¹ Sori tru long husat ol i no bihainim gut lo na raitim ol lo i no stret long strongim tok bilong ol. ² Ol i kisim olgeta samting bilong ol tarangu lain i bihainim lo, long stilim ol samting bilong ol, kisim ol moni samting bilong ol meri man bilong ol i dai pinis na mekim ol pikinini i nogat papa i kamap birua bilong ol! ³ Bai yu mekim wanem long de bilong kot taim bagarap bilong longwe hap ples i kam? Bai yu go long husait long kisim helpim na bai yu putim ol kago samting bilong yu long wanem hap? ⁴ Nogat wanpela samting i stap long yu bai i brukim skru namel long ol kalabus man o pundaun namel long ol man i dai pinis. Long ol dispela samting, belhat bilong en i no go daun, tasol, em i opim han bilong em i go bikpela. ⁵ Sori tru long ol lain bilong Asiria,dispela stik bilong belhat bilong mi, i olsem stik mi holim long soim strong bilong mi! ⁶ Mi salim em i go namel long ol kantri i save kisim biknem na namel long ol manmeri husat i kisim bikpela belhat bilong mi. Mi tok orait long en long kisim dispela bagarap, kisim nem nogut na krungutim ol olsem graun malumalum long rot. ⁷ Tasol dispela em i no samting em i tingting long en o em i no ting long dispela rot. Em i stap insait long bel bilong em tasol long bagarapim na pinisim ol planti manmeri. ⁸ Tasol em i tok olsem, "Yu ting i nogat ol pikinini man bilong mi i kamap ol king? ⁹ Ating Kalno i no olsem Kakemis a? Ating Hamat i no olsem Apat a? Ating Samaria i no olsem Damaskas a? ¹⁰ Olsem tasol han bilong mi i daunim ol kantri i save lotuim ol god giaman, dispela ol piksa bilong ol god giaman ol i wokim long ol diwai em i bikpela moa long ol dispela bilong ol Jerusalem na ol Sameria, ¹¹ bai wankain olsem mi bin mekim long Sameria wantaim ol god giaman bilong ol, yu ting bai mi no inap mekim wankain pasin long Jerusalem na ol god giaman bilong em a?" ¹² Taim Bikpela i pinisim wok bilong en antap long Maunten Saion na long Jerusalem, mi bai mekim save long ol toktok em i mekim bilong amamasim bel bilong king bilong Asiria na em i ting olsem em i moa yet na litimapim nem bilong en. ¹³ Na em i tok olsem, "Wantaim strong bilong mi na gutpela tingting bilong mi bai mi mekim. Mi gat gutpela save na mi rausim ol mak bilong skelim ol manmeri . Mi bin stilim ol samting i dia tumas bilong ol na olsem bulmakau man mi bin rausim ol i kam daun long ples bilong ol. ¹⁴ Han bilong mi i holim samting olsem haus pisin, ol biknem na ol kago samting bilong ol manmeri i olsem wanpela i bungim planti kiau, mi bungim olgeta manmeri bilong graun. Nogat wanpela i paitim wing bilong ol o opim maus bilong ol na mekim nois." ¹⁵ Inap tamiok i apim nem bilong em yet long man husait i yusim em gut tru? Inap so i apim nem bilong en yet planti moa long man husait i yusim em long katim ol samting? Em i olsem wanpela stik i apim ol lain husait i holim na apim long en o wankain olsem wanpela diwai stik i apim wanpela man. ¹⁶ Olsem na Bikpela God Yawe i gat olgeta strong bai salim bikpela sik namel long ol strongpela manmeri bilong en long narapela lain husait i sindaun gut na amamas long olgeta samting ol i gat, i stap aninit long strongpela lait bilong en em bai i kamapim paia olsem paia i lait. ¹⁷ Dispela lait bilong ol Israel bai i kamap olsem paia na dispela wanpela pikinini i Holi Olgeta bai i kamap olsem paia i lait, em bai i kukim na pinisim olgeta gras nogut i gat nil long wanpela de tasol. ¹⁸ God Yawe bai i daunim bikpela lait bilong bik bus bilong em na graun bilong em i save kamapim gutpela kaikai long em, long spirit na long bodi wantaim, em bai olsem taim laip bilong sikman i nogat strong na i go pinis ¹⁹ Ol diwai i stap yet long bus bilong em bai liklik hap tasol, inap long wanpela liklik pikinini i kaunim ol. ²⁰ Long dispela dei ol liklik lain bilong Israel, ol famili lain bilong Jekop i bin ranawe, bai i no moa lukluk long ol lain i bin daunim ol long taim bilong pait, tasol ol bai lukluk i go long God Yawe, stretpela God bilong ol Israel. ²¹ Ol liklik hap lain bilong Jekop bai i kam bek long God Yawe Bikpela I Gat Olgeta Strong. ²² Tasol ol manmeri bilong yu, ol lain Israel, i wankain olsem ol wesan bilong nabis, tasol ol liklik lain bilong ol bai i kam bek. Bagarap i kam olsem stretpela pasin i laik ron olsem wara. ²³ Bikpela God Yawe i gat olgeta strong , i laik kamapim bikpela bagarap long olgeta hap bilong graun. ²⁴ Olsem na Bikpela God Yawe I Gat Olgeta Strong i tok, Ol manmeri bilong mi husait I stap long Saion, ol i no pretim ol lain Asiria. Em bai paitim yu wantaim stik na putim dispela stik antap long yu, olsem ol Isip i bin mekim. ²⁵ Yu noken pret long em, long sotpela taim tasol belhat bilong mi long yu bai i pinis, na belhat bilong mi bai i kisim em i go long bikpela bagarap." ²⁶ Tasol God Yawe i gat olgeta strong bai i mekim strongpela wip long paitim ol, olsem em i bin daunim ol Midia long ples ston bilong ol Orep. Em bai apim stik bilong en antap long solwara na apim i go antap olsem em bin mekim long Isip. ²⁷ Long dispela dei, ol hevi bilong em i stap antap long yu na kalabusim nek bilong yu, bai i pinis olgeta long wanem pasin bilong i stap wantaim bai i pinis olsem man i kamap patpela. ²⁸ Dispela birua i kam pinis long Aiat na wokabaut namel long Mikron, long Maikmas em i putim ol samting em i laik givim i stap yet. ²⁹ Ol i go long hapsait bilong maunten na slip long Geba.Ol lain Rama i guria na pret wantaim Gibea ol lain bilong Sol i ranawe. ³⁰ Singaut na krai bikmaus, pikinini meri bilong Galim! Harim mi, Laisa! Yu Anatot i nogat samting! ³¹ Matmena i laik long ronawe na ol lain bilong ol Kebi i ronawe long painim helpim. ³² Long dispela de em i stap long Nop na seksekim han bilong en long maunten bilong pikinini meri bilong Saion, liklik maunten bilong Jerusalem. ³³ Harim, God Yawe Bikpela I Gat Olgeta Strong bai rausim ol bikpela han bilong ol diwai wantaim bikpela nois, ol bai i katim daun ol longpela ol diwai na ol han bilong diwai i stap antap bai pundaun i go daun. ³⁴ Em bai katim ol diwai long bikpela bus wantaim tamiok na Lebanon wantaim biknem bilong en bai i pudaun olgeta.