yes, mi bin singautim ol strongpela man bilong mi long kilim ol na pinisim belhat bilong mi na ol bai amamas long wanem ol i mekim. ⁴ Ol nois bilong planti lain antap long maunten, dispela em nois bilong planti lain man bilong pait! Na singaut bilong planti lain grup man long kingdom olsem planti biktaun man i bung wantaim! God Yawe i gat olgeta strong i bungim ol Ami bilong pait. ⁵ Ol i kam long kantri istap longwe tru na abrusim mak bilong graun tu. Em God Yawe i skelim ol samting bilong em wantaim na em i bagarapim olgeta hap graun. ⁶ Ol i singaut igo, long wanem dei bilong God Yawe em i kamap klostu, em i kam wantaim bagarap na strong bilong God Yawe. ⁷ Long dispela as olgeta han bai lus na slek, olgeta bel bilong ol bai i malomalo. ⁸ Ol bai i pret na pilim pen insait long ol olsem meri i laik karim pikinini. Ol bai lukim narapela tu i pilim pen na pes bilong ol bai olsem paia i lait. ⁹ Lukim dei bilong God Yawe i kam wantaim bagarap long pinisim belhat bilong em, long mekim ol graun i nogut na bagarapim olgeta manmeri i bin mekim sin long em. ¹⁰ Ol sta bilong heven i save bung na lait ol bai i no inap givim lait bilong ol. Na san bai kamap tudak yet maski em i moning na mun bai i no inap lait moa. ¹¹ Mi bai kalabusim olgeta kantri long pasin nogut bilong ol. mi bai putim stop long daunim ol man i amamas na daunim ol man i no sori long ol narapela. ¹² Mi bai mekim moa bagarap long man olsem gutpela gol na olgeta kain man bai hat tru long painim gol stret bilong ofai. ¹³ Long dispela as mi bai mekim Heven i lusim ples bilong en na graun bai guria na lusim ples bilong en, em laik bilong God Yawe i gat olgeta strong na bikpela belhat bilong em long dispela dei. ¹⁴ Olsem man i ronim abus sipsip i no gat gras na i no gat wasman bilong em, olgeta man bai tanim na bihainim ol manmeri bilong ol yet na i go nambaut long graun bilong ol yet. ¹⁵ Olgeta man ol i lukim ol, ol bai kilim ol na olgeta man husait ol i holim ol, ol bai katim ol wantaim bainat bilong ol. ¹⁶ Na ol liklik pikinini bilong ol tu ol bai holim na katim ol long ai bilong ol. Na ol bai i bagarapim haus bilong ol na paulim ol meri bilong ol. ¹⁷ Lukim, mi redi long taim ol Midia i pait long ol, husait bai ino inap tingting long silva na ol ino inap wari long gol. ¹⁸ Ol bunara bilong ol bai pairap antap long ol yangpela man, ol bai i no inap sori long ol beibi na ol i no inap marimari long ol pikinini. ¹⁹ Orait ol Babilon, ol i save laikim moa long ol arapela kingdom, gutpela bilong ol tumbuna bilong ol, God yawe bai bagarapim ol olsem Sodom na Gomora. ²⁰ Em bai no gat wanpela i stap insait o i stap inap long ol tumbuna i go long narapela tumbuna. Na Arab bai i no inap taitim sel bilong ol long dispela hap na em ino inap long ol wasman bai i kisim ol lain bilong ol i kam malolo long hap. ²¹ Tasol wel animol bilong ples drai bai slip i stap long hap. Na haus bilong ol bai pulap long ol pisin bilong nait, muruk na wel meme bai kalap nambaut long hap. ²² Hainas bai krai insait long stronpela tawa bilong ol na wel dok bai stap insait long gutpela haus bilong king. Nau taim bilong em i kamap klostu na em ino inap long weit.