¹ Tok bilong Samuel i kam long olgeta Israel. Nau ol Israel i go pait wantaim ol Filistia. Ol i putim kemp long Ebenesa na ol Filistia i kemp long Afek. ² Ol Filistia i lainim ol soldia long pait wantaim Israel. Taim ol i pait, Ol Israel i lus long pait na 4,000-pela man i dai long pait. ³ Taim ol man i kam bek long kemp, Ol bikman bilong Israel i tok, "Olsem wanem na God Yawe i lusim ol Filistia i kam winim mipela? Yumi kisim bokis kontrak bilong God Yawe i go long ples Silon, em bai stap wantaim mipela long hia na em bai lukautim mipela long han bilong ol birua. ⁴ Ol manmeri i salim ol man i go long Silon; long hap ol i karim bokis kontrak bilong God Yawe, em i sindaun antap long tupela ensel. Tupela pikinini man bilong Eli em Hopni na Penias i stap wantaim bokis kontrak bilong God. ⁵ Taim bokis kontrak Bilong God Yawe i kam long kemp, olgeta manmeri bilong Israel i bikmaus na graun i mekim nois. ⁶ Taim ol Filistia i harim nois bilong singaut ol i askim, "Dispela singaut em wanem kain singaut long kemp bilong ol Hibru?" Nau ol i luksave olsem bokis kontrak bilong God Yawe i kam long kemp. ⁷ Ol Filistia i pret na tok, "god i kam stap long kemp bilong ol, "Tok lukaut i kam! Nogat kain samting olsem i save kamap bipo! ⁸ Tok lukaut i kam! Husait bai helpim mipela long strong bilong dispela bikpela god wei em i bagarapim ol Isip wantaim ol planti kainkain hevi long ples i drai. ⁹ Sanap strong na kamap man, yupela Filistia, o yupela bai kamap wokboi bilong ol Hibru olsem ol i kamap wokboi bilong yupela. Sanap strong na pait olsem man. ¹⁰ Ol Filistia i pait, wantaim ol Israel na ol Israel i lus. Olgeta man i ranawe i go long haus na ol i katim planti man na namba bilong ol i olsem 30,000-pela man i dai. ¹¹ Ol i kisim bokis kontrak bilong God Yawe na tupela pikinini man bilong Eli, Hopni na Pinias i dai. ¹² Wanpela man long lain bilong Benjamin i ranawe long pait na i kam long Silon wantain brukbruk klos na graun malomalo long het. ¹³ Taim em kamap, Eli i sindaun arere long rot na lukluk na pret long bokis kontrak bilong God. Taim dispela man i kam insait long biktaun na tok save long dispela bagarap, olgeta manmeri i bikmaus na krai. ¹⁴ Taim Eli i harim bikpela nois, Em i askim, "Wanem samting i kamap na ol i mekim bikpela nois?" Dispela man i kam hariap na tokim Eli. ¹⁵ Eli i stap 98-pela krismas; ai bilong em i bagarap na em ino inap lukluk gut. ¹⁶ Dispela man i tokim Eli, "Mi wanpela tasol nau mi kam long ples bilong pait" na Eli i askim em, "Pikinini man bilong mi i stap olsem wanem?" ¹⁷ Dispela man i kisim tok i kam bekim na i tok, "Ol Israel i lusim pait na ol Filistia i winim ol na tupela pikinini man bilong yu Hopni na Pinias i dai na ol i kisim bokis kontrak bilong God i go. ¹⁸ Taim em i kolim bokis kontrak bilong God Yawe, Eli sindaun long sia na pundaun i go long beksait na brukim nek na dai long sait bilong bikpela dua bilong banis, long wanem em lapun na hevi. Em i wok olsem man i save skelim kot bilong ol Israel long 40-pela yia. ¹⁹ Nau tambu meri bilong em meri bilong Pinia i gat bel na klostu long karim. Taim em i harim dispela tok long bokis kontrak bilong God yawe ol birua i kisim tambu man na man bilong em tupela i dai, em i go daun long graun na karim pikinini, tasol pen i bikpela tumas. ²⁰ Klostu taim long em bai dai, meri helpim em i tok, "Yu noken pret bai yu karim pikinini man. "Tasol em i no bekim tok na kisim wanem em i tok. ²¹ Dispela meri i kolim nem bilong pikinini Ikabot na i tok , "strong i lusim Israel !" Ol i kisim bokis kontrak bilong God Yawe, long asua bilong tambu man na man bilong en. ²² Em tok, "strong bilong God i lusim Israel, long wanem bokis kontrak bilong God ol i kisim."