1
King Solomon em i king bilong olgeta Israel.
2
Dispela em nem bilong ol opisa bilong en: Asaria pikinini man bilong Jadok em pris.
3
Eliorep na Ahiya tupela pikinini man bilong Sisa i kamap kuskus. Jehosafat pikinini man bilong Ahilut em man bilong kisim ripot.
4
Benaia pikinini man bilong Jeodia i bosman bilong ol ami. sadok na Abiata tupela em pris.
5
Asaria pikinini man bilong Natan i bosman bilong ol dispela opisa. Jabud pikinini man bilong Natan em pris na pren tru bilong king.
6
Aisha i bosim olgeta lain long haus. Adoniram pikinini man bilong Abda i bosim olgeta man husait ol i makim em long mekim ol strongpela wok.
7
Solomon i gat 12pela opisa long olgeta hap long Israel na ol opisa i save givim kaikai long king na tu ol lain i stap long haus bilong en. Ol i makim wanpela man long wanpela mun insait long wanpela yia.
8
Dispela em i nem bilong ol: Ben-Ur, i stap antap long maunten ples bilong Efraim;
9
Ben-Deka long ples Makas, Silabim, Bet Simes na Elon Bet Hana;
10
Ben- Hesed, stap long ples Arubot (em bilong Sikon na tu olgeta graun i stap long Hepa);
11
Ben- Abinadab, insait long olgeta hap bilong Napot Do (em i kisim Tapat pikinini meri bilong Solomon olsem meri bilong en);
12
Bana pikinini man bilong Ailud, long ples Tanac na Megido, na olgeta hap long Bet San i stap sait long Jareten na aninit bilong Jesril, long ples Bet San na igo long ples Abel Meola na igo long narapela sait bilong Jokmem;
13
Ben- Giba, insait long ples Ramot Gilid (Em taun bilong Jair pikinini man bilong Manase, em stap long ples Gileat, na tu bikpela hap bilong Argob em bilong en, dispela i stap insait long Basen, i gat 60 pela bikptaun wantaim banis raunim na gate ol i wokim long bras);
14
Ainadab pikinini man bilong Ido, long Mahanaim;
15
Ahimas, long ples Neptali (Em tu i maritim pikinini meri bilong Solomon olsem meri bilong en);
16
Bahana pikinini man bilong Ausai, long ples Asa na Bealot;
17
Jeosapet pikinini man bilong Parua, long ples Aiseka,
18
Simei em pikinini man bilong Ela long Benjamin;
19
Giba pikinini man bilong Uri, insait long ples Gilid, long Kantri bilong Silon igat king bilong Amonaits na Ok em king bilong Basan, na em wanpela tasol i stap opisa insait long dispela ples.
20
Juda na Israel i gat bikpela namba olsem wesan bilong solwara. Ol i kaikai na dring na stap amamas wantaim.
21
Solomon i bosim olgeta kingdom stat long wara na graun bilong Filistia igo inap long mak bilong Isip. Olgeta manmeri i save givim takis bilong ol long Solomon.
22
Solomon i save mekim kaikai long wanpela dei i olsem 30 tausen kilo wait plauwa na 60 tausen kilo braun plauwa,
23
10 pela patpela bulmakau, 20 pela bulmakau ol i lukautim gut na 100 pela sipsip na ol dia long bus na patpela kakaruk.
24
Em i bosim olgeta ples long sait bilong wara, long ples Tipsa igo inap long Gaja na tu lukautim olgeta king long sait bilong wara na em i gat gutpela sindaun namel long olgeta ples i stap kolostu long em.
25
Juda na Israel i stap amamas wantaim, Olgeta man i stap i kaikai aninit long diwai wain na fik bilong em, long ples Dan igo long Besiba, insait long taim bilong Solomon i lukautim.
26
Solomon i gat 40 tausen haus bilong ol hos long usim blong karis na 12 tausen hosman.
27
Ol dispela opisa i save givim kaikai i go long king Solomon na husait i kam long tebol bilong em. olgeta man i mas i gat kaikai long kaikai na nogat wanpela man bai i stap nating.
28
Ol tu i kisim kaikai na gras bilong ol hos bilong karis na ol hos long taim king i makim na wanwan man i mas kisim i kam wanem samting em inap long painim.
29
God i givim Solomon bikpela save na tingting olsem wesan bilong solwara.
30
Save bilong Solomon i winim tru olgeta lain manmeri bilong san i kamap na olgeta save man bilong Isip.
31
Em i pulap long save long dispela hap na winim ol narapela man - olsem Eten na Eraite, Hemen, Kalkol na Darda pikinini man bilong Mahol - stori long biknem bilong em i go long olgeta hap bilong dispela kantri.
32
Em i tokaut long 300 tausen ol tok bilong en long gutpela sindaun na singsing bilong em i olsem 1000 tausan na 5 long taim ol i kaunim.
33
Em i tok klia long ol bus, stat long diwai sida i stap long Lebanon na hisop em i save kamap autsait long banis. Em mekim klia ol wel abus, pisin, ol samting save wokabaut long bel na ol pis.
34
Ol manmeri i save kam long olgeta hap kantri long harim na kisim save bilong Solomon. Ol i kam long wanwan king bilong dispela graun long harim em.