¹ Wanpela nupela kru bai i kamap long as bilong lain bilong Jesi na han bai i kam aut long as bilong dispela diwai na karim kaikai. ² Na Spirit bliong God Yawe bai i stap antap long em, em Spirit bilong gutpela tingting na save, Spirit bilong skulim man na bikpela strong, Spirit bilong save long ol samting na pret long God Yawe. ³ Bikpela hamamas na bel bilong em bai stap long pret bilong God bikpela, em bai i no i nap skelim man long wanem ai bilong em i lukim , o skelim wanem tupela iau bilong em harim. ⁴ Tasol, em bai skelim ol rabis man na ol man i sot long samting wantaim stretpela pasin bilong em na kamapim gutpela tingting long man i daunim em yet long dispela graun. Em bai i bagarapim ol man bilong graun wantaim tok i stap long maus bilong em na wantaim win long maus bilong em bai kilim ol man nogut. ⁵ Stretpela pasin bilong em bai i olsem let i pasim bel bilong em na pasin bilong bilip strong olsem let tu i raunim em. ⁶ Ol weldok bai i stap gut wantaim ol sipsip na ol welpusi bai slip isi tru wantaim ol yangpela meme, ol pikinini bulmakau, ol yangpela laion na ol patpela bulmakau olgeta wantaim. Ol liklik pikinini tru bai i go paslain long ol. ⁷ Na ol bulmakau na ol bea bai pas gut na kaikai wantaim na ol yangpela pikinini bilong ol i slip gut wantaim. Ol laion bai kaikai gras olsem ol bulmakau. ⁸ Liklik pikinini tru bai pilai antap long hul bilong snek na ol pikinini i lusim pinis susu bilong mama bai putim han bilong ol long hul bilong ol posin snek. ⁹ Ol bai i no i nap kisim hevi o bagarap long olgeta maunten holi bilong mi, long dispela pasin tasol, dispela graun bai i pulap long save bilong God Yawe, olsem wara i karamapim solwara. ¹⁰ Na long dispela dei,ol lain tumbuna bilong Jesi bai stap olsem flek bilong ol manmeri. Olgeta kantri bai i painim em na ples malolo bilong em bai kamap naispela na bikpela lait tru. ¹¹ Na long dispela dei, God bikpela bihain bai putim han bilong em long oraitim ol liklik lain manmeri bilong em husat i stap yet long Asiria, Isip, Patros, Kus, Elam na Sinar. Hamat na ol ailan bilong solwara. ¹² Em bai putim kamap wanpela flek bilong ol kantri na bungim ol lain Israel istap autsait long lain bilong ol yet na ol Juda i stap nabaut long ol 4-pela kona bilong graun. ¹³ Em bai i rausim bel nogut bilong ol Efraim na ol kros pait bilong Juda tu bai pinis olgeta. Efraim bai i no bel nogut moa long Juda na Juda tu bai i no kros pait long Efraim. ¹⁴ Tasol ol bai hariap tru i go daun long ol maunten bilong ol Pilistia long hap san i go daun na ol bai i bagarapim ol manmeri long hap san i kamap. Ol bai i go pait wantaim ol Edom na Moab na ol manmeri bilong Amon bai bihainim tok bilong ol. ¹⁵ God Yawe bai pinisim tru na bagarapim olgeta lain long pasis bilong solwara bilong Isip. Wantaim hatpela win em bai i tromoi han bilong em i go antap long bikpela wara Yupretis na bai tilim wara igo long 7-pela han wara, olsem bai ol ken brukim wara long sendal i stap long lek bilong ol. ¹⁶ Long dispela hap ples bai i gat bikpela rot bilong ol liklik lain manmeri bilong God i kam bek long Asiria, olsem wankain ol Israel bipo i kam long graun bilong Isip.