¹ Bate are tabane nana karae una'ara kotara'a opa minti bariara tenabu tabare, " tenabu eka ko'e irirahikama batauro." Ko'e irirahika bano tai'a biroma antu arua okaraba ima a'i baria narobe. ² Iro bo bainti bano mintiake iriro tiharo, biba ekahikama tabatauro tabatauro tiro, bi baintiba nana hikae tabareba inahikara kima biba taba narorabe. ³ Iroma, bo bainti bano Kotirara bo'ake antu arirera, bi baintira, Kotiba ko'ekeroma tabataibo. ⁴ Iro bainti bano kara una'ara kotira'a opa autira nareba ina, bira tenabu tabare " una'ara kotira ma batrai hainara bira umina hikahaube," iboma " Boha Nora Kotiba'ima baibo." ⁵ Bo'ari bo'ari kotika baibama naru baini bata bataini bata, bira nanare, airu kotika bata airu norai'iaka bata bariabo, ⁶ Iroma tenabu, "Boha Kotiba tinabu Oba ima baibo, bira ahiroma ekahika bano obarai ibo bira ahima tenabu bata bauro." ⁷ Eka kiama bi irarahikara batabo, imanta hinikiaka una'ara kotira'a mono'iha kara bareha bika iri tiha, bira una'ara kotira amirebe ti, bira nanare bika iriraki bano orai'abiro kima kempu kai'ibo. ⁸ Iro bi karaba kiama tinabu Kotira abu'a bara ko'e kanaro, kia tenabu orai uraukaube, kia tenabu naina, o ko'e'a buaina, tenabu nararabe. ⁹ Iboma ne rauriha bariate, ni antu'a bano kia bo ata bakarae o aura nakara kumi'i hi'irua kaire,bira nanare, bika mara'ura ututaba kiama kempukai ibo. ¹⁰ Tabae ko'e irirahika bataba ai tabaira una'ara kotira'a mono iaka mono nabu'i kara nebairo, bi baintiba irirahika kia kempu kai'iba una'ara kotira'a opai'iara biba nanaroe? ¹¹ Ma bi irira hikara ie una'ara kotiraini ai baibo, bi ata bakaba, mara'uara utiraba kia kempu kai'iraba, tarae Karaitiba birara bata utiraba, biba orai'abiro kakakima buanarobe. ¹² Mmintira are nena ata baka kia irirahika kempu kai'ika inaini kumi mintia kairo, bira tenabu karaiti rainima kumi minturo. ¹³ Mintiro kara bano ti ata bakaba mara'ura ututaina bara muntubi kairera, kia te bahabera kara anirante neha ata bakaba mara'uara ututaina bara muntubi kare.