¹ Nau ol Filistia i pait wantaim ol Israel na olgeta Israel i ranawe long ol Filistia. Ol Filistia i kilim ol long maunten Giboa. ² Ol Filistia i bihainim Sol wantaim ol pikinini man bilong em na kilim Jonatan, Abinadab na Milki Sua, em ol pikinini man bilong Sol. ³ Na pait i kamap strong olgeta wantaim Sol na ol man bilong pait long bunara bilong Filistia ol i sutim Sol na em i kisim bagarap. ⁴ Na Sol i tokim wasman bilong em "Kisim bainat bilong yu na sutim mi dai, nogut ol birua husat i no katim skin bai bagarapim bodi bilong mi." Tasol wasman i pret na em i no mekim. Olsem na Sol i pundaun antap long bainat bilong em yet. ⁵ Taim wasman bilong King i lukim Sol i kilim em yet i dai, em tu i pundaun antap long bainat bilong em yet na i dai. ⁶ Olsem na Sol i dai wantaim tripela pikinini man bilong em. Olgeta famili bilong Sol olgeta i dai wantaim. ⁷ Taim ol Israel i lukim Sol wantaim ol pikinini man bilong em i dai pinis, ol i lusim biktaun na olgeta i ranawe. Orait, Filistia i kam insait long biktaun bilong ol na kisim ples. ⁸ Long narapela dei taim ol Filistia i kam long sekim na rausim ol klos bilong ol dai man, ol i lukim Sol wantaim ol pikinini man bilong em i dai na slip i stap antap long Maunten Giboa. ⁹ Ol Filistia i kam rausim klos bilong Sol na katim het bilong em na kisim klos pait bilong em. Ol i salim man bilong karim tok i go long ol giaman god bilong ol na olgeta manmeri bilong Filistia. ¹⁰ Ol i putim klos pait bilong Sol long haus lotu bilong god giaman bilong ol na pasim het bilong Sol long haus lotu bilong giaman god Dagon. ¹¹ Taim olgeta Jabes Gileat i harim olgeta samting ol Filistia i wokim long Sol, ¹² olgeta man bilong pait i go antap na kisim bodi bilong Sol na bilong ol pikinini man bilong em na karim i kam long Jabes. Ol i karim bun bilong ol i kam na planim aninit long diwai oak long Jabes. Na ol i lusim kaikai na sori long 7-pela dei. ¹³ Olsem na Sol i dai bilong wanem em i no i stap stret long ai bilong God Yawe. Sol i sakim tok bilong God Yawe na kisim tingting bilong man husat i save toktok wantaim ol dai man. ¹⁴ Em i no painim helpim long God Yawe olsem na God Yawe i kilim em i dai na givim Kingdom bilong em i go long Devit pikinini man bilong Jesi.